平時食日本料理，最留意有咩刺身壽司，但日本人對味道嘅追求，其實細至一粒米都好講究㗎。日本米嘅出貨標準十分嚴格，品質好高，所以比較少出現受熱不均嘅情況。

由於日本嘅緯度比東南亞高，令到日夜溫差較大，日本種植嘅米食落比其他短粒米甘甜。日本米嘅Q彈口感最令人印象深刻，彈性口感會增加嚼次數，促進唾液分泌，愈咬愈甘甜，當伴上其他料理，口中又會調出唔同驚喜味道，日本人稱之為「口中調味」，相當特別。

JFOODO邀請在港日本主廚　示範點樣發揮日本米優點
日本政府為咗令大家更了解日本飲食文化，早喺2017年設立JFOODO推廣日本產農林水產品同食品。今年JFOODO就邀請到活躍於香港嘅日本主廚富谷優 (Yu Tomiya) 示範日本米嘅基本煮法技巧，等大家能夠依喜好與需求，煮出唔同特色嘅米飯，應用到各款料理。

多位大廚活用核心食譜 設計日本米創意料理！
早前，主廚富谷優夥拍4位香港大廚，舉辦日本米工作坊研究出核心食譜，並於研討會中示範洗米、浸米等烹煮步驟，介紹令高品質日本米更加美味嘅訣竅。

今次核心食譜概念係為左幫大家煮出搭配到菜式所需口感嘅美味米飯，以洗米次數、浸米時間、水米比例、煲飯工具等烹調細節為基本守則，再教大家靈活調整。富谷優表示：「今次開發核心食譜，係希望每位廚師都可掌握烹調日本米嘅基礎，並為大家帶嚟靈感設計菜式，甚至構思料理色彩同擺盤」。

主廚富谷優活用核心食譜與季節性食材，設計出極富日本特色嘅栗子舞茸雜錦飯和星鰻烤飯糰，另外4位大廚則開發出拉丁美洲料理、法式x日式fusion料理，主廚坦言：「我亦都好鍾意其他大廚嘅創作料理，加入咗好多我無諗過嘅煮法同配搭」。

即睇主廚富谷優設計料理同烹調建議！

【日式雜炊飯】栗子舞茸雜錦飯
雜炊飯米飯相對較柔軟，主廚富谷優就先輕輕洗米3次，再浸米45分鐘，然後加入等量嘅煲飯湯汁，放到電飯煲中煮製。煮好嘅米飯既軟糯，又吸滿栗子同菇類精華。

栗子舞茸雜錦飯。可依菜系配搭唔同高湯做出獨特風味，如日本料理配鰹魚高湯；中式料理則配雞湯。

Recipe Video URL：https://youtu.be/0ofTFxJCTiM

【烤飯糰】星鰻烤飯糰
用較硬嘅米飯煮烤飯糰，就會容易啲成形，於是主廚輕輕洗米3次，再浸米45分鐘，然後以浸過水嘅米：水 1:0.85嘅比例煲飯。煮好嘅米飯捏成飯糰後，再以平底鍋煎製，飯糰就會更加有咬口。主廚富谷優更提到：「我比較鍾意口感實在嘅米飯，因為咀嚼時可感受到米飯甘甜，就好似我今次設計嘅『星鰻烤飯糰』」。

星鰻烤飯糰。如想製作意式風味飯糰可改為油炸，口感更酥脆。

Recipe Video URL：https://youtu.be/pCyOrEK8-a4

下載埋食譜手冊， 了解點樣品嚐日本米嘅滋味：
http://rice-jfoodo.drumroll-test.net/hk/pdf/RecipeBook_zh-hant.pdf

搜索香港餐廳　一嚐日本米料理！
以下再詳細分享可以喺邊到品嚐5位大廚設計嘅日本米菜式，其他香港餐廳廚師都可以參考核心食譜理論，各自調整就能活用日本米優點輕鬆創作料理。

【Tommy's Kitchen】富谷優主廚
Tommy's Kitchen由主廚富谷優主理，主要提供外燴服務、活動合作、菜單提案同廚房諮詢，同時亦同多間餐廳或酒吧合作舉行活動。廚師仲可以喺客戶屋企或私人廚房準備日式餐點，提案多樣食譜。

Tommy's Kitchen主廚富谷優擅於外燴服務、菜單提案等。

Tommy's Kitchen富谷優設計嘅日本米料理

(左)栗子舞茸雜錦飯。
(右)星鰻烤飯糰。

【Grandmama Café】Angus Law主廚
Grandmama Café大廚Angus Law以富士山、獅子山為創作靈感，融入唔同菜式，希望視覺、味道兩方面為食客帶嚟驚喜。

Angus Law有20年以上烹調經驗，專攻傳統日本料理同法國料理。

即睇Grandmama Café Angus Law設計嘅日本米料理！

冬之五目飯。以日本四季蔬菜—南瓜、栗子、蘿蔔、番薯，加入忌廉拌勻，入口香綿。 

【Amis】Man Pang主廚
Amis大廚Man Pang以法式煮法，將日本食材煮出新鮮感，融合法日風味。菜式除咗每日從日本空運新鮮海鮮外，更有法國時令食材如白露荀、乳鴿等等。

Amis主打法日fusion菜式，主廚有18年以上烹調經驗，曾在香港米芝蓮餐廳工作。

即睇Amis Man Pang設計嘅日本米料理！

干邑龍蝦湯泡飯。意大利燉飯方法烹調日本米，配上最高級干邑龍蝦，配搭大量海鮮熬煮3小時嘅高湯一同品嚐。

【Amusement Eatery】Alex Cheng主廚
Amusement Eatery係一間拉丁美洲菜融合傳統西式煮法嘅餐廳。利用美洲獨特香料、特色蔬菜，加上世界各地食材煮出多變嘅拉丁美洲菜。

Amusement Eatery大廚Alex Cheng，擅於將拉丁美洲菜融合傳統西式煮法。

即睇Amusement Eatery Alex Cheng設計嘅日本米料理！

(左)拉丁美洲米粽。以一般日本米代替糯米，加入提子乾再以香蕉葉包裹蒸製增加拉丁風味，一嚐新口感米粽。
(右)米布丁。充分感受日本米軟糯口感，加入鳳梨輕酸甜，極富南美風情。

【UK's Kitchen】西村祐弘主廚
UK's Kitchen由居港日本人大廚開設嘅線上便當店，提供港鐵車站取貨服務。同時亦提供外燴服務、活動合作、菜單提案以及廚房諮詢服務。

UK's Kitchen大廚西村祐弘，線上便當店提供港鐵車站取貨服務、外燴服務、活動合作等。

即睇UK's Kitchen西村祐弘設計嘅日本米料理！

肉巻飯糰。靈感源自日本宮崎縣嘅員工餐食料理。肉嘅鮮味同鹹甜醬汁會滲入日本米飯中，最後將表面煎至香酥。

主廚仲鼓勵大家都依季節替換時令食材，甚至以日本米特色為靈感創作各種料理，咁就全年都可以品嚐日本米滋味喇。

招募餐廳活動進行中！即刻報名:
https://forms.gle/AfphqMw9b1CSwgmp6
今次JFOODO推廣日本米活動火熱進行中，希望招募更多餐廳大廚以日本米為靈感，設計更多唔同菜系料理，招募期去到1月中旬！

活動詳情  
日期: 2023年2月起 (部分餐廳會提前開始或延長供應有關菜式)
網頁: https://rice-jfoodo.jetro.go.jp/hk/zh-hant/biz/index.html