今次為你推介一間懷舊與創新並重嘅中菜館，【神燈海鮮酒家】具傳統舊酒家特色，環境典雅，佈置充滿中國風，價錢亦親民。酒家自設大魚缸，海鮮非常生猛，提供嘅菜式非常多樣，包括燉湯、特色小食、家常菜等，以海鮮作主打。

佢哋最近推出咗招牌豬手、麥皮蝦、蟶子皇套餐，有惹味小炒、炒飯麵、點心同甜品，非常抵食，令你可以一次過試到多款特色菜，包括：

招牌椒鹽豬手

豬手外層炸得金黃脆口，椒鹽勁惹味，豬手肉質嫩滑，食完真係忍唔住想再食多嚿！

宮廷濃湯花膠菜膽

湯底夠晒濃郁，花膠嘅滑溜口感加埋菜膽嘅清甜，飲落滋補又養生。

星洲麥皮大蝦皇

金黃嘅麥皮外層香脆又帶濃濃麥味，大蝦肉鮮甜彈牙，配埋麥皮一齊食，多重口感令人食完一隻又一隻，回味無窮！

金蒜銀絲蒸蟶子皇  

蟶子皇肉質鮮甜，搭配蒜蓉同索晒精華嘅粉絲，每啖都係海鮮汁混合蒜香嘅味道，鮮美又足料！

蛋黃哥流沙包

流沙包外皮鬆軟，內餡係咸甜得宜嘅蛋黃流沙，加埋蛋黃哥嘅可愛造型，真係會唔捨得食！

椰汁桂花糕

椰汁嘅香濃配上桂花嘅清香，糕點軟滑又唔黏牙，細細件非常精緻，作為甜品完美又清新！

另外，佢哋嘅黑松露燒鵝同伊比利亞叉燒皇都好出名，個個食完都讚不絕口，大家一定要試吓！