新開張諗住試試。因為新裝修關係, 環境幾好幾舒服。

七點幾客人都唔多, 店內侍應都幾多吓, 應該好得閒。

我哋先點幾款食物, 食完慢慢再叫。

第一、二次都係有個類似經理幫我哋落單, 唔記得我哋Order乜嘢, 佢好冷淡咁答 “賣哂!” 真係勁, 七點幾話賣哂, 佢唔會推介你食乜, 亦唔在乎你嘅存在, 只係唔出聲企喺我哋隔離, 但眼望遠方 (扮G4呀?!), 完全無將我哋放入眼內。

雖然食物都可以叫合格, 但真係頂唔順佢哋呢啲『皮笑肉不笑』嘅侍應, 講嘢都成個機械人咁, 係! 無錯好勤力幫你收碟斟水, 咁又如何？

直至差不多食完, 有個侍應走嚟邊收碟邊講 “我幫你哋收咗啲碟先!”。(嘩......唔駛問吓人啲嘢到齊未嘅咩?)

我即刻阻止佢 “仲有嘢食未嚟噃!”

“我幫你Check吓!” Check完, 頭先落單嗰個女經理走埋嚟又好冷淡咁講 “無落單, 仲要唔要?”

我見佢啲死人態度, 我都好唔順氣咁答 “唔要啦!”

漏單又無講唔好意思, 毫無歉意, 個態度擺明係....你食就食, 唔食就算, 完全無理客人感受。作為經理, 態度敷衍, 唔該你好好檢討吓啦!

完全無Services可言!!!

So..........我會將此店列入嚴重黑名單!!!

壽星女揀呢間餐廳慶祝生日, 單睇雜誌廣告嘅和牛照片確實好吸引, 令人垂涎三尺, 我很熱熾期待呢~
揀咗20:15 – 22:45時段, 價錢$218 + 10% 服務費, 送汽水2罐
睇過之前食評話佢哋冇打電話嚟confirm booking, 今日中午店員打嚟confirm, 我冇聽到, 晏d 佢哋再打一次嚟confirm, 要直接對話為止, 我諗佢哋已經進步咗!
我哋提早喺餐廳門外等候, 已經餓到個肚咕咕聲, 不久, 接待員比我哋20:00入座, 直至22:30結帳, 真係太好, 靈活更有商機吧。
安排入座後, 我哋忙住寫紙點嘢食, 店員同我哋講已準備一啲拼盤, 因為之前等得太耐, 都應該好肚餓, 所以希望快啲比食物我哋醫肚, 諗得好周到呀~
無幾耐一碟碟美食送上, 包括有:
安格斯一口牛、澳洲和牛百花肉、牛里脊、牛腹肉、牛舌、黑豚肉、羊鞍、廣島蠔清酒燒、虎紋蝦、小玉貝、帆立貝、翡翠螺....................等等
除咗網燒食物外, 仲有魚生刺身、壽司、天婦羅...........包羅萬有。
咁嘅價錢, 我覺得好抵, 唔知點解食評講到極差。
唯一最大問題係抽風系統太差, 當滿座時集體燒烤, 氣溫自然上升, 白煙佈滿整間餐廳, 食完成身汗 / 面油, 由頭臭到落腳。奉勸大家冬天唔好去食, 容乜易啲外套吸哂味唔要得呀!
而服務方面, 間間自助餐d 侍應都忙ga la, 佢好得閒企喺度, 你又話佢唔做嘢嘅啫, 我覺得呢間可以接受囉。

家姐帶我們來這家味道不錯的小菜館吃晚飯。

選了.....

凍膏蟹 ~ 十分多膏, 正合心意, 再配特製辣椒豉油, 簡直一流

潮式咸C蚌 ~ 我很喜愛吃螄蚶, 這款略為醃製過, 更顯出色

灼東風螺 ~ 細小的BB螺

油鹽水花甲王 ~ 不錯! 沒有砂

椒鹽九肚魚 ~ 不夠乾身香口, 椒鹽味亦淡

蝦干介蘭煲 ~ 很大煲, 香噴噴呢

京都骨 ~ 醬汁酸味不足, 表面看來沒有熱煙上升, 但差點被灼傷舌頭

豬頸肉炒公仔麵 ~ 一般

還有2支冰凍的啤酒, 將體溫稍為降低一點, 很爽啊!

