通常麵包都係新鮮出爐嗰一刻最好食，但咁熱嘅天氣要食熱辣辣嘅麵包好似有啲強人所難啵......韓國有間麵包店嘅招牌紅豆忌廉麵包就可以雪凍先食，而且仲有爆漿效果！喺IG大紅之後，嚟自大邱嘅佢開分店開到嚟江南，方便各位Foodie一齊拍片洗版！

 

15ᗰ서윤👧🏻28ᗯ열무👶🏻（@yang_sister）張貼的相片 於 2016 年 7月 月 16 4:11上午 PDT 張貼

呢間빵장수단팥빵(長壽紅豆麵包)由朴基泰廚師創立，當初係為咗做返細個食嘅紅豆包味道，所以店名亦以紅豆包為名。麵包保存喺24°C恆溫發酵72小時，麵包皮厚實而紅豆餡粒粒分明得嚟又唔過甜。紅豆包就已經相當出色，不過喺Instagram大紅嘅就係加咗忌廉嘅變奏版。

 

@iamanna0124 張貼的影片 於 2016 年 7月 月 11 7:32上午 PDT 張貼

因為忌廉分量實在非常多，輕輕撕開就見到忌廉湧出嚟，爆漿效果超彭拜！而且有兩種唔同食法，室溫食忌廉比較綿密，入口即化；雪凍之後忌廉口感更輕盈，好似食緊軟雪糕咁。

 

박간디28🙈（@gksmfpjk）張貼的相片 於 2016 年 7月 月 17 3:05上午 PDT 張貼

綠茶控亦可以試佢地嘅綠茶Cream Cheese麵包，雖然爆漿效果無咁彭拜，但一樣係Tea Time好選擇。

 

여녕이（@hyeong_22）張貼的相片 於 2016 年 7月 月 18 2:50上午 PDT 張貼

另外店裡面仲有栗子同番薯等口味，不過溫馨提示，新鮮麵包保存期有限，想買嚟做手信嘅話要小心注意啦。

빵장수단팥빵(江南店)
地址：首爾瑞草區瑞草洞1330-11(江南站5號出口)
其他分店地址：빵장수단팥빵