上海菜一直以細膩精緻著稱，而主打正宗滬菜嘅【上海姥姥】更是將滬菜嘅精髓發揮到極致。從前菜到甜品，所有菜式均由資深師傅親手製作，確保食材嘅原汁原味，令每道菜都充滿驚喜。

香煎素鵝係滬菜其中一款經典素食前菜，以豆皮層層摺疊，煎至金黃香脆，入口時帶有濃郁豆香，仲有淡淡嘅焦香味，層次分明，食落去唔會過於油膩。外皮微脆，內部仍然保持嫩滑，口感豐富。陳醋黑白雲耳口感爽脆，陳醋嘅酸味帶出整體風味，食落非常清新，既清爽又開胃，係一道簡單但極具功力嘅涼拌菜。

而佢哋嘅姥姥小籠包絕對係鎮店之寶，選用優質豬肉，小籠包皮薄但能鎖住濃郁肉汁，入口湯汁四溢，肉味鮮甜，配搭醋及薑絲一齊食，更加突顯肉汁嘅鮮味。酸辣湯則以鎮江香醋帶出獨特酸味，再用胡椒粉帶出微辣感，湯內有竹筍、肉絲、豆腐等食材，口感豐富，酸爽開胃。老上海炒飯乾身惹味，鹹香四溢，每一粒飯都炒得爽口，粒粒分明。榨菜嘅爽脆口感令炒飯食落去更具層次。

最後點少得經典豆沙鍋餅，外層金黃香脆，焦香十足，內裡係細滑嘅紅豆沙餡，甜度啱啱好，唔會過於甜膩。

【上海姥姥】係滬菜愛好者嘅必訪之地，餐廳「手製·心造」嘅理念確保每道菜均有高嘅質素，食客可以品嚐到最純正嘅上海風味。快啲帶摯愛嚟體驗地道上海菜啦！