我們留意到隔鄰檯的客人吃火鍋, 湯底很特別, 有蟹、豬骨等材料, 類似什綿鍋,材料豐富特別吸引。

可惜店子太細, 冷氣不夠, 可能要到冬天才會來吃這個火鍋呢!

因為不設訂位, 以前路過幾次都有很多人等位, 今次亦不例外, 所以要早點去呀!

上年公司聖誕Party喺《Marriott》食Lunch Buffet, 眾所周知呢度好食, 人人讚不絕口。食物款式多, 有好多海鮮, 甜品亦不少, 見到咁多美食當前好興奮, 食完想再食。

最近咁啱朋友搵人陪去食, 大家都滿懷希望食好嘢。

6點幾去到, 人客唔多, 我哋張檯與食物檯之間有一段距離, 本來問題不大, 不過有我最討厭嘅梯級, 每次攞食物都要經過兩級, 好驚跌親。

首先出去攞海鮮, 有啲諤然, 凍蟹變成袖珍型, 仲好咸添, 龍蝦仔細得可憐, 除殼後龍蝦肉同大海蝦嘅size冇乜分別, 冇咗長腳蟹及翡翠螺, 多咗加菲蟹。

話哂都五星級酒店, 啲人攞嘢食絕不客氣, 有搶食嘅成份；有人左手攞住隻碟, 右手攞住個夾, 等服務員補充生蠔, 一放低就即刻夾起, 每次Refill生蠔都唔多, 最多廿隻, 一個人都夾咗一半去啦, 真係好誇張。

到8點後出嘅龍蝦大隻啲, 似番啲樣, 仲有好多膏添, 我哋嘅愁眉深鎖終於可以解開一陣。

刺身依舊只有四款, 三文魚、北寄貝、赤貝、墨魚。

熱葷大約有十款, 有牛扒(麻麻地), 煎魚柳, 蒜汁蒸魚, 花膠, 芝士汁菠菜, 炸排骨, 鴨胸, 豆角等等, 存放於細小的保溫器皿內, 好似個小型電飯煲, 裏面只有少量食物, 大約十餘件, 好快就冇。

甜品亦少咗好多款, 來來去去都係蛋糕, 好少精美嘅小杯甜品, 個樣一啲都唔吸引。

我哋邊食邊拎頭嘆氣, 覺得好唔抵。我嚟過食所以有得比較, 佢哋第一次嚟都感到好失望。

舊年我會覺得呢度好食過《Yamm》, 而家比較就要調番轉, 仲要係差好遠添呀! 暫時可以Black list!

三個人六點幾去到《意粉屋》食晚飯，指定食品於19:30前埋單有優惠。
白汁海鮮闊條麵～材料豐富，但太淡味
我喜愛食嘅Ribs～好味過《Ruby Tuesday》，燒得恰到好處，少少肉黐住條骨，唔會骨肉分離，面頭嘅汁都好好味，大約有十條骨，唔使$100好抵食
龍蝦汁天使麵～我同朋友都好鍾意，但bf 嫌味太濃，唔濃又唔好食嘅啫！材料一樣好豐富
再嚟一個Pizza，個樣好靚，放喺檯面都未食得徹，又嚟第二個小pizza，好諤然.....明明叫咗一個，但唔知邊個至啱，我哋指住第一個pizza問侍應，呢個咩嚟，佢答得好妙『Pizza！』!@#!$%%#$@
佢攞走兩個pizza去check，原來細嗰個先係我哋嘅。

諗住去心。泰, 原來已經執咗, 所以轉去泰蘭花食。
泰國生蝦刺身 ~ 與別不同之處係將醬汁倒哂喺上面, 個汁都好正, 蝦算細隻, 一般新鮮
生菜沙律包 (牛肉) ~ 一d 都唔辣, 未試過包牛肉, 諗住冇豬肉咁肥, bf 話都係豬肉好食啲, 生菜得6塊, 唔夠包
青咖喱鴨胸 ~ 咖喱唔夠香, 餐牌印有兩隻辣椒, 都唔辣嘅
泰式腰果炒雞柳 ~ 勁多雞柳, 抵食, 味道ok
薄餅 ~ 要等好耐, 餅太細件又唔夠鬆, 麻麻地, 要$22 超唔抵
食完頭Round, 再叫第二Round
青咖喱蝦球炒飯 ~ 飯較濕, 唔係幾覺青咖喱味, 蝦亦唔新鮮
蝦醬炒通菜 ~ 少少蝦醬味, 都幾大碟
泰式蝦餅 ~ 唔夠彈牙
仲有叫咗2杯果汁, 1杯$20, 2杯$30, 諗住好抵叫咗兩唔同果汁, 不旦止細杯又唔凍, 而家睇單先發覺收咗$40/2杯, 唔知係咪我冇睇清楚要同款果汁先係$30/2杯呢? 覺得好唔抵
大部份食品都較多油。服務方面, 可能客滿關係, 侍應好忙, 要叫人都困難。
埋單$572, 都唔平呀!

