提到地道京滬菜，烤鴨絕對係不可或缺嘅代表！【子鴨留香】以皮脆肉嫩嘅烤鴨聞名。除烤鴨外，餐廳亦於午市客飯及下午茶時段提供多款套餐選擇，適合不同口味及需要。

【子鴨留香】主打嘅留香烤鴨，可謂京菜中的皇者！餐廳選用上等鴨隻，炭烤至皮香酥脆、肉嫩多汁。咬落去時，鴨皮香脆鬆化，帶有淡淡煙燻香，用薄餅包住鴨肉，加埋京葱絲、青瓜絲同甜麵醬，入口層次豐富，令人一試難忘！特別嘅係，佢哋仲提供山楂條同牛油果醬，牛油果醬配烤鴨聽起嚟好似好奇怪，但係食落有驚喜，原來都幾夾，令整體風味更濃厚！烤鴨除咗可以單點，亦提供半隻或整隻選擇，迎合不同需要。



除咗烤鴨，餐廳亦供應多款地道美食，例如上海小籠包、醉雞、紅油炒手、糖醋鮭魚等等，每一道菜都充滿京滬風味！

醉雞係經典上海冷盤，餐廳選用嫩滑雞肉，浸泡喺花雕酒浸製嘅冰涼雞湯中，入口鮮嫩，酒香撲鼻，酒味恰到好處，絕對係平衡得宜！搭配薑絲、蔥花等簡單配料，令味道更添層次。冷盤食法清爽開胃，適合炎夏時食用。

佢哋嘅紅油炒手皮薄嫩滑，豬肉餡料鮮美多汁，配搭麻辣紅油醬，食落香濃惹味，帶微酸麻感。對於鍾意食辣嘅人嚟講，絕對會忍唔住一啖接一啖！金沙虎蝦夠哂大隻，蝦肉鮮嫩彈牙，被滿滿嘅咸蛋黃醬包裹，口感濃郁香脆。松子糖醋鮭魚外脆內嫩，融合咗糖醋酸甜滋味同鮭魚嘅嫩滑口感，酸甜開胃，脆香松子粒粒香脆，搭配糖醋鮭魚更添風味！

如果你鐘意外脆內嫩、肉汁豐盈嘅烤鴨，又想試埋上海與北京嘅傳統菜式，快啲試試【子鴨留香】啦！