實體工展會同大家闊別一年，終於又返到維園喇！工展會除咗有唔少吸睛嘅「破底價」購物優惠，仲有好多暖心小企展出，包括旨在幫助弱勢社群嘅社會企業。

林奕匡現身工展會 支持社企

即日起至2022年1月3日期間，工展會有多間社企攤檔，社企大使—林奕匡早前已親身到場支持多個社企攤檔，你都一齊嚟行街買嘢幫幫社企啦。

社企大使—林奕匡現身工展會，支持社企。

社企攤檔4A11-13

【樂善堂佳宝營養膳食中心】一餐飯 換嚟無價笑容

要幫助社會有需要人士，「一餐飯」最直接不過。樂善堂旗下社企「樂善堂佳宝營養膳食中心」一直為老人院舍、基層提供營養餐送遞。近年更推「共襄膳舉」活動每日免費派飯，全年提供至少60,000個營養飯餐。

甜品師阿輝加入短短4個月亦感受良多：「我係屋企唯一經濟之柱，之前喺酒店工作每日起碼要返12-16個鐘，但家中媽媽、妹妹都需要特殊照顧。於是朋友介紹加入樂善堂社企 – 膳食中心，願意提供彈性上班時間，甚至畀我臨時請假照顧屋企，好開心而家多咗時間陪佢哋。」

（左）「樂養膳」甜品師阿輝

幸得樂善堂全力支持，「樂．養膳」可無顧慮聘請有特別需要人士，其首要理念 - 助人自助精神令阿輝有更深啟發：「其實身邊需要幫助嘅人好多，而家都會主動關心街上拾荒婆婆，有時放工就自發拎飯畀佢哋。」

工展會有咩賣？冬至健康佳餚 
(攤位4A12｜展期: 2021年12月11至13日)

「樂．養膳」主要依靠出售自家製真空食品，所有收益扣除成本後，全數用於派發營養飯餐。今冬就有蟲草花黨蔘燩雞、紅燒元蹄、烏雞淮山栗子湯等，全部$100有找，而且真材實料、無添加防腐劑及味精，100%人手及香港製造㗎，翻熱即食好方便。

自家製真空食品

各款滋潤湯水、主菜佳餚及甜品任君選擇

隨時網上訂購>>https://bit.ly/lstwinter21

【愛服飾．南亞創藝】幫助少數族裔　融入社會

香港作為多元社會，一直有好多少數族裔喺我哋當中。要離鄉別井，適應香港文化、語言並不容易。「愛服飾．南亞創藝」就為少數族裔婦女提供工作機會，由印度引入原材料畀佢哋發揮手藝，親手製作飾物、手藝品。

其實佢哋喺原生國家都有工作，但嚟到香港因語言不通，難以搵工。8年前隨丈夫來港嘅Purvi，本身就喺印度任職跳舞老師，來港後面對文化差異問題。幸得朋友介紹聯絡「愛服飾．南亞創藝」，Purvi 開始幫手編織民族杯墊，並到學校、社區中心開班教授跳舞、瑜伽，好開心喺香港搵到自己嘅生活模式。

「愛服飾．南亞創藝」員工Purvi

工展會有咩賣？獨一無二　民族手工藝品
(攤位4A13｜展期:2021年12月11至13日)

少數族裔婦女親手製作嘅手作飾物、民族圍巾、民族杯墊等，所有原材料都由印度引入，咁傳統嘅手工藝品好少喺香港買到㗎。當中曼陀羅點印杯墊就以點印彩點技巧，將祝福融入曼陀羅圖案中。

由少數族裔婦女親手製作嘅手作飾物

曼陀羅點印杯墊

民族圍巾

另外亦有各款南亞文化紀念品，如印度香料茶包、地毯書簽，全由南亞婦女親手製作。可以用味覺同視覺感受南亞文化，一邊嚐茶、一邊睇書。

地毯書簽

隨時網上訂購>>https://www.facebook.com/LoveMultiCultureHK/

【創亮香港】 社企互助　聘請年輕人助就業

「創亮香港」除咗實踐「社企幫助社企」理念，助社企自負營虧營運生意。同時亦聘請面對搵工困難嘅年青人擔任設計師。「創亮香港」總經理Stella 坦言年輕人嘅細心、勤奮令佢好驚喜，希望呢份工作能成為佢哋人生踏腳石。

工展會有咩賣？機器人力克精品
(攤位4A12｜展期: 2022年1月1至3日)

「創亮香港」工展會攤檔會有李浩迅設計嘅「機械人力克」一系列產品，如機器人力克毛公仔、機器人力克 Believe You Can毛巾、機器人力克T恤等。「機械人力克」心口嘅閃電標誌，代表設計者克服恐懼嘅勇氣，令過去傷痕變為成長印記，希望鼓勵到正面對逆境嘅人。

機器人力克毛公仔及機器人力克 Believe You Can毛巾

第55屆工展會
日期：2021年12月11日至2022年1月3日
地點：香港銅鑼灣維多利亞公園
社企攤位：4A11-13 
開放時間：上午11時至晚上9時｜上午11時至晚上8時 (2022年1月3日)  
(展覽會將於晚上8時30分停止參觀人士進場；2022年1月3日提早至晚上7時正)