中午lunch來到一間秀茂坪商場的餐廳，見到門口Menu好似有好多款不同的食物。 Lunch set好多選擇，（忘記了影餐牌） 而且餐包配沙律 或者羅宋湯、忌廉湯。 羅宋湯都幾好飲，味道好濃郁。 鐵板牛肉飯 $64 牛肉比較嚡口，飯的份量多。 咖喱牛肉蛋飯 $64 加腸仔 $6 朋友加腸仔$6只有一條，而且質素非常普通，感覺有啲唔抵。 日式咖哩鴛鴦扒飯 $64 雞扒加豬扒，味道還可以。 溫泉蛋卡邦尼意粉 $60 這個比想像中好食，味道香濃、意粉不會太硬身。 午餐比較便宜，平均60幾蚊一個，有餐包、餐湯、飯或者意粉，仲有飲品。 座位寬闊，坐得比較舒服，但人多的時候要搭枱， 價錢比較便宜，可能是因為在屋村商場。但服務質素麻麻，服務侍應姐姐明顯比較新手，落單也不是太熟悉。 原來佢下午茶更加便宜，在秀茂坪這個地方，得以且算抵食。

觀塘友話這一間新開嘅上海菜唔錯，既然講到咁好，就來一次聚餐。 裝修比較簡單，有老上海風味。 菜牌比較簡單，除了中午有lunch set之外，全日都是這個菜牌。 花雕醉雞$88 雞肉嫩滑，花雕酒味香濃。 韭黃炒鱔糊 $168 個人感覺味道比較偏甜，價錢也不算便宜，但炒得好香，有朋友特別喜歡食。 松子桂花月$268 份量頗大，口味酸酸甜甜，桂花魚炸得香口，肉質都鮮嫩。 楊家小籠包$48 （4隻） 皮薄汁多，唔錯。 賽螃蟹$98 蛋软嫩滑，層次豐富，非常好食。 雲腿津白$88 份量不算太多，口感普通。 詠藜園擔擔麵 $43 這個擔擔麵真的值得推介，麵的韌度和湯底真的和詠藜園擔擔面的很相似。 炸春卷（三條）$38 這個炸春卷也很驚喜，入邊有很多不同的材料，和平時酒樓吃的非常不同。 當日六個人一共食了$1459 ，有很多餸都沒有影相， 但總括來說，食物質素服務都算不錯。

突然想食水煮魚，記得九龍灣德寶商場有一間，一於收工搵埋朋友一齊去。 唇舌飄香水煮魚（小辣） $198 叫咗小辣，真的非常唔辣，雖然顏色好紅卜卜，但係味道偏淡。魚片份量頗多，有紅薯粉墊底，加上萵筍、金菇、雲耳、芽菜等。 避風塘鮮魷 $98 粉漿比較薄，但係份量比較少，望落去好似好大件好多，但大部份都是粉。 友義氣小炒皇 $98 份量不是太多，細細碟，魷魚只有兩三條，但炒得非常香口，韭菜很嫩。 兩個人埋單$416 ，其實食物份量不是太多，食得不是太飽。 其實食物質素係唔錯，但是份量不是太足，可能食套餐會比較抵啲。

中午過上環搵朋友lunch，推介這間唔錯，一點多左右去到，雖然多人但好快有位。 坐位都比較逼夾，要搭枱。 叫得「雞功房」當然全部都是食雞。 海南雞飯 原本$79 ，加$10轉雞髀$89 食得雞，當然要食雞髀啦，加$10價錢可以接受， 雞髀肉好嫩滑，醬汁只有豉油和泰式汁，雞油飯比較乾身同埋偏硬。 海南難蝦頭油櫻花蝦撈麵 ，配客家黃酒雞湯原價$87 --轉雞肚（+$10.00） $97 客家黃酒雞湯：第一啖飲落去真係好驚喜，酒味同當歸味道非常突出，感覺好補身。 蝦頭油櫻花蝦撈麵 ：蝦油味濃烈，食得出櫻花蝦。 兩個人買單186 ，價錢唔算便宜，但味道還算可以。 見到舖頭好似還有私房菜提供，不過價錢就見仁見智。 做埋外賣生意。 題外話：見到OpenRice說話服務態度唔好，但是當日去到見到阿叔同侍應姐姐都好熱情，臨走的時候留低咗個iPad袋在張凳上邊，佢都馬上叫我返轉頭攞返。

今日喺灣仔，想食得簡單啲，上OpenRice搵，見到這一間「四季養生麵館」，好評都比較多。 裝修簡簡單單。 餐牌簡單清晰，價錢便宜。 藥膳農場雞胡椒豬肚米線 $78 胡椒湯味道非常淡，雞味亦都相對比較淡，果然係養生，味道不會太濃烈。 一人套餐： 藥膳農場醉雞養生湯米線 +藥膳浸雞腳 ，仲有餐飲。 醉雞湯味道非常濃郁，飲落去身體暖暖的。 藥膳雞腳：當歸味濃，雞腳非常之淋。 價錢比較便宜，特別係一人套餐， $78有米線🍜有小食，仲有餐飲。在灣仔這個地方，CP值比較高。

