晚市開返，相信大家陸續約朋友食飯聚一聚。開飯仔提提你，而家食飯可以同時贏獎品嘅機會嚟喇，只要去指定餐廳用膳，就可以參加「密密食．密密賞」遊戲，有機會贏取Apple iPhone 13 Pro、TEFAL 特福 FX202D 氣炸鍋、人氣酒店禮品卡、餐廳專屬折扣碼等獎品。今次先介紹其中7間西餐廳，有生蠔吧、法國菜、西班牙菜等選擇，而且唔少係創意料理𠻹。

【自設蠔場生蠔吧】Taylor Shellfish Farms   大坑店 / 西環店

呢間生蠔吧品牌來自北美洲，歷史悠久，更自設蠔場以保持品質。嚟到可以試到近30款生蠔，包括法國、愛爾蘭、澳洲、美國等地出品，由淡味到濃味、爽口到creamy都一應俱全。另外重有青口、蜆、龍蝦等每日新鮮空運到港嘅海鮮，製作冷盤又得，做龍蝦海鮮鍋、意式飯麵等熱盤亦得。

詳細介紹► 【美國最大蠔場之一】香港店食罕有生蠔　海鮮龍蝦燉湯

有多款冷熱盤海鮮選擇，如龍蝦汁海鮮意大利飯

【現代歐陸菜藝術餐廳】The Pearl 

享受美食都係一種藝術，而The Pearl嘅裝修更結合17世紀巴洛克風格，再配搭樹脂流體藝術品，加上精緻嘅現代歐陸菜，令你視覺同味覺都沉醉喺藝術氛圍之中。餐廳選用本地、日本時令海鮮製作菜式，部分更融入日式元素，好似用麵豉、蝦頭、昆布等熬煮嘅時令海鮮麵豉湯，味道鮮甜。想傳統啲亦有時令海鮮焗飯、白酒牛油汁煮蜆、慢煮伊比利亞黑豚肉等選擇。

詳細介紹► 【尖沙咀藝術主題餐廳】日本時令海鮮 炮製精緻現代歐陸菜

餐廳供應多款海鮮料理，如時令海鮮焗飯

【傳統西班牙菜】SABROSA 

西班牙菜係其中一個受歡迎嘅菜系，SABROSA用大量西班牙或意大利供應商嘅食材，糅合傳統西班牙烹調方法同創意技術，製作出一系列Tapas、前菜、Paella同甜品。前菜必試48個月伊比利亞黑毛豬火腿片，100%純橡果餵飼，味道甘香。而主菜則有西班牙紅蝦海膽飯、傳統西班牙烤乳豬等款式，配埋色彩繽紛嘅Cocktail就更加滿足。

詳細介紹► 【銅鑼灣高CP值西班牙菜】推介脆卜卜烤乳豬．自家西班牙油條

48個月伊比利亞黑毛豬火腿片及鮮茄蓉西班牙水晶包、西班牙紅蝦海膽飯

【前5星級主廚坐鎮】 L'AMOUR  

法國菜出名擺盤精緻，加上呢間法式餐廳由前文華東方酒店主廚主理，出品有保證外，重有唔少高級料理𠻹。其中原隻法國紫海膽薏米飯用海膽殼盛載，再以色彩繽紛嘅食用花襯托，一定要相機食先。另外法國威靈頓牛柳、酒釀葡萄鵝肝凍等菜式鮮香美味；想新穎啲則有用原隻日本海膽配日本時令水果製成嘅雪葩、加入食用級乾冰嘅House Wine白酒等。

詳細介紹► 大埔隱世法菜　前文華東方酒店主廚設計多款料理！

原隻法國紫海膽薏米飯、低温慢煮刺身級挪威三文魚

【意大利石窯即焗薄餅】 The Point    尖沙咀 / 荃灣 / 將軍澳 / 青衣

薄餅係呢個意大利菜品牌嘅靈魂菜式之一，有多款坊間少見嘅Fusion口味外，更特別用由意大利引入嘅石窯焗製，令餅皮外脆內煙韌兼帶有炭香。其中招牌龍蝦薄餅重會用火燒一燒，引出龍蝦嘅鮮味；另有泰式紅咖喱豬肉薄餅、香蕉天堂薄餅等鹹甜口味，配埋四色芝士Mac & Cheese、蜆肉扁意粉等豐富菜式，啱晒一家人或同朋友開心share。

詳細介紹► 米芝蓮星廚最愛石窯即焗Pizza 必試原隻龍蝦Pizza

招牌龍蝦薄餅、四色芝士Mac & Cheese

【輕盈法式可麗餅】Crepe Delicious 

甜點一樣可以低脂嘅！呢間嚟自加拿大嘅「Crêpe Delicious」，主打多款鹹甜口味嘅法式可麗餅，一份只有170卡路里同3g脂肪，即叫即做，入口柔軟微韌又有蛋香。鍾意食雪糕嘅朋友，亦可以試佢哋每日新鮮製作嘅自家製手工意式雪糕。餐廳重有小食、沙律、意粉、Pizza、主菜等菜式，如香辣鮮蝦意粉、紅酒慢煮牛頰肉配薯蓉，想豐富啲或享受一個輕盈嘅下午茶都得。

詳細介紹► 【法式Crêpe專門店】大人細路必愛 即點即做鹹甜可麗餅 另有多款主菜小食

焦蘋肉桂法式可麗餅、黑白迷法式可麗餅外，重有多款小食、沙律同主菜

【樓上西日菜餐廳】 Bella Shine

觀塘有唔少樓上餐廳，而呢間就主打一系列西式同日式料理，由日式沙律、法式頭盤、串燒、意粉到扒類都有，口味相當多元化。而蒲燒鰻魚海膽忌廉汁扁意粉、法式香草寶雲酥焗紐西蘭羊架配紅酒燒汁、流心綠茶多士伴雪糕係部分受歡迎嘅菜式。

詳細介紹► 激多優惠！牛扒90分鐘放題·2人餐6折超豐富

招牌西班牙燒乳豬、烤紐西蘭羊西冷配阿根廷青醬

想知道去邊啲餐廳可以享盡更多優惠，記得要留意我哋之後嘅報道同Facebook喇。

密密食．密密賞
活動日期：2022年4月29日至6月9日
活動詳情：（按此）