《密密食．密密賞》強勢歸來，活動期間約咗朋友食飯嘅就留意下，食住飯都可以有機會贏大獎，得到Apple iPhone 13 Pro、酒店禮券或OpenRice電子優惠碼，只要去返指定餐廳消費就得啦。唔同國家菜式嘅餐廳都有㗎。
一年四季都可以打邊爐，今次為大家介紹各俱特色嘅中式火鍋店，有主打特色湯底、罕有牛肉部位、手工丸，甚至同時嘆埋燒肉！
特色湯底+手工丸 滾得棧
呢間火鍋店嘅湯底同手工丸都充滿特色，前者有潮式紫菜湯底、麻辣小龍蝦湯底、八寶袋雞煲等；後者則由師傅每日新鮮手工製作，除咗蝦丸、墨丸等基本款式外，重有坊間少見嘅象拔蚌丸。另外亦供應原條活魚刺身、手切牛肉、爆炒小菜等款式，選擇豐富。
任飲任食多款牛肉+海鮮 極品靚鍋 
任飲任食嘅港式火鍋一直受大家歡迎，而呢間火鍋店嘅任食套餐，讓你以相宜價格，品嚐唔同級數嘅肉類同多款海鮮。其中極品牛魔王套餐包含6款牛肉，例如美國SRF極黑和牛肩胛肉眼、北美洲AAA安格斯極黑牛小排、美國PRIME封門柳等；海鮮則有韓國生蠔、墨魚BB、花膠等款式。
詳細介紹►【激抵火鍋放題】超大空間感! 零味精湯底$1升級 靚牛·海鮮任食
必食特色雞煲 吞POT 雞煲火鍋.住家菜 
一睇店名就知呢度主打雞煲，招牌口味有辣酒花螺雞煲、滋補螺片花膠雞煲、重慶麻辣雞煲。如果你鍾意食手工丸，「十全大寶丸」就包括生拆蟹粉墨魚丸、黑松露墨魚丸、黃金海膽黑墨丸、香煎鵝肝蝦丸同芝心牛丸（每款2粒）；另外特色小食則有辣酒煮花螺、泰式生蝦刺身等選擇。
打卡餐廳嘆川味烤魚 Error 19 夢幻烤魚場
打卡火鍋店～由於店主係男團Error嘅fans，店內貼上相關成員嘅海報，加上粉色系佈置，每個角落都好啱打卡。4款四川、重慶口味嘅烤魚有辣有唔辣，其中鮮青椒同蒜香豆豉口味比較少見，魚款則有清江魚同江團魚可以揀，配搭川味涼拌、串燒同燒海鮮，夠晒惹味。
詳細介紹►【少女心爆發】可能係全香港最打卡able Error19夢幻烤魚場
串串鍋+燒肉二合一 川婆婆
川婆婆嘅尖沙咀寶勒巷店，係現時唯一一間主打川味火鍋嘅分店，而且鍋爐旁邊重配置咗燒烤板，讓你同時體驗雙重滋味。火鍋不時轉換款式，而家則以辣鹵串串鍋作招徠，有近80款火鍋配料；另外茶底麻辣湯，更可自行倒入高質椰奶同玫瑰花茶/桂花茶，口味獨特。
詳細介紹►【爆紅新火鍋】萬萬諗唔到，奶茶竟然同麻辣火鍋係絕配
供應多款罕有牛肉部位 616牛肉火鍋專門店
呢間牛肉火鍋專門店喺全港有多間分店，供應來自唔同產地、唔同部位嘅牛肉，包括英國、加拿大等地，而金花趾、吊龍伴、牛坑爪更加係限量供應嘅特別部位。如果你係嗜辣之友，湯底必試酸菜湯、熔岩沙嗲湯或鮮牛油麻辣湯；想滋潤啲則可以揀竹笙花膠雞湯。
詳細介紹►【食盡靚牛刁鑽部位】牛痴必訪火鍋店 新推熟成加拿大牛肉
《密密食．密密賞》夏日齊消費．食飯贏手機！
活動日期：2022年8月15 日 至 9月25日
活動詳情（按此）