店子小小, 若座滿必定很迫夾。我們六時許到, 人客不多, 最適合兩、三個朋友小聚。
生蝦~尚可, 不過不習慣看到蝦尾在碟外, 會感覺不潔
冬陰公湯~酸辣味不重, 淡了少許, 雖然有火煲著, 不夠熱, 只是暖
炸蝦餅~香脆彈牙
沙律~醬汁很少, 不像沙律, 似切條蔬菜罷了
串燒~沒有特別印象
豬頸肉~ok
食物沒有特別難吃, 水準一般, 服務方面, 侍應不會理會你, 沒有人加水, 那便沒人打擾你的晚餐, 可以說是有好有不好之處。

我同男友間中會幫襯呢間餐廳, 因為呢度環境舒適, 服務可媲美酒店或大餐廳, 價錢唔貴, 食物幾好, 喺荃灣可以有咁嘅餐廳, 真係萬中無一。唯一缺點係食物款式少, 又九年都唔轉Menu, 所以我哋會隔好耐先會再幫襯。

我先到餐廳, 好自然睇吓食乜, 意外地見到新Menu, 我都不知幾歡喜, 款式多咗, 仲有special set, 早就應該咁啦! 唔係點吸引顧客呀!

我哋叫咗兩個set再加我必食嘅焗石蠔, 仲叫咗兩杯Cocktail添, 很足夠!

先介紹吓前盤係沙律 ~ 最特別係食到最後一塊菜竟然係好黑唔新鮮

蕃茄忌廉湯 ~ 蕃茄蓉混入忌廉湯, 淡淡蕃茄味, 不太酸, OK

煙肉、菠菜焗石蠔兩款口味 ~ 我覺得失水準, 芝士面焗得太乾, 味道亦差少少

Blue Long Island (Buy 1 Get 1 Free) ~ 嘩.....好大杯好抵呀! 始終我覺得藍色飲品都有少少藥水味

Free杯嘢飲可以要唔同嘢呀, 幾好喎, 我要咗Around the World

主菜我要咗10oz肉眼扒 ~ 黑椒汁同塊扒都好好味, 個焗薯加入其他材料搞勻, 都好正, 我話…以後都唔去咩花X餐廳 同 金X餐廳食牛扒, 價錢差唔多, 但難食到爆

男友要咗個......(唔記得)??白汁意粉~ 味好濃又多汁, 每條意粉都能沾上白汁, good

食到飽飽, 仲有好多甜品都好吸引, 不過已經食唔落啦!

希望繼續創新菜式吸引客人啦!

我們在一個月前已訂位, 訂了7:00, 到達已有不少人在進餐, 應該是情人節的關係吧。今日餐廳設有限時, 要我們在8:45離開, 對於我們來說, 這也不成問題。

環境昏暗頗有情調, 感覺浪漫, 但廳沒有特別為情人節花心思去佈置或送禮物,只是多了一個情人節套餐供選擇, 但一點也不吸引, 有點失色。

當開始點菜時, 就是惡夢的開始....................

如常先點數款壽司, 然後邊吃邊再選擇其他, 店員放下一張 “是日推介” 菜單, 選了當中兩款, 為廣島蠔和什麼魚刺身, 店員說 “暫沒有貨, 飛機在7:30運到!” 我們感到一頭霧水, 究竟7:30到機場, 還是到門市呢? 開始感到掃興。不久店員走來告訴我們所點的東西, 沒有平貝和我喜愛的希靈魚, 加倍掃興。

第二次再加食物, 選了較特別的人氣食物, 忘記了什麼煮大蜆, 還有麻醬混生牛肉手卷, 巴馬火腿意式芝士卷, 店員入單後, 不久又折返說沒有, 這時我感到極度掃興和氣憤, 什麼都沒有, 如要吃普通的壽司, 隨處都可吃到, 為什麼要來這裏? 還要在情人節?

