日本匠人精神，一事一物都講究極緻，小至一粒米都追求軟、糯、甘、香，難怪日本米食落軟糯甘甜，成為日本料理堅實基調。
原來日本大米嘅誕生過程，絕不簡單。先由日本豐富自然環境、清徹水源孕育而成，加上日本大米生產技術，再由日本農民工匠精神加以改良，先出產到咁高質嘅大米。
日本米有別其他大米，米粒又圓又大，有光澤甚至晶瑩通透；食感彈牙，獨特甘甜味道出眾。而且米粒粘糯，容易用筷子一夾入口，更利於煮製各種日式料理。
米粒圓潤光澤，粒粒閃閃發光，晶瑩通透。
暖笠笠釜飯 米粒吸滿食材精華
雖然就到春天，但氣溫仍然幾凍吓。喺寒冷天氣下，不得不提日本傳統鍋飯—釜飯，飽飯過後暖笠笠，就好似我哋冬天食嘅煲仔飯一樣。但兩者煮法有別，煲仔飯係先煮飯、後放料；釜飯則將米、高湯、所有食材放入鍋中，以猛火加細火慢煮，直到再無水蒸氣飄出時，就蓋上木蓋以真空原理再煮10幾分鐘。
釜飯煮法，令日本米吸滿食材精華，有米香之餘更帶其他食材鮮味。極緻在於細節，大米、食材如此契合不只於煮法，亦係日本農民改良結果之一嚟㗎。
日本米軟、糯、甘、香，煙韌彈牙。飯香吸引食慾，入口帶獨特甘甜味。
香港都食到！帆立貝入饌 日本米限定Menu
近年無得飛日本，其實留喺香港都食到傳統釜飯同日本大米，一嚐軟糯米香！3間日本料理店「廿一堂」、「揚食屋」、「sensory ZERO」就強勢推出帆立貝飯，畀香港人感受日本大米新鮮、甜味、香氣。
【日式燒丼專門店．廿一堂】
主打高質丼飯，堅持即點即製。經驗師傅講究速度，同時著重質素，以日本優質食材不加任何加工腌製，保留食材原始風味。店家同時引入日本地道文化，自行於自助點餐機落單，並自助取餐、回收，用餐體驗好似去咗日本咁。
北海道帆立貝釜飯配日本卵。唔使多餘調味加工，畀你享受北海道帆立貝同日本米嘅鮮味。
「廿一堂」以簡約木系為主，充滿和式氣氛。
網址: https://www.facebook.com/NijuuichiDon
【中環高CP值日本料理．揚食屋】
北海道帆立貝釜飯配日本卵
環境典雅舒適，CP值高好啱三五知己聚餐。師傅堅持嚴選日本卵、日本米等原材料，令食客品嚐食材本身鮮味。同時主打日式洋食蛋包飯、炸物，演繹西式、和食融合風味。
嚴選北海道帆立貝、日本蛋配合日本米，煮出食材潛在滋味嘅限定料理。
「揚食屋」典雅舒適，好啱三五知己聚餐。
(左)「廿一堂」及 (右)「揚食屋」嘅北海道帆立貝釜飯配日本卵HK$98。 (連飲品，可選：玄米茶/麵豉湯/汽水)
提供期間：即日起至2022年3月31日(四)
網址: http://www.facebook.com/HomuriceHK/
【大受注目！新風格咖啡店．sensory ZERO】
帆立貝牛油醬油飯
堅持高質食材，將刺身級帆立貝、北海道和岩手縣「一見鍾情日本米」煮製限定料理。店家同時推崇劃時代精品咖啡店模式「“Good Food, Good Coffee” Why not both?」，所以呢度有日本料理外，仲有多款洋食甜品、咖啡等，為建立國際香港咖啡品牌為目標。
「sensory ZERO」可以邊嘆精品咖啡，邊食日本料理。
「sensory ZERO」帆立貝牛油醬油飯HK$168。
提供期間：即日起至2022年3月31日 (11:30AM起開始供應)
★亦有提供外賣自取服務
網址: https://www.sensoryzero.com/
*有關最新營業時間，可直接聯絡餐廳查詢。
星級廚師Kei San話你知！
帆立貝入饌嘅正宗日本料理&日本米滋味奧秘
「北海道帆立貝釜飯配日本卵」同「帆立貝牛油醬油飯」，將柔軟彈牙嘅日本米，結合牛油、醬油香氣同帆立貝鮮味，呈現兩道美味菜式。
點解日本米配牛油同帆立貝咁好食？Kei San透露原來關日本米事：「日本米以光澤聞名，加入牛油後油脂會令米粒變得更光潤，香氣味道更帶一陣油香，令人胃口大開。」同時帆立貝同日本米都好夾：「日本米受惠於日本豐富自然環境同悉心栽培，搭配同樣為日本產嘅帆立貝，鮮甜味更突顯米香。」
帆立貝牛油醬油飯
星級廚師Kei San 更為「帆立貝牛油醬油飯」食譜拍攝影片，並透露拍攝過程有所得著：「通過參與今次食譜影片製作，並反覆鑽研 『帆立貝牛油醬油飯』菜式，我再次認識到日本米真正滋味。大家一定要把握呢次機會好好品嚐吓『廿一堂』、『揚食屋』、『Sensory Zero』嘅限定Menu啦!」
即刻睇片>>
日本料理達人和食品專欄作家
KEI SAN - 杉內馨
KEI SAN憑著香港居住36年經驗，以流暢廣東話介紹日本食物同文化。曾被香港媒體邀請為報紙、雜誌撰寫專欄，並活躍於好多電視節目中，包括烹飪、飲食和旅遊節目。更被冠以「日本料理達人」同「星級廚師」稱號。
即睇更多有關日本米資訊及合作餐廳：https://www.facebook.com/JapaneseRicerecipehk/
#日本 #食譜 #獨一無二的美味日本米 #提供美味日本米的店家 #JFOODO