一大班人食飯咁至係威？非也，其實一個人食飯一樣可以充滿霸氣！今次教你運用小道具或者小竅妙，令你一人開飯都唔會有可憐感覺！以下建議純熟搞笑，請勿太過認真。
1, 小小道具
一個人食飯，其實都唔係好想有陌生人坐隔離。夠薑當然可以帶個occupied牌，係人都唔敢出落嚟啦！講笑啫，其實隨身物品好似係電話、外套、手袋、甚至係紙巾，都可以放喺座位免卻有人坐低。嗱嗱嗱，唔係叫你自私霸位，有需要一定要讓個位出來俾人坐架！
2, 影相扮兩人相
食飯自拍，唔想表現到孤伶伶，有兩種方法，第一學日本人，一隻手餵自己一隻手揸機，成件事係幾咁完美！再唔係，唔小心影埋隔離或者對面搭枱嘅朋友，扮係自己人囉！
3, 一個人唔食頹飯
一個人食飯盒，好頹啫！唔緊要，花少少時間 food styling，執靚啲先影張靚food shot放上IG，真係叉燒飯都變成酒店級米芝蓮黯然銷魂飯，成件事型晒！
圖：eat_eat_everyday