【老蔡台灣牛肉麵x茶茶滾】位於大埔大美督，主打台式美食，原材料由台灣直送，湯底不添加任何味精，麵條每日在港新鮮製造。
老闆老蔡走到台灣拜師鑽研湯底多年，佢哋啲滿漢三寶牛肉麵以正宗濃郁紅燒風味聞名，絕不添加任何味精。湯頭由16種唔同嘅中藥材及牛骨熬製而成，非常濃郁，帶有些微辛辣。而牛腱肉、牛筋同埋牛肚燉到非常入味，牛腱肉及牛肚非常軟嫩，牛筋Q彈有咬口。而蕃茄特選腱心牛肉麵亦值得一試。蕃茄味好濃郁，酸酸甜甜，牛肉煮到好軟腍好入味，好滿足！麵條掛湯，食落好有口感。
小吃同埋台式飲品都好高質！香酥魷魚鬚炸到金黃香脆，加埋啲辣椒粉，超級邪惡！而佢哋嘅台式飲品更加係用心之作，全部都係加入新鮮水果打成，特濃木瓜鮮奶用咗原個木瓜去打，非常足料，入口香滑。特濃牛油果鮮奶落咗成個牛油果，濃而不膩。
喺大美督踩完單車，就嚟呢度一邊欣賞大自然美景，一邊嘆台式美食啦！
