好掛住日本嘅美食，但又未有時間返「鄉下」？唔緊要，銅鑼灣有一間高質壽喜燒專門店【壽兵衛 - 壽喜燒專門店】，主打壽喜燒及火鍋套餐，裝修具傳統日本特色，座位全部都係吧枱設計，每枱均會有一位師傅負責介紹及烹調，食客可以一邊品嚐美食，一邊欣賞廚師嘅烹飪手藝。

仙台A5霜降和牛套餐係大熱之選，套餐包括前菜三點、刺身四點、穴子茶碗蒸、壽喜燒(厚燒牛舌、仙台A5霜降和牛及旬之野菜組合)、白飯 / 烏冬、舞茸菇清湯及甜品，非常豐富！

秘製壽喜燒醬汁非常正宗，食嗰陣點埋生蛋黃，風味即刻昇華！而旬之野菜組合，餐廳會挑選時令蔬菜，喺烹調和牛壽喜燒時一併加入，蔬菜索咗肉汁，非常入味，可以解膩。