秋涼來襲，食熱騰騰的火鍋最夠暖身窩心喇！去澳門食葡菜掃小吃之餘，火鍋亦遠近馳名，去到美食雲集嘅「澳門百老匯™」「百老匯美食街」，更可以一次過品嚐60款滋味火鍋及煲仔菜。火鍋街由即日至2019年2月28日期間限定，火鍋有齊傳統及新派、中日式選擇，今年特別推出14款全新菜式，價錢最低由澳門幣$68起，親民抵食！
秋冬最適合羊腩進補暖身，李家菜人氣古法炭爐羊腩煲今年再度登場，去年六個月內曾創下賣7,000多個紀錄，耗用超過7噸羊腩，受歡迎程度可見一班！羊腩煲以優質草飼中國黑草羊製成，利用砂煲及炭火燉煮秘製湯汁。啖啖煙熏芳香，羊肉嫩滑入味，加上爽脆的馬蹄、吸收了精華的枝竹，以及秘製湯汁燉煮，食完保證成個人暖笠笠！
澳門其中一間歷史悠久嘅鳳城禮記魚翅海鮮酒家，今年特別推出乳豬海鮮煲。大廚創新地將乳豬、海鮮及蔬菜熬成豐盛濃郁湯底，鮮香富肉味，配上香芹及和香菜，層次豐富，耳目一新嘅配搭充滿新鮮感，叫人回味無窮。
唔揀中式亦有地道日式鍋物，千笹日本料理嘅和牛札幌味噌辣魚湯海鮮鍋用料講究，湯底用上精製味噌、和牛和各式海鮮熬煮而成，肉丸亦以日本新鮮黑豚豬肉手打而成，鮮甜juicy，充滿濃厚日本風味，oishi呢！
火鍋亦有東南亞版本，加東餐廳推出滋潤暖身人參椰子雞鍋，用上養生又有營養的食材，包括人參、冬瓜、椰子及雞肉，加入椰肉和椰汁以慢火燉煮。椰子可補虛強身、鮮人參、鮮雞亦有調節人體免疫功效，甘甜美味又有益。
其他必吃火鍋及煲仔菜式仲有火宮殿的魚羊一鍋鮮、皇冠小館的花雕醉雞鍋、新斗記的火焰醉鵝煲、梓記牛什的牛雜蘿蔔鍋，及巴山的重慶麻辣雞煲等。咁多選擇叫人選擇困難，唯有去多幾次試多幾款啦！
「澳門百老匯™」「百老匯美食街」
日期：2018年10月1日至2019年2月28日
*資料由客戶提供