收工想約吓班老友食飯吹吓水？想同另一半二人世界？不妨考慮吓去【Arcadia Restaurant & Bar】！餐廳位於大廈頂層，可以欣賞到好靚嘅維港夜景，裝飾亦別具一番心思，融合咗地中海風情與魔法主題，亦有熱氣球造型嘅卡位，天台以粉紅Flamingo熱帶雨林為主題，非常適合影相打卡！菜品選用咗新鮮嘅時令食材，味道絕佳，仲有各款魔法主題雞尾酒，極具特色，飯後小酌一杯，好不愜意！
餐廳提供多款開胃小菜、主菜、甜品，款款都係心思之作！開胃小菜不妨試試新鮮海膽配刺身帶子撻，呢道菜完美結合咗海膽嘅鮮甜同帶子嘅細膩口感，入口即溶嘅新鮮海膽帶有濃郁海洋鮮味，搭配上鮮甜嘅刺身帶子撻，味道豐富而有層次！主菜推介香草煎羊架配烤蒜頭，羊架煎得恰到好處，鎖住咗肉汁，食落鮮嫩多汁，香草嘅點綴提升咗羊架嘅風味，配埋烘烤過嘅蒜頭，非常出色！
食完主菜同埋甜品，梗係要叫番杯酒，一邊飲一邊吹水！餐廳主打特色雞尾酒，誠意推介ONE THOUSAND & ONE NIGHT，以阿拉丁神燈為主題，非常精緻。侍應會用火槍喺神燈周圍點火，超有儀式感，飲落亦非常驚喜，絕對唔會淨係得個樣。熱情果、接骨木花同伯爵茶嘅組合非常淸新，一杯絕對唔夠喉！
【Arcadia Restaurant & Bar】嘅環境、裝飾、氣氛同野食都超正，無論喺同朋友聚會、家庭聚餐，定係慶祝特別嘅日子都適合！未試過嘅就趁今次試吓啦！
