萬聖節一過，唔少朋友仔最期待嘅應該就係聖誕節，咁就不妨「未過聖誕先興奮」，飲返杯聖誕特飲準備倒數啦！星巴克咖啡今日（1/11）開始陸續推出三款聖誕限定飲品同四款美食，一齊嚟過一個滋味聖誕。

三款聖誕限定飲品分別係Starbucks® Teavana™石榴鮮奶抹茶、拖肥果仁脆趣鮮奶咖啡同薑汁鮮奶咖啡。當中石榴鮮奶抹茶仲係全新登場，係鮮奶抹茶上面加上奶泡，再淋上一圈圈嘅石榴醬，綠、白、紅色交錯超有聖誕氣氛！

另外兩款口味相信亦係唔少Starbucks Fans嘅聖誕節心頭好，經典嘅薑汁鮮奶咖啡香濃窩心，而拖肥果仁脆趣鮮奶咖啡就必試忌廉上面嘅香脆拖肥脆糖！

聖誕佳節當然唔少得應節美食啦！甜品有充滿節日氣氛嘅紅莓紅絲絨蛋糕，同甜而不膩嘅香橙朱古力蛋糕配香橙糖漿。

鹹點選擇就包括火雞紅莓意大利軟包，唔單止用咗聖誕應節美食火雞片，仲有水牛芝士、紅莓醬同羅馬生菜，口感豐富。另外仲有西班牙辣肉腸番茄乾蛋批，惹味滿足。

開飯編輯推介：

1. 【專訪】冬甩店美食車舖面 加國回流女生：香港冇吖嘛

2. 9月份好評餐廳十強

3. 秋冬天，番薯天 5大蕃薯味零食大比拼

熱門文章推介：

1. 一齊滾起佢！季選任食火鍋

2. 邂逅蟹王 10月就是要任食大閘蟹 5個大閘蟹搵食點

3. 九龍東小葵廣！藍田掃街攻略