入冬後就係日本士多啤梨嘅當造季節，而用嚟做甜品嘅話就以「博多甜王」為佳，因為福岡縣用咗六年時間不斷研究改良，成功令呢個品種嘅士多啤梨平均糖度高達13度，甜品落少啲砂糖都得。而且「博多甜王」色澤鮮紅仲有豐富嘅食物纖維同維他命C，樣同Package都非常唔錯。
呢款博多甜王泡芙就運用咗「博多甜王」體積比其他士多啤梨大同圓潤嘅特色，令呢款泡芙比起一般嘅更吸引奪目。士多啤梨切開成個心形咁，女仔睇到真係立刻變心心眼！
另外博多甜王意式奶凍Panna Cotta就將「博多甜王」打成果醬，令你專心用舌尖品嘗士多啤梨嘅甜美，加埋香滑奶味嘅意式奶凍，味道層次一次過滿足。
同場加映仲有「福岡八女茶」嘅甜品，啱哂唔鐘意過甜嘅甜品控。褔岡八女茶芝士蛋糕係口感軟滑嘅日式芝士蛋糕，配紅豆蓉或者開心果碎都一樣夾。而褔岡八女茶Tiramisu就質感細滑，食多幾啖都唔怕膩。
飲品方面有博多甜王朱古力咖啡Chocolate Mocha，粉紅色Mocha本身已經超吸睛。朱古力同「博多甜王」士多啤梨兩種甜蜜滋味完美混合，入口幼滑。福岡八女茶Latte一樣香滑細膩，再加上Café R&C擅長嘅拉花，色香味俱全。
以上甜品同飲品都係期間限定，要一試日本福岡縣嘅士多啤梨同抹茶滋味嘅要把握機會啦。
Café R&C X MYOC「博多甜王」及「福岡八女茶」期間限定甜品
活動日期：即日起至2016年2月29日
*博多甜王朱古力咖啡Chocolate Mocha及褔岡八女茶Tiramisu只限Café R&C供應
隨時接收最新資訊
讚好OpenRice專頁！
