而家冇得去旅行，節日都會book staycation 慶祝，今次選擇係迪士尼過！ Package 包咗房間連晚餐，打電話confirm 就一次過book埋晚餐，由於好full，所以就book咗6:30食early dinner。 食物就限定只點指定set dinner，如果叫set以外嘅食物，就要額外加錢。 沙律前菜 餐湯用杯上 之後就到主食，中規中矩，溫度都夠熱。 一定有米奇頭 困左係山旮旯，除非係外面食咗嘢先入嚟，如果唔係，都係幫襯樂園入邊嘅餐廳，冇乜選擇。 食物普普通通，都算合格，食物溫度夠熱。 始終係主題樂園，服務態度真係好好。 最後上餐飲嘅時候，我哋唔小心倒瀉咗。職員即刻攞紙巾俾我哋，又問我哋有冇事，再即刻補番杯新嘅飲品。最後，我哋仲寫咗email讚呢個同事。

期待咗好耐，終於有機會嚟試。 上open table book位，見到好多comment都話服務唔係幾好，但係最後都決定黎食。 唔知係唔係我遲咗少少，其他來慶祝生日嘅人，枱面上都有decoration ，但係我嗰張就冇😟 當晚超過一半嘅人都係黎慶祝，打電話confirm Booking嘅時候，講埋生日人嘅名，就會將名print喺Menu上面，好多人為咗佢而嚟食。 當晚我哋叫咗兩個Steak & Lobster set，食物份量好大，剩咗好多食唔晒，有啲浪費。 如果兩個人食，強烈建議只叫一個set，然之後再散叫其他食物。 先來一個前菜，洋蔥包。 食完麵包，就會上main course。 就算係side dish，份量都好大。如果唔係特別大食，真係唔好嗌兩個set，以免浪費。 食到最後，生日嘅人會有一個免費梳乎厘。 食物味道好好，份量好大。 服務都唔錯，唔似網上面嘅人寫到咁差。 如果節日慶祝，嚟呢度真係一流。 唯一美中不足，係無風景睇。

朋友推介，又見佢啲湯底幾特別，於是黎試吓。 揀咗平日嚟，地點唔算太就腳，客人唔多。做街坊街里生意，間中會見到有人嚟拎外賣。 餐廳入邊好整齊，好乾淨，都坐得幾舒服。 今次揀咗肉骨茶，同椰子雞。 湯底濃郁，唔會太咸。 初頭以為係中式椰子雞湯底，嚟到先知係馬來西亞feel，好香，忍唔住飲咗幾啖🤣🤣 食材好新鮮。 特別推薦佢個九雲餃 (唔記得影相😩)，好特別，係巴東牛肉、同泰式豬肉餡，係出面食唔到！而且同個湯底好夾。 服務態度好好，間唔中會過嚟幫我哋斟飲品，又會睇吓我哋個煲有冇黐底。 真心推薦，值得一試👍🏻👍🏻

如果要來食，一定要上網book位！佢成日都full House。 第一次嚟嘅時候，諗住12點未到食晏時間，去Walk in，點知都full晒。 第二次嚟終於都食到啦。 門口唔算好大，有兩層。入到去，地下係吧枱位，上層有餐枱。 因為全部食客都book晒位，所以門口冇人排隊。 食物款式唔多，簡簡單單。 今次叫咗個滑蛋菇飯。 佢全部都係定食set，有湯有小食。 睇落份量唔算好大，對於女士來講，份量足夠。 對於男士，份量就會比較細。 味道就中規中矩，但係同區嘅素食店唔多，所以感覺幾新鮮。

見ig food blogger介紹，一於黎試下。 一去到，就坐上層，靜靜哋，又唔洗吸味👍🏻 可能因為仲新，所以未有酒牌，如果想飲酒，就要自備啦！ 食物價錢親民！ 全間鋪頭，只得一個waiter，所以要食物送上黎嘅時候，先會有人收單。 食食下途中，見到有其他食客上來，都要自己招呼自己，如果發現冇位，就要同其他食客搭枱啦。 食物要等好耐，可能因為即燒啦，不過所有食物餣到一樣味😨一串肉，有幾啖淨肥膏😖，係牛、係羊，完全食唔出⋯⋯ 最後因爲等得太耐，取消未黎嘅食物就走咗。我哋話要取消嘅時候，waiter 都無黑面，態度依然好好👍🏻

平時去得多銅鑼灣，今次搵左間近近地ge,,
係openrice度搵到li間，就去左試

整體黎講，味道唔錯，D野食好好味
不過D價錢就貴左D......
同埋坐得麻麻地，地方好細好逼，好嘈，坐位唔多。
叫左4樣野，食到好飽

已經第4次食啦~~~ =]
今次叫左墨魚面, 雞肉pizza, 蕃茄芝士豆腐同綠茶芭菲]]
墨魚面都ok,,
雞肉pizza 好好味!!!好重芝士味!!正
蕃茄芝士豆腐就唔係好得,,,冇芝士味''''
綠茶芭菲都唔錯,,,賣相同味道都好好~~~