縱然疫情緩和，不過唔少人都唔敢鬆懈，選擇繼續安坐家中開餐。開飯仔亦會不斷為大家搜羅全城至抵嘅外賣自取餐廳，等大家抗疫之餘，亦可慳慳錢。今次就介紹5間抵食嘅日本料理，優惠低至半價，揀啱更可即時撳掣用手機落單！
呢間日本餐廳勝在食物選擇非常多元化，從一支公食啱啱好嘅豐盛便當，到一家幾口、甚至一大班朋友開Home Party最啱食嘅小食、壽司、丼飯等應有盡有。而家用OpenRice外賣自取重有秘製入味雞塊唐揚半價優惠，嗌嚟加餸得，留嚟做下午茶或者宵夜又得，得咗。
【55折】午/晚市定食+指定食物 ねずみの王冠 喫茶店(觀塘) 
呢間日式Cafe位於觀塘工廈區，有多款午市同晚市定食，最啱區內打工一族醫肚。最多好評嘅係原條蒲燒鰻魚炒飯，大大條鰻魚分量十足、肉厚香甜，炒飯亦充滿醬油香。選擇亦包括宮崎唐揚南蠻雞定食、王冠咖喱吉列豬扒丼、溫泉蛋牛油果和風田園雞肉沙律等。
【56折】指定火鍋外賣套餐 八幡屋涮涮鍋(旺角)
圖: 餐廳Facebook
旺角呢間涮涮鍋放題店都有得外賣自取，雖然帶返屋企就無得任食，但一定食得安心啲。而且用OpenRice外賣自取更有2-3人海鮮火鍋外賣套餐，及2-3人刺身＋火鍋外賣套餐56折優惠啊！可以自選湯底同部分配料，野菜同丸亦可以追加，多個人食都無問題。
【64折】鰻魚丼（標準） 鰻喜(元朗)
睇餐廳名應該唔難估到，係一間主打鰻魚丼嘅餐廳，當中最抵嘅係64折嘅鰻魚丼（標準）。另外亦有紫菜鰻魚丼、玉子鰻魚丼，或者炭燒鰻魚拼照燒牛肉丼、炭燒鰻魚拼照燒雞扒丼等唔同配搭，滿足各位鍾意食鰻魚嘅朋友仔。
【7折】指定漢堡+定食 Steak Bar(銅鑼灣)
銅鑼灣呢間日式小店主打牛扒，外賣自取Menu就以漢堡同定食為主。而家用OpenRice可享指定漢堡套餐同定食7折優惠，漢堡套餐重包埋小食同汽水啊！推介包括招牌牛肉漢堡、香辣烤雞芝士漢堡、香煎鯖魚定食，同照燒雞扒定食。
買開外賣嘅可以用埋呢個全新$28齊齊食優惠，輸入優惠碼「HALF」或「EAT28」，前者消費滿$60減$30^，後者消費滿$50減$10*！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
$28齊齊食優惠：
^HALF: https://www.openrice.com/info/takeaway/tc-HALF.html
*EAT28: https://www.openrice.com/info/takeaway/tc-EAT28.html
文：Cathy.H
