【薈景】全新「味遊東南亞」自助晚餐登場啦！餐廳供應嘅美食取材自一系列經過精心挑選嘅優質食材，亦著重食材嘅配搭及火候控制，務求為大家呈獻一系列精緻惹味嘅東南亞地道美饌。【薈景】採用以城市景觀為主題嘅現代設計，環境舒適，更設有貴賓房，賓客可一邊享用美食，一邊盡情欣賞窗户外嘅維港景致。

前菜、熱湯、熱葷、及甜點都各具特色，色香味俱全！大家可以盡情細嚐東南亞風味。推介菜式包括新加坡辣椒炒蟹、香蕉葉參巴醬燒魔鬼魚、新加坡胡椒炒蝦、海南嘉美雞飯、新加坡肉骨茶配炸油條、斑蘭椰香米糕等等，全部都係地道東南亞美饌！

新加坡辣椒炒蟹

一道非常經典嘅新加坡國菜，蟹肉肥美鮮甜，用濃郁嘅番茄辣椒醬炒製，微辣中帶甜，濃厚嘅醬汁同新鮮蟹肉完美融合，每一啖都充滿滿足感！

新加坡肉骨茶配炸油條

以豬骨長時間燉煮，湯頭濃郁，湯底啖啖都充滿藥膳嘅香味。油條吸滿湯汁後更加惹味，配埋入味嘅豬骨，暖胃又暖心！

新加坡胡椒炒蝦

大蝦新鮮彈牙，黑胡椒醬嘅辛香味完美滲入蝦肉。每隻蝦都吸收足料醬汁，鮮味同辛辣感交織，好適合鍾意重口味嘅海鮮愛好者！  

香蕉葉參巴醬燒魔鬼魚 

魔鬼魚係少見嘅海鮮選擇，肉質滑嫩，充滿濃烈參巴醬嘅香氣，仲有陣陣焦香。用香蕉葉包住燒，有陣自然嘅清香，係好出色嘅南洋燒烤菜！

此外，餐廳每晚都會源源不絕供應多款冰鎮海鮮，包括即開生蠔、加拿大波士頓龍蝦、長腳蟹、麵包蟹，海鮮迷可以趁呢個機會大快朵頤！大家亦可無限量暢飲精選紅白餐酒、啤酒、橙汁及汽水。

呢個自助餐超豐富，不容錯過，快啲約朋友嚟放題啦！