疫症已經橫行咗超過一年，對我哋嘅日常生活當然有好多影響，亦改變咗大家唔少嘅習慣。不過即使喺疫情下，我哋都可以從新常態中，尋找趣味！年度盛事「OpenRice優秀開飯熱店大賞」開始接受投票喇，今年以「日嚐作樂」為主題，希望大家從每日品嚐到嘅美食中創造樂趣，從探索餐廳中感受香港「味」力。快啲一人一票投選你心目中嘅本土出色熱店！
OpenRice優秀開飯熱店大賞已經開始接受投票喇，除咗各個唔同菜式組別之外，而家仲可以投嘅仲有人氣新餐廳。2020年嘅巿況雖然唔係太好，對餐廳營業嘅限制亦前所未有地多，不過依然有好多新餐廳開業，有甜品店有cafe有燉湯店等，為大家帶嚟新鮮感，快啲睇下名單，投票支持你嘅心水餐廳啦！
鬆軟梳乎厘 Cobber Coffee and Tonys Pastry
圖：餐廳環境舒適，空間感十足，燈光柔和，裝修以木為主，令食客感覺好似入咗世外桃源咁。即使店舖人流不斷，都完全唔影響氣氛。佢哋主打嘅梳乎厘，即叫即整，空氣感十足，口感鬆軟，配埋凍冰冰嘅雪糕，仲更加有層次。其他主食都好有水準，唔怪得成日都咁多人等位啦～
超濃越南牛湯底 Just Eat 
圖：西環呢間新派越南餐廳嘅湯底認真出色，吸引咗唔少食客朝聖。特別推薦佢哋嘅濃味牛湯浸手切牛肉河，湯底牛味十足但又唔會太油，將生牛擺落湯底浸一陣就食得，生熟度啱啱好，口感嫩滑。
韓國過江龍石燒 福岡漢堡扒
圖：平時食石燒、鐵板燒嗰時都好驚食完成身油煙味，但去呢一間韓國過江龍就唔會啦！每位食客枱上都一個迷你抽風口，勁貼心～餐廳主打石燒和牛漢堡扒，和牛選用高質澳洲牛配合獨家調味配方，將生牛肉搓成球形，由食客自己燒。聞到陣陣燒肉香，食慾當然大增！
健康原個椰子湯 椰粉湯紅
圖片：rachelctheworld、eat4forever
呢間喺灣仔嘅港式小店將健康湯品推廣畀唔同嘅年齡層。成間鋪嘅設計都好IG-able，拱形嘅門口、粉紅色嘅霓虹燈，仲有木系嘅製修，感覺好清新。至於主角——燉湯就夠晒足料，運用原個椰子嚟炮製椰子湯，日日新鮮製造，營養十足，重可以食到絲絲椰子肉添。
IG-able無糖乳酪碗 EverShine
圖： 邊個話好睇一定唔好食架～呢間餐廳嘅乳酪碗靚到好似藝術品咁，食落味道仲好有層次添，蕃薯脆片脆卜卜、各種新鮮水果同無糖乳酪配合得天衣無縫，而且完全無加入糖，夠健康～
想支持心水餐廳，記得注意返投票日期：
菜式及新餐廳組別：3月24日 – 4月6日
地區組別：4月7日 – 4月20日
您亦可以分享一張與美食的快樂時刻😋到個人FB/IG (必須設定為公開)，加Hashtag #日嚐作樂 #OpenRice。完成整個投票活動後，即有機會贏取獎品總值超過30萬！
*活動須受條款及細則約束
文：Hailey
編：Kar