我問店員為何最貴的食物全都沒有, 他竟答我：我都知呢d 係最賺錢....我哋都唔想呀.....啲貨遲咗嚟.....今次真係比佢撬起......如果有的話盡早通知你啦, 唔好意思, 情人節搞到有d 掃興, 唔好意思啊!”

之後，有另一店員告訴我們沒有那些食物的原因是師傅全都很忙, 沒有時間去整理, 就連魚也沒時間劏。他們提供的食物和平時一樣, 照理沒有特別多功夫, 那麼平時晚飯時間, 客人坐滿, 他們都不能應付嗎??? 這個理由能夠接受嗎? 他除了道歉外, 還叫我們在結帳前找他, 他送雪糕給我們, 但最後我們都沒有找他送。而之前那位店員則送上一碟有4 粒小泡芙及2件西瓜給我們。

整晚店員總是道歉說 “不好意思, 不好意思啊!” , 不好意思都沒有用吧!

餐廳環境不錯, 但在一個月前已訂枱, 竟然不安排窗邊座位給我們, 還被派到死角位的細檯, 兩人向著牆壁吃飯, 安排甚差!

服務方面, 加水特別殷勤, 但要找店員落單或結帳一點也不易, 他們不會在這個方檯範圍留意客人需要, 所以要等很久才有服務。

食物方面不覺得有什麼特別出色, 很普通而已。壽司的飯夾起便散, 又是情人節很忙的關係嗎?

我一直期待已久的大日子終於來臨, 為何? 因為我想與心愛的人在這裏慶祝生日, 吃最愛的鵝肝, 還有獲得網上好評的心太軟, 所以期望甚高。
七時許到達餐廳, 十分冷清, 一個客人也沒有, 在場只有經理, 侍應生及鋼琴師共三人, 怪怪的。還好, 我在亂拍照也不怕失禮啦!
餐廳環境舒適, 燈光柔和, 我們坐在窗邊, 雖然沒有什麼景色, 但可看到對面樓宇外牆的新年燈色, 都算過得去吧。
我心情特別輕鬆, 所以在點菜方面以豁出去的心態, 點了幾款我們喜歡的菜式。
先來一籃麵包, 全都是熱的, 連脆薄餅都是熱的, 再配香草汁及磨菇汁, 香草汁與別不同, 特別可口味美。
要了兩杯Moscow Mule, 含有Voka, 酒味少, 較甜, 我不太喜歡。
頭盤當然是鵝肝($218), 煎得外層脆脆, 但稍為過燶有點苦味, 內裏再溶化些更好。在表面還洒了鹽之類的調味, 未免多了些, 整體來說值八十分
海鮮意大利飯($218), 如沒有估錯, 醬汁應該是龍蝦汁, 好濃好惹味, 海鮮包括有帶子、蜆、青口、大蝦等等, 我不停說 “個汁好好味” , 但我始㚵都不懂得欣賞意大利飯外軟內帶點硬的感覺
難得高興, 我再要了一杯紅酒($95)。
Prime Rib ($638) <奉送一碟蔬菜沙律>, 註明是兩人份量, 和男友share是至好不過 (相片只是半份牛扒), 果然真的大大份, 要五乘熟, 恰到好處, 肉質鮮嫰, 脂肪在口內溶化, 極具牛肉味, 正所謂一分價錢一分貨, 貴些都是物有所值的。再喝一啖紅酒, 原來真是絕配! 這刻我們已經很飽, 連沙律也不能吃光。
雖然很飽, 男友說已經吃不下甜品, 但我仍堅持要試心太軟 ($98), 朱古力從中心流出來, Very good~ 最後他還是都跟我一起吃。
整晚只有我們一枱客人, 無意中變成包場, 服務方面可說是一對一, 顯得特別殷勤有禮。結帳時我要求鋼琴師彈奏生日歌送給男友祝賀。
無論環境、服務及美食令我十分滿意, 共享二人燭光晚餐, 極之浪漫啊!
這樣好的餐廳, 為何會沒有人光顧呢? 仍能支持多久呢?
p.s.現憑滙豐咭結帳, 食品有9折, 優惠期至12/2009.