如果你鐘意細味食材本身嘅原汁原味，咁你絕對唔可以錯過【享慢煮意】！【享慢煮意】以「慢煮」為理念，少調味少油，將食材低溫烹調，保留最佳風味，讓客人享受到食材最原始嘅風味。今次餐廳更推出超抵食嘅法式海陸雙拼龍蝦宴，90分鐘內可任食威靈頓牛柳、招牌流心牛角包等美餚，絕對係高CP值之選！
餐廳大膽創新，將香濃龍蝦湯融入流心牛角包，牛角包好鬆軟，滿滿牛油香，一咬爆醬，啖啖鮮味。而蟹膏流心牛角包濃郁到不得了！
湯品方面，有法式龍蝦湯或松露蘑菇湯可以揀。法式龍蝦湯龍蝦味超香濃，啖啖龍蝦肉。松露蘑菇湯松露與蘑菇嘅比例非常完美，醇厚香氣令人回味無窮。
而主菜烤芝士龍蝦扁意粉口感煙靭彈牙，加埋香濃芝士同爽口龍蝦焗製而成，層次豐富。
手作威靈頓牛柳絕對係靈魂之作！牛柳鮮嫩多汁，包裹住酥香嘅牛油酥皮，入口充滿濃郁肉香，絕對係慢煮工藝嘅極致展現。
最後，甜品可以話係點睛之筆， 招牌法式燉蛋囗感幼滑綿密，雲呢拿嘅香氣係囗中散開。而麻辣朱古力北海道牛奶軟雪糕創新有趣，微微辛香帶出咗濃郁嘅朱古力味道，同時中和雪糕嘅甜膩，非常新奇，絕對值得一試！
快啲約埋朋友開餐，以超值價格體驗頂級美食，絕對唔會令你失望！
