想感受真正地道韓國風味？唔洗飛韓國，喺本地都可以食到正宗韓式料理！【Sun Haru】以親民價格提供高質韓國美食，無論係香脆韓式炸雞、泡菜石鍋飯，定係芝士年糕，都能讓你一秒置身首爾！餐廳更以卡通風韓國料理壁畫作裝飾，充滿青春活力，啱晒打卡！
炸雞迷必試亞之媽無骨炸雞，金黃香脆嘅外皮包裹住肉汁豐富嘅雞肉，每啖都充滿幸福感。餐廳提供多款口味，包括甜辣、蜂蜜芥末、牛油蜜糖、芝士味及原味，任君選擇。其中甜辣炸雞最受歡迎，甜甜辣辣夠惹味，外皮香脆，雞肉嫩滑又多汁，完全符合韓國炸雞標準。
除咗炸雞，韓式煎餅同樣值得推介。海鮮煎餅非常足料，入面有魷魚、蝦、蜆、椰菜，煎至金黃酥脆，配上醬汁超級開胃。而泡菜煎餅咬落去滿滿泡菜香，酸酸辣辣，令人一試愛上。而韓式炒粉絲亦唔可以錯過，粉絲煙韌彈牙，加入椰菜、洋蔥、肥牛、紅蘿蔔一齊炒，又香又惹味。經典韓式菜式辣泡菜炒五花腩亦都值得一試，泡菜酸辣度恰到好處，配飯一流，每啖都食到肉香、泡菜同洋蔥嘅完美結合。
食韓國菜，梗係要配韓式特飲，可以幫助解膩！推介蜜桃乳酪沙冰，蜜桃味清甜，口感順滑，最適合配炸雞！ 柚子蜂蜜綠茶都唔錯，柚子香氣撲鼻，配合蜂蜜甜味，解膩之選。
如果你都心郁郁想試韓國料理，咁就唔好錯過【Sun Haru】嘅餐飲券優惠，快啲約埋親朋好友，享受韓式美食啦！
