一家大細都有優惠！南區呢間主題樂園酒店有扒房、自助餐等選擇，菜式包羅萬有，以高質和牛、海鮮等食材炮製唔同風味料理，例如full blood黑安格斯牛扒、冰鎮海鮮、片皮鴨、中式燉湯等。而家經OpenRice預付訂座，精選午、晚市套餐同自助餐有5折起優惠，即睇邊款啱你口味就撳掣啦～
【復古風高質扒房91折】
半自助午餐
[1位用,2位起] 寫意扒房3道菜半自助午餐[已連服務費]（按此預付訂座）
[1位用,2位起] 寫意扒房4道菜半自助午餐[已連服務費]（按此預付訂座）
鋸扒啖啖肉，唔少人都鍾意，而呢間扒房嘅半自助午餐會配任食沙律吧、主菜同是日甜品，如果揀4道菜就有埋是日餐湯，分量十足。沙律吧大致按冬、夏兩季推出時令款式，現時較多選用歐洲蔬菜製作各式沙律，配合唔同嘅芝士、精選凍肉、炸物等，照顧唔同口味嘅朋友。
沙律吧嘅蔬菜同肉類款式近乎1:1
必食西班牙白毛豬Serrano、自家醃製蘇格蘭三文魚
嘆完沙律吧梗係飲啖湯暖胃啦～夏日餐湯以清新素菜湯為主，每星期轉換款式，包括粟米、番茄等口味。主菜方面主打餐廳招牌扒類，包括牛、豬、羊扒同海鮮，如澳洲安格斯牛腹肉、澳洲羊扒，總有一款啱你口味。
肉類重有大人小朋友都啱食嘅和牛漢堡，將美國黑安格斯Prime Grade牛肉、澳洲和牛按1:1比例製成漢堡扒，肉味濃郁之餘亦充滿油香。漢堡本身配咗加入胡椒等調味料嘅自家製BBQ醬，想味道再濃郁啲，可以淋埋附上嘅車打芝士醬。海鮮控則推介你試馬達加斯加大蝦，炭火燒香後肉質爽彈，配以自家製香草牛油汁更香口。
和牛漢堡、馬達加斯加大蝦
5道菜晚餐
[1位用,2位起] 尊貴美式扒房5道菜晚餐 配香檳[已連服務費] （按此預付訂座）
入夜呈獻嘅5道菜晚餐，先以侍酒師推介嘅香檳開啟味蕾，配搭登格斯蟹沙律伴自家製辣根醬，味道微酸好醒胃。登格斯蟹蒸好後拆肉，但只挑選蟹腳同蟹身之間彈牙嘅「冧肉」，一份差不多用上一隻蟹！
香檳welcome drink配海鮮頭盤登格斯蟹沙律
脆藍蝦卷伴輕煎北海道帶子以蝦多士為靈感，將麵包壓成餅皮狀，包住用法國藍蝦、黑松露做成嘅慕絲；配上2L刺身級北海道帶子、西班牙豬肉腸同柚子汁，香口得嚟一啲都唔膩。
脆藍蝦卷伴輕煎北海道帶子
自選主菜之中，澳洲黑安格斯牛腹肉、西班牙伊比利亞黑毛豬鞍架日夜都有供應。牛腹肉選用高質full blood安格斯（和牛），主廚建議4至5成熟為最理想口感。
澳洲安格斯牛腹肉（8安士）
同為人氣款式嘅西班牙伊比利亞黑毛豬鞍架，主廚建議7成熟最理想。另外肉扒會提供8款調味料畀你揀，嗜辣嘅話推介你蘸自家製辣椒芥末醬，另外自家製蒜味芥末醬都係坊間少見。最後嘆埋傳統美式忌廉粟米、清爽口味為主嘅是日甜品收尾，夠晒豐富呀！
西班牙伊比利亞黑毛豬鞍架（8安士）可配傳統/創意醬汁
以1920年代美國禁酒時期嘅酒吧為裝修主題，帶點復古感覺
Prohibition 扒房．酒吧 
地址：黃竹坑黃竹坑道180號海洋公園香港海洋公園萬豪酒店C區地舖
【西式酒吧餐廳77折】
燒烤風味自助晚餐
[1位用][小童][星期五及六] 芭提雅燒烤自助晚餐[已連服務費]（按此預付訂座）
[1位用][成人][星期五及六] 芭提雅燒烤自助晚餐[已連服務費]（按此預付訂座）
