一年一度飲食盛事，《OpenRice優秀開飯熱店大賞2018》將於聽日5月10日隆重舉行，開飯仔都好緊張呀！仲有一日，一於同大家重溫一吓上年賽果，再睇睇今年新增嘅項目同估吓邊間大熱餐廳會得獎。嗱嗱嗱，率先利申以下純熟開飯仔個人推測，絕對冇洩漏機密！如有雷同，實屬巧合呀。
2017年回顧 至尊大獎冧莊
2017年優秀開飯熱店大賞最令人驚喜嘅，當然係至尊大獎結果冧莊，由Burgeroom連續兩年奪得最高殊榮！其實睇返飲食界奧斯卡Asia’s 50 Best，曼谷Gaggan都連續四年封皇，有實力自然獲獎，有幾出奇？今年究竟可唔可以再下一城呢？
繼續長勝！港人最愛食店
以下兩間實至名歸嘅餐廳，相信冇乜邊個香港人冇食過。由2008年開始拎到2017年，連續十年得獎，呢兩間攞獎攞到手軟嘅大贏家，直情係飲食界陳奕迅同容祖兒！就係馳名光速餐、炒滑蛋炒到街知巷聞嘅澳洲牛奶公司同長期人龍店、必吃茄牛通嘅大牌檔勝香園！今年會唔會繼續蟬聯？
圖：美食版圖擴張！新增大陸及台灣大賞
美食無分國界，發掘好餐廳又點止限於香港？今年大賞新增設十大香港必吃開飯熱店，由大陸網民投選出十間遊客至愛的本地餐廳。OpenRice台灣亦同時舉行百大心水餐廳2018，於100間全台灣食肆中，由網民投票選出十大最佳餐廳（詳情按此）。香港人去旅行，跟住個list去就啱晒！
自創Foodji 本土美食開心share
每年優秀開飯熱店大賞都有唔同主題，今年嘅主題係「美食大晒」，呼應返現時要like要selfie要share嘅潮流，更精心設計出一系列foodji，未玩就要去玩吓喇！而霓虹燈更代表住香港地，本地美食當然係香港飲食文化重要嘅一環，絕對值得支持。
各位foodie，記得密切留意住《OpenRice優秀開飯熱店大賞2018》，睇睇你投票嘅心水餐廳有冇成功得獎！
OpenRice優秀開飯熱店大賞2018：https://www.openrice.com/info/awards2018/index.html
文：Perrins