世界各地嘅奇珍料理都匯聚喺香港呢個美食之城內，呢度曾經日夜都係燈火璀璨，無論幾夜都總能夠喺街度搵到嘢食。可惜呢幾年受疫情影響，加上多項防疫措施令到呢個美食之城，變成冰封之城。要將冰封之城再次燃亮，除咗靠業界努力外，最重要都係靠大家嘅支持，集合力量燃起「美食之火」！6月29日，一人一票，完成任務，喚醒美食之城！投票支持心水熱店後，更有機會贏取獎品總值超過30萬！
美食之城內，深水埗呢一區由以前嘅親民老字號到而家匯聚多間文青Cafe，依然吸引唔少人週末跨區嚟探店。今次入圍地區組別（深水埗）嘅餐廳，有唔少都係家庭式經營，充滿人情味；或者喺傳統當中加入新意，好有驚喜。即刻睇下佢哋嘅介紹：
家庭式經營抵食小店 聚來車仔麵 
圖：Ngtm1986
餐廳牆壁貼上「我的麵 給您家的味道」標語，唔難睇得出係一間家庭式經營嘅小店。但拎起Menu一睇，會發現車仔麵之外亦有小食、煎餃，甚至爆醬阿華田西多士！爆醬阿華田西多士灑滿阿華田粉，中間係阿華田煉奶，用刀一切就會有流心效果，下午茶必點。
人情味❤️❤️❤️❤️
驚喜度😲😲😲
手工餃子加芝士蛋糕 家後 
同樣係家庭式經營嘅小店，由布行轉型賣手工餃子，粒粒飽滿。煎餃金黃香脆，湯餃更會配搭自家煲嘅粉葛赤小豆老火湯、味道清甜，真係好有住家Feel！另一主打係店主日本太太製作嘅日式飯糰同巴斯克芝士蛋糕，後者每日都有唔同口味，而且味道絕對唔會輸比Cafe。
人情味❤️❤️❤️
驚喜度😲😲😲😲
簡約風高質Cafe 迷你毛 
深水埗Cafe雖多，但唔少都比較細間好難坐得舒服，而呢間以簡約為概念嘅Cafe就空間感十足，不時更有藝術展覽，非一般打卡店！食物方面意粉同窩夫都值得一試。記得留肚食佢哋嘅創意甜品，意大利芝士蛋糕成個波咁，係經典Tiramisu嘅變奏，帶濃郁咖啡同酒香。
人情味❤️❤️
驚喜度😲😲😲😲
工廈精緻Fine Dining FAB Kitchen
呢間餐廳主打法式Fine Dining，裝修走簡約路線，環境整潔明亮，氣氛完全唔似係置身於工廈！不過亦因為開喺工廈，定價比坊間親民得多，Set Lunch都係$118起。當然如果係要慶祝生日或者紀念日，就可以夜晚嚟食三至五道菜晚餐，享受精緻美食。
人情味❤️❤️
驚喜度😲😲😲😲
新派Fusion素食館 素年
近年新派素食餐廳大行其道，呢間就係當中嘅表表者之一，2019年由店主Kay同太太Kit開設，有豐富嘅日式定食、分量十足嘅不可能漢堡包，同吸引芫荽黨黨員去試嘅芫荽意大利飯等。一改素食沉悶唔夠飽嘅污名，另一方面亦吸引唔少平時唔食素嘅朋友多嘗試素食。
人情味❤️❤️❤️
驚喜度😲😲😲😲
另外5間入圍嘅深水埗餐廳亦包括閨•家、雪山冰廳、Contrast、米亭、The Salted Pig (D2 Place)，揀啱就快啲去投票啦，投票有機會獲得豐富獎品，要知道，你哋每個人嗰票都好重要，係喚醒美食之城嘅重要力量！是次投票分為兩個階段進行，共四個投選組別。每完成一組投票/回答問題(簡稱「任務」)皆可取得火炬，累積滿4枝火炬或以上即有機會可獲$100 OpenRice現金券獎賞！完成所有任務並累積滿6枝火炬，更有機會贏取豐富獎品！
想支持心水餐廳，記得注意返投票日期：
菜式組別： 2022年 6月15日 - 6月28日
地區組別： 2022年 6月29日 - 7月12日
外賣自取及訂座組別：2022年 6月15日 - 7月12日