就到復活節假期，梗係要食返餐好嘅慰勞下自己同屋企人！【歷山餐廳】推出海鮮交"饗"樂自助午餐，為大家呈獻一系列精緻奢華嘅美饌，絕對係海鮮愛好者嘅天堂！餐廳位於酒店大堂樓層，設計盡顯奢華氣派，室內裝潢充滿藝術風格，環境舒適，非常適合一家大細聚餐。
自助午餐主題美食包括即開新鮮生蠔、鱈場蟹腳、蟹粉鮑魚海鮮粥、羊肚菌花膠響螺燉雞湯、椒鹽大蝦、慢燒美國頂級西冷牛扒、燒蜜餞火腿等，選擇非常豐富！
即開生蠔及剌身
生蠔肉質飽滿，鮮甜味美，一入口鮮味煥發，令你感受到大海嘅氣息！而刺身都有好多選擇，有三文魚、油甘魚、帶子、赤貝等，每一款都鮮味十足！
鱈場蟹腳
啲蟹肉豐滿結實，鮮味無得彈，配埋清爽嘅雜莓蟹肉彩虹沙律，非常清新。
羊肚菌花膠燉雞湯
夠晒滋補，湯底濃郁，充滿羊肚菌嘅香氣，滋補又香甜，必試！
椒鹽大蝦
香口又惹味，蝦肉彈牙且入味，令人忍唔住想食埋個殼。
蟹粉鮑魚海鮮粥，
粥底濃郁滑順，鮑魚滑溜爽口，仲加入咗蟹粉，令味道更豐富，每一啖都充滿精華，感受到海鮮鮮甜味。
慢燒美國頂級西冷牛扒
肥瘦比例啱啱好，外焦內嫩，滲出陣陣牛肉濃香，咬落充滿肉汁。
18/4-20/4復活節假期期間，餐廳仲會推出復活節主題美食，包括彩虹沙律配蜜糖芥末汁、彩虹鮮果沙律、彩虹鮮果巴菲、彩虹忌廉泡芙、復活兔朱古力蛋等，全部都色彩繽紛，食得又影得！小朋友更可免費參加「復活奇趣滿FUN小廚神」活動，製作造型可愛嘅復活節曲奇同裝飾杯子蛋糕。
呢個自助午餐真係一流嘅味覺享受，保證你食到滿意又開心！快啲買定餐飲券享受至抵優惠啦！
