已經多次光顧此店，另有界限街店，較多人認識。 這店的春卷包得扎實，是即炸，會燙咀的，不覺得油膩，點了春卷湯河，有三大件。 另一必點是越式法包，包烘得很脆，醬汁是較辣的，但配搭得。很滋味。試過豬扒法包，豬扒是大大件的。我請服務員替我切3份，沒有被黑面，笑笑口話可以，贊👍 生熟牛河河粉十分滑，湯底濃且較鹹，但不覺得有味精。牛肉份量多，有牛肉片，牛腩肉，抵食呀！

選午餐時段來瑞士餐廳，看不見附近酒吧喧鬧的場面，原來這裏的環境，食物，招呼服務是那麼明淨樸實的。 午市套餐有很多素食選擇，套餐有齊頭盤，主菜，甜品，飲品，咖啡/茶。穩重的服務員對餐牌背對如流，服務殷勤。經他以中文菜名烤芝士，牛油菜沙律 ... 覆述菜牌之後，即時覺得款款都吸引。 餐前侍應端上麵包籃，有4-5款包，可選你喜歡的，包是熱的，再給一大片牛油，立刻大開胃口。 飲品選擇豐富，有一頁drink menu 讓你揀，有beetroot & apple juice, mixed berry juice, 其他多款果汁，啤酒，生啤酒... 印象中，要求沒有要求另加錢的。一般餐廳特飲加錢，限定飲品加錢，總之非咖啡茶就係要加錢。 頭盤 -烤芝士，簡單就是美味，伴了迷你酸瓜蕎頭薯仔，cute & yummy 頭盤 -mushroom ragou noodles, cream and cheese sauce, 不膩， 伴我愛的幼麵條👍 主菜 -菠菜忌廉汁牛肚, 都好味份量多，試過外國人烹調牛肚後，還是喜愛五香金錢肚那種，唐人風味較出色 主菜 -pork cordon Bleu 炸芝士夾心豬扒，這個做法用心，本人平日少見，有薯餅作伴碟，薯餅十分好味，一般都是伴炸薯條，這個配搭又加分了。🤗 甜品 -蛋白脆餅椰子雪糕，芝士蛋糕，穩重服務員會給你menu 以外其他3-4款選擇。 最後再有咖啡/茶，可以點cuppucinno 都不另加錢。還有多款伴咖啡的小曲奇和瑞士朱古力😁大滿足啦！

店鋪以小學雞為題，甜品種類都多元化，highlight台式的甜品，想食的都應有盡有。入去先到小學單行簿，教員室，menu 又分類成家教會... ，好特別，勾起回憶，sell story telling... 但其實同賣既野扯吾埋ga，好啦，好有心機搞gimmick 點了燒仙草雜錦甜品，腐竹白果豆腐花芋圓。燒仙草上枱，我呆了，是一碗啡黑色有泡既野，我撈一撈有一大pat 杰撻撻既漿，隱約見到芋圓。我光顧的時間只有幾枱客，絕對不忙，所以吾存在招呼不下的藉口。 $46都吾係特別平，甘既出品，對得起食客嗎？ 賣甜品既小店多數好好招呼，店員面口都好寬容，呢度，店員招呼不周到，連行埋枱都不太情願。冷漠。 枉我帶老爸來吃，想向他推介台灣甜品的美味，點G, 失禮左台灣甜品啦！ 不如先花時間搞掂出品同店員先搞gimmick la

開始抗疫疲勞，限聚下，一大班人飲茶的感覺，久違了。既然甘耐無飲茶，就揀利苑口卑好既酒樓。 果然，服務好，入坐沿途有多人同我打招呼，捧着茶壺的，路過的侍應都會講聲歡迎光臨。 環境清靜，燈光柔和。而且有頗多服務員，比較起翠園，服務員：客人比例高得多。證明佢地重視服務的。 因為太耐冇飲茶，幾款大路點心，已經足以止癮。 Robert 絲酥，外觀好靚，好精緻😊。 鮮蝦水晶餃，蒸過久，皮有點過濕，過軟。 鹹水角，餡料飽滿。 收費預期係貴，沒有提供下午茶優惠時段，而且設時限，係有d 嬲lor。不過各方面都高質，上餐速度又，吾會吃得趕，都值得幫襯。 下次會試下西施泡飯，佢註明係始創的。

