臨近農曆新年，香港人都會食賀年菜攞個好意頭，食富貴黃金蝦寓意發財哈哈笑；食髮菜金蠔豬脷就寓意大吉大利……相信大家都輕鬆數到好多道中式賀年菜，但又知唔知道日本都講究好意頭菜式，不如今年搞啲新意食日本好運水產?
原來日本民間都有新年習俗，以好運水產寓意來年更好，簡單嚟講就係「日本開運魚」喇！今次就介紹3款「日本開運魚」—油甘魚、帆立貝、鯛魚，日本當地仲推出埋開運魚吉祥物，造型典雅可愛，而家喺香港都見到喇，文末我哋會詳細介紹返3款開運魚吉祥物！
JFOODO同全港100間以上餐廳合作
為咗令香港人更易食到「日本開運魚」帶嚟好運，JFOODO 同香港100間以上餐廳合作，設計多款菜式為新年開運，只要見到餐廳貼上開運魚吉祥物就代表有得食喇！
「火間土」主打刺身串燒 一秒置身日本京都
尖沙咀嘅「火間土」就係合作餐廳之一。店內以走道間隔多間日式榻榻米房，每條走道均以京都「花見小路」街道命名，氣氛恬靜，真係有種出走日本嘅感覺。
喺呢度可以好似日本人咁，坐喺榻榻米座位上享受日式開運魚祈願新一年，就算新年假期未能出走日本，都係一種幸福，而家就推介「火間土」可以食到開運魚嘅4道菜。
天上火間土刺身 (日本開運魚：油甘魚 ＋ 帆立貝)
油甘魚同帆立貝分別嚟自鹿兒島、青森。魚身清爽有魚油香；帆立貝則鮮甜Juicy。
什錦壽司(特上) (日本開運魚：油甘魚 ＋ 帆立貝)
壽司相當抵食，一次過食勻多款魚材。呢兩種開運魚味道比較清爽，建議先食，最後再品嚐魚籽、海膽等較濃郁壽司。
海鮮串燒6本 (日本開運魚：帆立貝)
北海道帆立貝燒至全熟，驚喜地仲保持到濃郁鮮甜味，夠厚身好有咬口。
鹽燒油甘魚鮫 (日本開運魚：油甘魚)
油甘魚鮫嚟自愛媛縣。因為油甘魚魚油濃郁，咬開金黃香脆外層後，即滲出魚油食到嫩滑魚肉，口感層次好豐富。
「浜滝」日本人親自主理 小店燒物大獲好評
另外由日本人主理嘅「浜滝」，店舖麻雀雖小五臟俱全，反而有種日本隱世小店感覺。呢度中午會主打拉麵，夜晚就會搖身一變成為居酒屋！有多款串燒、燒物、清酒畀食客慢食傾計。日本店主擅長燒物，火喉拿捏得宜令日本海產保持水份鮮味，食落完全乾身㗎！
「浜滝」充滿日本小店氣氛。
北海道直送半熟帆立貝 (日本開運魚：帆立貝)
店主將帆立貝燒至半熟，咬落去有回彈力！味道甘甜之餘仲帶淡淡海水味，口感同味道都堪稱一絕。
五色刺身盛合 (日本開運魚：帆立貝)
帆立貝有別於坊間，極厚切並夾住檸檬片，厚度口感一流又清新爽甜。特別加入嘅生蠔灑上蔥花 ﹐一試日本生蠔嘅爽脆鮮甜。
*請注意：浜滝為保持海產鮮度，疫情下暫時未有開業，想去食可以先致電店家查詢喔！
油甘魚【出人頭地】
咁其實「開運魚」有咩寓意呢？油甘魚被日本人稱為「出世魚」，全因佢成長時名字會不斷改變，所以有「出人頭地」、平步青雲之意。油甘魚脂肪中富含DHA同EPA，據說有激活腦部同預防生活習慣病。豐富嘅煙酸亦有助激活分解酒精嘅酶，好啱配酒。
開運福將 油甘魚吉祥物
油甘魚吉祥物手拎萬寶槌，實現大家快速出人頭地嘅願望。麻葉花紋造型就用嚟驅散妨礙出人頭地嘅霉氣。性格充滿自信，經常不自覺地同他人分享自己嘅成功經驗。
帆立貝【順風滿帆】
帆立貝形態好似海上揚帆向前嘅船，有「順風滿帆」之意，所以常見於日本新年料理。帆立貝富含鐵、鋅等礦物質之餘，仲有維他命B群同有效消除疫勞嘅牛磺酸。因為牛磺酸係水溶性，所以作為火鍋同湯配料可以有效攝取。
開運福將 帆立貝吉祥物
以扇形展開嘅帆立貝吉祥物，會用吉祥扇子撥起順風，擺動帶箭翎狀花紋嘅身體向成功邁進。佢嘅性格對任何事都樂觀豁達，工作同生活都非常順利，因此有萬事如意、事事順利之祈願。
鯛魚【長壽富貴】
鯛魚對日本人嚟講有「長壽富貴」意思，每逢喜慶場合都會有鯛魚㗎！而且鯛魚高蛋白、低卡又富含天冬氨酸同維他命B1，有助對抗疫勞、維持皮膚健康等，好啱平時忙碌、食嘢高卡路里嘅現代人。
開運福將 鯛魚吉祥物
鯛魚吉祥物性格特徵係長壽又有豐富人生經驗，會拎住幸運物昆布製成嘅權仗增添好運，並以人生前輩姿態為身邊人提出建議，所以有長壽、擁有崇高地位同豐厚身家嘅祈願。
了解更多「日本開運魚」！
想睇完整合作餐廳名單，可以去JFOODO日本開運魚官網查詢㗎！
官網: https://rebrand.ly/orjfoodoseafood2021
去Facebook 仲有更多「開運魚」詳情！YouTube 可睇埋人氣廚神Kit Mak 用「日本開運魚」設計食譜，農曆新年喺屋企都可以食到各道好運菜式，一齊於新一年「出人頭地、順風滿帆、長壽富貴」。
Facebook: https://rebrand.ly/orjfoodofb2021
YouTube: https://rebrand.ly/ORJFOODOyt
人氣廚神Kit Mak 以「日本開運魚」設計多道菜式。
*由於受新冠肺炎疫情影響，懇請各位留意疫情狀況並嚴格遵守政府指引。大部分JFOODO 日本開運魚合作餐廳設有外賣自取或外賣速遞服務，但餐廳營業安排可能因應政府指引隨時有所變動。各位選擇惠顧時請先向餐廳查詢，了解最新情況。
火間土
網址: https://s.openrice.com/QrbS0aYW000~dYKKSilyW
地址: 尖沙咀北京道1號8樓802室
電話: 22695051
浜滝
網址: https://s.openrice.com/QrbS0X6O700~dYKKSilyW
地址: 九龍城福佬村道59號地下A舖
電話: 23865055