今次尼到太子尼間cafe, 離太子站好近，一出站就見到，餐廳細細坐位唔多，就算星期一都要見到要等位，好彩之前已經訂左位就唔洗等。 叫左兩個set，一個係黑松露牛肉意大利飯，另一個係香蒜蜆肉意粉，set會有飲品同沙律或餐湯，仲追加左兩份小食，水牛城雞翼同薯條三兄弟。 水牛城雞翼就中規中矩，但味道係唔錯嘅。另外薯條三兄弟份量都幾多，仲要係粗薯，三兄弟原來係指三種醬汁，分別係黑松露醬、明太子醬同埋芥末醬。 主食既黑松露牛肉意大利飯，牛肉幾淋但比想像中細舊，意大利飯係中間有少少硬身嗰隻，黑松露味都香。 香蒜蜆肉意粉啲蜆幾大隻，意粉炒得唔算太乾身。 整體餐廳感覺唔錯，雖然位置唔大睇得出都比較忙，但員工幾有禮貌，食物質素都算唔錯

入到長洲第一間就搵尼間專食蛋既餐廳，舖頭細細唔多位嫁，平日都有機會要等，好彩一去到都有一張枱。 叫左三樣野，卡邦尼意粉、炸蛋同焦糖燉蛋，樣樣都真材實料。 卡邦尼係用傳統正宗煮法，全蛋黃，一滴cream都無，少左平時好漏既感覺。 炸蛋就係尼間餐廳既皇牌，基本上枱枱都會叫，假日尼遲少少都可能賣晒，因為唔係好多地會有得食炸蛋，其實佢係蘇格蘭蛋，入面係流心蛋，出面包一層厚厚既肉再炸，出面脆卜卜，入面juicy流心。 焦糖燉蛋可以話係足料實淨，脆脆既焦糖，下面係濃厚既燉蛋，食完都好有飽足感 整體食物質素唔錯，睇得出餐廳對食物有要求，但環境唔算係好chill，唔會係可以慢慢坐果d，但係值得去食既餐廳

同朋友食飯諗住搵間靚靚地又可以打下卡既餐廳，Veggie4love 一直都係個list入面，今次終於可以食到，果然無令我地失望。 我地點左兩杯飲品，三個小食，一個主食，一個甜品。 飲品叫左mojito 同士多啤梨味既soy shake, mojito就穩穩陣陣點都無死，都係預期中咁啦，個soy shake就有啲驚喜，諗住都係好奶好cream果d味，但原來有d酸酸地既味，應該落左乳酪，唔會好快就覺得好漏，而且好creamy 好濃郁。 三個小食分別係墨魚圈、手撕雞同北京炸片，墨魚圈唔好睇佢平平無奇咁，佢個炸粉漿幾香同埋口感真無好似真墨魚。而手撕雞一食落口完全係平時食手撕雞果d味，我地一d都唔覺自己食緊素。仲有招牌菜北京烤片就有啲特別，佢既烤片皮唔係平時好有彈性熱辣辣果d,但食落又唔會好乾，個醬係exactly 烤鴨果d醬，就係佢帶起成set烤片，係好熟悉既味度但食緊同平時唔同既野，感覺幾得意。 主食就叫左個Trip to Bali,見面每枱一份就知佢係招牌，好足料好豐富，打卡一流，個沙律酸酸地好開胃，串燒好香口好好味。 最後都忍唔住叫多個甜品，心太軟不過不失，反而我地鐘意個雪糕多啲，當日係朱古力雪糕，食落又唔漏，仲要無出面果d咁死甜。 成餐飯我地都食得好滿足，我地最鐘意竟然係墨魚圈，覺得好香口，最得意係我地明知食緊素，但真係同平時食既味無咩分別咁。佢份量唔算大，睇落唔係食左好多野，但食下食下我地又覺得幾飽，其實仲有好幾樣野都好有興趣，下次想試埋海南雞飯同burger

一開始尼間餃子係ok既，個湯又幾好飲，但越做越普通，食尼間餃子都係因為佢有啲特別既味選擇，但而家成日都出錯，已經唔係第一次。 今次叫會買湯餃做lunch同埋生餃反屋企，已經醒目分單生餃還生餃，湯餃還湯餃一張單，湯餃叫左芫茜餃，點知食落咁怪無咩芫荽味既，點知佢比左韮菜餃😤。生餃未煮就唔知有無出錯，我個外賣仲見到佢寫住芫荽餃7隻，我唔明點解咁都可以錯，張單都係得一個湯餃無其他野有咁難跟咩🙄，生餃就未煮唔知有無錯。 上次叫一個芫荽湯餃一個西洋菜生餃同一張單，去到變左兩個都湯餃，轉反生餃第二日煮，一食發現又係芫荽餃😤。 我已經唔係lunch 12點幾1點果d繁忙時間叫，係下午茶時間3點幾叫，間舖頭都無咩人都出錯！