鴻星現時可以逐位order某些點心, 好壞參半。一家人去的話，雖然可以滿足到不同喜好，但點心賣相變差了，一人前既點心也淡化了飲茶總係一籠點心同家人分享那個熱鬧氣氛，變成各有各食甘。 雖然如此，佢供應頗多經典款式點心，讚👍。 酥炸魷魚鬚有對勁的椒鹽野味但卻勁勁勁油，失望😞。灌湯餃足料夠熱，好味🤗。仲有其他酒樓不常有鵪鶉蛋燒賣。 下午茶時段有7折後價錢可接受，如果要付正價的話，有利園或者酒店中菜可選，同樣有寧靜四正既環境，佢... 未必有競爭力啦。

已經多次光顧此餐廳，首先環境吾侷促，在荃灣甘人多擠迫既地方，地舖有這樣的空間感實在難得。餐廳menu, 杯墊，壁畫，都用了心思，營造了文青風格。我多數都係午市光顧，套餐份量多，每款都好味，食得到泰菜香料但吾會勁鹹勁重味精，青咖哩雞米線用左好多吾同種類既菜，甜中帶點辣。泰式卤水豬手飯，吾油，可以食哂豬皮，吸收多點collagen 😋。之前黎我都會點烤雞扒青木瓜沙律，好清新，有跟飯，份量十足！開張到而家都一直keep住水準，吾會越食越縮水，就算客量多左，服務依然好，我聽到員工接外賣電話好有耐性有禮，員工亦好醒目主動，讚，所以我keep住黎。keep it up👍

茶餐廳格局，但比起茶記乾淨企理得多，坐得舒服，好有印象有個特大水吧。服務很好，可能因為要收加一服務費。菜式種類很豐富，包羅所有越菜種類，順化既風味都有，越式三文治都有。 越式三文治：包很脆，有不同餡料選擇。 生牛肉牛根湯河：牛肉湯底很清香，牛肉很高質，有和牛味道，牛根有水準，軟度適中，不會漿住口黏住牙。河粉勁滑，但份量不夠。可惜芽菜九層塔等配菜不是跟越南一樣大量供應... 價錢少少貴既，但質素佳，可接受。

餐廳感覺樸實，平民貼地。menu款式選擇不多，但看得出款款都是精選，推介菜。 脆脆豬扒飯：豬扒脆皮正，不油膩，炸豬扒同炒飯分開放，很讚這個安排。飯夠汁，好慷慨，個人覺得可以減少d。豬扒肉質略嫌不夠juicy, 但炸得好，無所謂啦。 沙丹豬扒：較脆脆豬好味，用連骨的豬扒做，很嫩夠juicy, 汁好好味，食完整份肉都不覺得飽滯，配菜好清新，焗薯都選用焗專用的薯仔，吾求其，係用心的。自己覺得火腿可以改用pineapple slice😜healthy d fresh d 菜式用上好既香草，吾單只係靚，d 香草好新鮮，有提升鮮味作用。有酒店質素👍 羅宋湯就一般，並沒有所標榜既出色。 茶走都好好味，夠濃。我recommended點少甜。再濃d。 唯獨係食物温度不夠，很快就放涼了。

我是重口味朋友，所以去到馬來西亞，實在是一個天堂。各式馬拉麵食，肉骨茶，椰香特濃超脆既叻央多，香濃馬拉咖啡簡直岩哂我口味。這間餐廳具人氣，裝修都有心思，肉骨茶又無限量添飲，都好有吸引力。但總括而言，食物馬拉風味只屬一般。 肉骨茶香味濃，夠熱； 細滲，即雜錦肉骨茶，足料，但肉吾夠入味，吾夠林； 招牌老鼠粉，味道ok，不油膩； 叻央多烤得不夠脆，跟普通茶餐廳多士分別不大，比以前亞坤既多士風味遜色； 馬拉拉茶（熱），未有品嚐到拉既風味，我飲過toast box既南洋咖啡有人拉有風味，而且呢杯份量細得離譜，建議俾多2蚊飲凍飲； 以呢個質素，嫌價錢略貴，令我好想飛去馬來西亞食啊。

以為可以品嘗新加坡風味，豈料水準強差人意。評分僅是好一般的茶餐廳。要自助點餐，坐得不舒服。只有咖央多士好味有特色，味道好夠脆口。蒸咖央包，以為夠軟，可惜麵包底是濕的，很明顯無考究食物質素。喇沙蝦湯不夠濃。咖啡奶味過重，奶水似的，無咖啡味，很差。$28杯的薏米也是什為普通，份量很少。總括而言， 不值得試，浪費時間金錢。