【識食攻略】銅鑼灣壽喜燒專門店正宗關西風味

2025-11-24

想體驗正宗關西風壽喜燒嘅就一定要嚟位於銅鑼灣嘅【中川】喇！【中川】係一間關西風壽喜燒專門店，並由日籍主廚主理。餐廳選用著名嘅松阪牛、大分和牛以及北海道褐毛和牛，喺揀選食材方面非常講究。製作壽喜燒嘅時候，主廚會先將牛肉煎香，再加上白糖同醬汁調味，食落油脂豐富，風味十足。

除咗壽喜燒之外，套餐包含多款經過精心烹調嘅菜式──吸滿松茸同大閘蟹精華嘅松茸大閘蟹炊飯、新鮮時令刺身、口感嫩滑嘅茶碗蒸等，真係聽到都覺得吸引！