酒店內另一間酒吧餐廳嘅晚市自助晚餐，以各種燒烤美食為題，如即烤西班牙原隻乳豬、美國斧頭牛扒、大蝦等，加埋任食5款冰鎮海鮮、多款冷盤前菜、咖喱、中式飯麵同甜品，選擇多元化。
冰鎮海鮮必食雪花長腳蟹
風味燒烤當然要試烤乳豬啦～餐廳選用12個月大嘅乳豬，每晚烤2-3隻，皮脆肉嫩。另外重有美國斧頭牛扒、越南香茅豬扒、森巴醬沙甸魚、黄金菠蘿等葷素款式，大人小朋友都啱食。
師傅即燒十多款食材
斧頭牛扒啖啖肉，配特色森巴醬更惹味
亞洲風味沙律同熱葷約有十多款，如泰式燒牛肉沙律、泰式酸辣鳳爪、咖喱雞、鼓油皇炒麵，一次過試到多國口味。
印度咖喱、中式飯麵
西式甜品有十幾款選擇，全部細細件，試多幾款都唔怕大負擔，部分款式更以金箔點綴，打卡必影呀！
甜品包括馬卡龍、雲石芝士餅、奶油椰絲撻等
高樓底加上拱型天花，大大提升空間感
Pier Lounge and Pier Bar
地址：黃竹坑黃竹坑道180號香港海洋公園萬豪酒店海岸地下
【國際美饌自助午餐、和風自助晚餐5折起】
經OpenRice預付訂座「國際美饌自助午餐」同「夏日 ▪ 和風自助晚餐」都有5折起優惠。除咗日夜都有供應嘅厚切魚生、精選咖喱、中式燒味等，晚市更設有清蒸龍蝦、燒鮑魚、片皮鴨、即製日式串燒，兼送馬冀海膽呀！
自助餐設有多款甜品
【自助晚餐精選】
送馬冀海膽
每2位即送一板日本馬冀海膽，當作鮮味開胃前菜都唔錯。
海膽由日本直運到港
魚生壽司
刺身控必食自助餐少見嘅深海池魚，加上厚切呈上，一啖一件都令人大滿足，而各款刺身亦可做成手握壽司。同區重有馬刀貝、明太子紫菜沙律、蒟蒻等葷/素壽司，照顧唔同口味嘅食客。
供應深海池魚、赤蝦、帶子等刺身
日式串燒、燒物
即製區設有大型燒爐，即燒鮑魚、和牛、雞皮、雞肉京蔥等燒物同串燒，掃上鹹甜度適中嘅日式醬汁，食多幾件都唔覺膩。
燒鮑魚爽口彈牙
清蒸龍蝦
海鮮控記得去中菜區呀！啖啖肉又鮮味嘅清蒸龍蝦，每人每次可以攞半隻，食多幾次包保回本。
片皮鴨、燒味
皮香肉滑嘅片皮鴨由師傅細心即切後，交畀客人自行包好；另外同區嘅米芝蓮級叉燒厚肉又juicy，同樣值得一試。
每晚供應2-3隻片皮鴨
【自助午/晚餐其他推介】
冰鎮海鮮
冰鎮海鮮包括鱈長蟹腳、麵包蟹、海蝦等常見款式外，重有較少有嘅蜆，款款都飽滿有肉。
供應6款冰鎮海鮮
冷熱盤
冷熱盤選擇豐富，更橫跨歐亞口味：肉食之選有美國安格斯牛扒、烤黑豚肉配香蒜柚子味噌、章魚小丸子；如果鍾意較濃味嘅菜式，推介你試汁燒魷魚鬚、咖喱配自家製印度烤餅；清淡口味則有澳洲水耕菜沙律、櫻花蝦蒸比目魚；而養生湯品蟲草花雞湯、蓮子圓肉燉螺頭湯清潤香甜，記得留肚飲湯呀～
美國安格斯牛扒、紐西蘭羊架、烤黑豚肉配香蒜柚子味噌
即製甜品
擺成三角型嘅甜品區亦設有即製區，午市供應雞蛋仔，晚市則有鮮果班戟，熱辣辣好滋味。加埋多款原個蛋糕，如焙茶柚子朱古力慕絲、鹹蛋芝士蛋糕，以及水信玄餅、法式焦糖燉蛋、豆腐花、特色西餅、Häagen-Dazs同Mövenpick雪糕等，款式同口味都包羅萬有！
班戟內藏士多啤梨同香蕉
蛋糕款式精緻，色彩繽紛
凡享用自助午/晚餐，同行小朋友可免費入兒童遊樂天地盡情嬉戲
（以上款式會按供應情況有所調整）
海灣餐廳及海灣咖啡室
地址：黃竹坑黃竹坑道180號香港海洋公園萬豪酒店海灣地下
