世界各地嘅奇珍料理都匯聚喺香港呢個美食之城內，呢度曾經日夜都係燈火璀璨，無論幾夜都總能夠喺街度搵到嘢食。可惜呢幾年受疫情影響，加上多項防疫措施令到呢個美食之城，變成冰封之城。要將冰封之城再次燃亮，除咗靠業界努力外，最重要都係靠大家嘅支持，集合力量燃起「美食之火」！6月29日，一人一票，完成任務，喚醒美食之城！投票支持心水熱店後，更有機會贏取獎品總值超過30萬！
除咗旺角、尖沙咀同銅鑼灣等市中心地區，相信觀塘都係其中一個超人氣嘅搵食熱點，近年觀塘愈來愈多人氣餐廳，仲吸引唔少人特登入去搵食添呀。今次入圍嘅10間觀塘區餐廳，有西式咖啡甜品店、台灣菜、日式爆丼飯、美式漢堡店及法國菜，真係咩口味都齊晒！
藍帶大廚主理親民法國菜 Le Monde
由法國藍帶廚藝學院出身嘅主廚主理，佢希望大家可以用親民價錢就品嘗到高質法國菜～特別推薦大家試吓佢地嘅午市，有齊前菜湯品主食甜品，主菜香煎鴨肝配紅酒啤梨令人印象深刻，外層煎到好香脆，而內裏呈嫩紅色，一入口油香四溢，鴨香好突出，紅酒啫喱酒香十足，用嚟解膩一流。法式慢煮油封鴨脾配薯蓉及紅椰菜都幾值得一試，同樣做到外脆內嫩～最後當然要試埋甜品French chocolate Truffle cake，朱古力味濃厚而松露香氣恰到好處～
圖: Li Nok Hang
工廈高質漢堡 MOO MOO
觀塘一間頗有人氣嘅美式漢堡店，主打唔同口味嘅手工漢堡。首先麵包已經係自家製，好鬆軟而且重牛油香，牛肉呢選用新鮮手打美國優質穀飼牛肉，夠厚身非常juicy而且好有牛味，一咬落去啖啖都係肉汁。推介招牌經典之堡，包括國優質穀飼牛肉、芝士、生菜、番茄及自家製moo moo醬，醬汁令成個漢堡生色不少。另外美式之堡及特色鹹蛋黃雞堡都好有人氣，食完包你滿足！
圖: laalaafood
多元化日本料理 丼瀛
主打超多款式日式料理、高性價比嘅餐廳，主打爆丼飯、日式卷物及日式小食～爆丼飯係唔少人嘅必食之選，皆因佢超足料，如丼瀛特選丼及特上吞拿魚盛丼都幾推介。卷物方面要試吓天龍卷，佢係三文魚卷天婦羅嘅Maki Roll，配上師傅特製嘅酸辣汁醬，又幾開胃。如果要打卡，特上築地壽司杯都係必叫，好食又啱相機食先。
圖: 吉蒂為食貓
台灣風味小店 日月堂
工廈內嘅台式地道小店，口碑都唔錯，而且食物味道都好正宗。招牌清燉牛肉麵，慢火熬煮嘅湯頭飲落溫和順口，融合埋牛肉香濃嘅肉汁，濃得嚟唔會太重口味～牛腱肉嘅筋同肉比例平均，好軟腍～另外起司肉鬆蛋捲餅算係經典台式古早味，蛋餅餅皮軟嫩Q彈，口味簡單樸實。飲品方面黑糖珍珠鮮奶唔會過甜，有淡淡炭燒焦香，真係有種去咗台灣嘅感覺呢。
圖: eunice2046
招牌日式梳乎厘班戟 Cobber Coffee and Tonys Pastry
觀塘西式甜品咖啡店，無論鹹甜點都一樣咁高質，唔少人都係特登為咗日式梳乎厘班戟而去㗎～如佛手柑啫喱伯爵茶忌廉梳乎厘班戟同抹茶麻糬梳乎厘班戟都係人氣之選，前者伯爵茶味香濃，加埋佛手柑啫喱又多一份層次；後者帶有麻糬煙韌及梳乎厘鬆軟口感。鹹點方面明太子忌廉大蝦燉飯、鹹蛋黃雞翼及蒜香蟹肉炒意粉質素都有保證！
圖:
另外5間入圍嘅觀塘區餐廳亦包括鳴門割烹料理、Bubble Tree、Comfy by Chef's Stage，揀啱就快啲去投票啦，投票有機會獲得豐富獎品，要知道，你哋每個人嗰票都好重要，係喚醒美食之城嘅重要力量！是次投票分為兩個階段進行，共四個投選組別。每完成一組投票/回答問題(簡稱「任務」)皆可取得火炬，累積滿4枝火炬或以上即有機會可獲$100 OpenRice現金券獎賞！完成所有任務並累積滿6枝火炬，更有機會贏取豐富獎品！
想支持心水餐廳，記得注意返投票日期：
菜式組別： 2022年 6月15日 - 6月28日
地區組別： 2022年 6月29日 - 7月12日
外賣自取及訂座組別：2022年 6月15日 - 7月12日
