女仔細個睇童話故事可能都幻想過自己就係公主，可以坐喺鳥語花香嘅花園裡面嘆茶...幾廿歲人唔好咁多幻想啦，公主就做唔到，實際啲想搵個花店茶座嘅話，上環結合花藝工作坊同Café嘅Café Bauhinia就可以幫到你。
唔好以為花店就無好嘢食，首先介紹嘅就係女士超愛嘅High Tea Set，唔係宮廷式嘅三層架，感覺更隨意。重點係呢個套餐包括S'more多士、慢煮雞肉三文治、迷你法式牛角包同每日新鮮出爐嘅精選甜品等等。
另外佢地仲有棉花糖營火晚會，放心唔係堆柴火果種，只係Café有細火爐比你任食燒棉花糖，用餅乾夾埋朱古力一齊食，的確有一齊柴娃娃去Camp果種風味。
叫得花店茶座，連飲品都以花入饌，例如藍蝶花雲呢拿奶昔，迷人嘅紫藍色嚟自藍蝶花，唔單止靚仲可以增強身體免疫力，啱哂冬天呢個時候享用！
隨時接收最新資訊
讚好OpenRice專頁！