之前來過這一間潮順館食下午茶，感覺還不錯，但總是覺得晚餐價錢唔便宜，難得今日有朋友請食飯，又話想近近地，於是就一齊嚟試吓。 見到新出咗二人套餐， $388免茶錢，唔需要+1，仲有侍應姐姐在門口介紹。 還有其他小食餐牌。 小食：醉香鴨舌 酒香味非常濃郁，大概有八隻鴨舌，口感非常嫩滑。 滷水：滷水鵝掌 鵝掌比較偏硬身，滷水味香濃，豆腐軟滑。 豐料燉湯：有瘦肉、雞腳、螺頭 味道唔錯，有老火湯的感覺。 蒜香上肉排 這一個餸係朋友指定，個人覺得口感麻麻地，好乾。 但朋友好喜歡，佢話好香脆，真係好個人口味。 王潮小炒皇 有魚乾仔、魷魚、蝦乾、腰果、韭菜心….最特別係有炸咗的芋頭絲，非常香脆。 兩個人埋單$388 ，唔需要要茶錢及+1服務費。 服務方面也不錯，收碟速度非常快，也經常換骨碟，男經理上菜也很有禮貌。 食飯當晚是星期三，餐廳入邊都有八成入座，有四張大枱坐滿人，都是一些男士在飲啤酒🍻，有啲似大排檔feel，感覺很熱鬧。

一早已經聽過這一間來自泰國的人氣甜品店「After You DessertCafe」 。但一直以來都非常多人排隊，難得這晚經過灣仔利東街見到只有寥寥數人排隊，馬上去排試試。 人氣的刨冰有泰式奶茶、芒果糯米飯和美祿等熱賣口味。 芒果糯米飯刨冰 （迷你） $99 芒果味刨冰底，刨冰入邊有椰汁糯米飯，刨冰上有忌廉奶醬， 配上芒果椰奶醬。芒果味濃郁，椰汁糯米飯香糯。 黑糖焙茶珍珠刨冰 （標準） $138 焙茶刨冰內面有珍珠和啫喱，上面鋪上忌廉奶蓋和脆米，配上糖漿。焙茶味濃郁，珍珠和啫喱有少少偏甜。 朱古力士多啤梨班戟 $88 三塊熱辣辣的班戟配上朱古力醬及少許士多啤梨粒 味道唔錯，但價錢有少少偏貴。 抹茶鮮奶 $45 味道偏淡，反而是忌廉非常好食。 總括來說，味道是唔錯的，刨冰比較出色，其他抹茶鮮奶及班戟比較普通。但如果要排隊很久的話，應該就唔會排隊食。

來自台灣的「吃茶三千」做茶二十餘年。 但未飲過，之前聽到好多Blogger都推薦「慢熟濃芋厚奶」，難得經過APM見到有，馬上買來試試。 每日限量150杯。 Menu非常清晰，寫明飲品入邊都有些什麼。 包裝都幾特別。 慢熟濃芋厚奶 $42 「鳳眉紅茶 + 皇家厚奶+慢熟芋泥+慢熟小芋圓」 叫咗凍飲，少冰，沒有走甜，香芋味濃郁，茶味突出，並沒有很甜，芋圓口感唔錯。 可能熱飲，香芋味道更加濃郁。 暫時只收現金或者八達通，價錢唔算平，但質素還不錯。

去觀塘駱駝漆買完嘢，見到樓下有一間檸檬茶，都幾多人買，於是買來試吓。 啊一檸檬茶，第一次試。 有隻鱷魚仔，幾得意。 價錢唔算平，平均30幾蚊一杯，而且唔可以走冰，只可以半糖 、少冰。 楊枝甘露 $35 芒果味濃郁，已經係半糖，但係感覺都係偏甜。 手打四季春檸檬茶 $34 這一杯只是少冰，感覺好甜，而且飲唔出檸檬味。 鴨俬香檸檬茶 $34 這一杯半糖少冰，的而且確唔甜，但係亦都沒有檸檬味。 感覺價錢偏貴，味道不突出，加上服務態度麻麻，不會再買。

金祥排骨麵位於西環西營盤，係香港依然屹立不倒超過三十多年，經常都要排隊。 下午五點左右經過見到冇乜人，想住入去食，點知老細話做埋俾你啦，仲以為係下午茶，原來老細意思係做埋我哋跟住就收舖。 老字號裝修陳舊。 菜膽雲吞排骨麵 $52 炸排骨和湯麵分開 排骨炸得非常鬆脆，熱辣辣，好味。 菜肉雲吞非常大隻，菜肉均勻，味道唔錯。 豆漿 +$7 ，豆漿太大杯，不會太甜，豆味濃郁。 老字號保持到一定的水準，怪不得客人絡繹不絕。 問老細幾點鐘開門？為什麼這麼早就收舖，老細話唔夠人手，早上11點開門，晚上5點到6:00收舖。 真的有心來食的，真的要提議留意開舖時間。