「ゆう」樓上舖日式居酒屋，有開放式枱櫈、包房、吧枱等，木系裝潢加和風亭園設計，配上燈光柔和，氣氛一絶！

揸車嘅就泊樓下金巴利道或者天文臺道附近啲咪錶，嫌麻煩想貪方便嘅直接泊美麗華停車場啦！

🔥南瓜沙律『蓮藕片非常香脆，搭配幼滑南瓜蓉作沙律點綴，口感直逼日本抹茶、栗子蓉等』
🔥刺身五切『赤貝、油甘魚、帆立貝、牡丹蝦及大拖羅，呢間既大拖口感直逼日本原岸水產，可以形容為直豎拇指級別』
🔥串燒五盛合『串燒還可以既，以香港水評黎講算得上係水平以上』
🔥東洋卷『海膽、炙燒油甘魚、鰻魚、蟹子同牛油果呢堆組合，味道層次豐富，口感扎實』

揸車出入：👍👍
帶小朋友：👍
食物質素：👍👍👍👍
環境舒適：👍👍👍👍
CP值...😋：👍👍👍

彩蛋：唔想喺樓下諾士佛臺嗰啲太嘈雜既地方食野飲野既話，可以試下呢間樓上舖，大部份食物、酒水都係水平級別以上，值得嚟試下！

一遊 | @theyuu_tst
📍尖沙咀諾士佛臺1號4樓
🔥🔥🔥🔥🔥🔥🔥🔥🔥🔥

「GoodDay BadDay MamaDay」樓上fusion西餐，全開放式枱櫈，木系裝潢，加上大量玩味設計+壁畫裝飾等，氣氛鬼馬打卡一流！

揸車嘅就泊樓下加連威老道，金巴利街或者嘉蘭圍附近啲咪錶，嫌麻煩想貪方便嘅直接泊The One停車場啦！

🔥真心冇乜驚喜黑松露大啡菇意大利扁面『真係冇乜驚喜架，都係嗰啲嘢，有啲黑松露又有啲大啡菇咁囉，算係食極唔厭果啲頹餐！』
🔥半熟吞拿魚西西里pizza『厚切半熟吞拿魚，燒到好似威靈頓牛柳咁樣，配千島汁還可以！』
🔥求其是但乜都炸啲啦『四款炸物拼盤：有吉列蝦、吉列魚柳、炸雞翼同薯條，即叫即炸熱辣辣勁熱氣！
🔥芒椰奶西『得個名渣，只不過係較淡既手工啤！』
🔥藍藍天空高掛我的夢『藍底配白cream有啲意境，呃到女士打卡既！』

揸車出入：👍👍
帶小朋友：👍👍
食物質素：👍👍
環境舒適：👍👍👍👍
CP值...😋：👍👍

彩蛋：想試下fusion既西餐又想打卡既值得嚟試下！

GoodDay BadDay MamaDay | @ggood.day.bad.dayy
📍尖沙咀加連威老道27-27A號嘉榮大廈地下及1樓
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥

「一•漢堡」裝修走西式黑白型格風，配搭全公牛隊掛畫作點綴，Jordan迷必去。

揸車嘅就泊荃昌中心商場樓下恆寶停車場，冇位就要泊荃灣多層停車場大廈啦！

🔥澳洲和牛漢堡套餐『和牛又厚又大件、好Juicy，包包仲有啲鬆脆，配菜亦非常足料』
🔥脆炸魚柳漢堡『2塊魚柳併埋大大份，粉漿夠薄又冇雪藏味』
🔥炸薯格『即叫即炸熱辣辣，仲要厚切』
🔥啤酒脆漿炸大啡菇黑松露醬『入囗爆汁，層次豐富，必食推介😋』

揸車出入：👍
帶小朋友：👍👍👍
食物質素：👍👍👍👍
環境舒適：👍👍👍
CP值...😋：👍👍👍👍

彩蛋：性價比高嘅漢堡包店，成個套餐：🍔＋🍟＋🥤都只係@HK$58！

BURGER ONE | @burger.one.hk
📍荃灣西樓角路170-184號華都中心1樓41號舖
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥

「Hea Ha Hea Ha居酒屋」樓上串燒居酒屋，開放式廚房+枱櫈，亦有包廂可唱k，木系裝潢簡約，加上大量和風設計+壁畫裝飾等，亦同步播放日本電視節目，氣氛完全置身於日本串燒店一樣！

揸車嘅就泊樓下寶勒巷，堪富利士道或者赫德道附近啲咪錶，嫌麻煩想貪方便嘅直接泊K11停車場啦！

🔥前菜『醃漬物：包括牛蒡、蘿蔔、青瓜全部都好很好味』
🔥串燒食物『都係果啲啦，冇乜邊一串有好深印象』
🔥炸雞皮餃子『炸得好香口，不過內餡仲有進步空間』
🔥牛筋大根味噌煮『牛筋可以再淋啲，有大根既味噌底味不錯』
🔥炒雜菜『用上中式薑味去炒，配上鰹魚絲，味道難以形容』
🔥鰻魚飯『鰻魚油脂比較多，適合重口味人士』
🔥唐揚炸白鱔『以唐揚炸物嚟講，仲有進步空間』
🔥脆米流心芝士波『的確係流心芝士，囗感特別』
🔥炸芝士『算得上係比較到位嘅食物』

揸車出入：👍👍
帶小朋友：👍
食物質素：👍👍
環境舒適：👍👍👍👍👍
CP值...😋：👍👍👍

彩蛋：唔使飛去日本都完全感受到日本氣氛嘅居酒屋，嚴重思鄉者必到！

Hea Ha Hea Ha居酒屋 |
📍尖沙咀寶勒巷10號9樓
🔥🔥🔥🔥🔥🔥🔥🔥🔥

「The Moonious」地舖精緻中餐，中式裝潢簡約有品味，全開放式枱櫈，好熱鬧好有氣氛！

揸車嘅朋友就直接泊尖沙咀安達中心停車場，或者金馬倫道 、加連威老道附近啲咪錶 。

🔥白桃烏龍茶『香港絕小粵菜有呢款囗味揀』
🔥茶樹菇燉竹絲雞湯羹『清潤滋寶又足料』
🔥火焰古法燒腩叉『上枱火勢夠勁、打卡一流，厚切叉燒腩位啖啖肉、脂肪比例均勻，食落口感豐富』
🔥藥膳羊腩煲『藥膳味非常濃鬱，配羊腩更闢除大部份羊騷味，配菜等亦好入味』
🔥紅燒大鮑翅(足三兩)『大大疏魚翅，食到你飽』
🔥楊枝甘露果凍『香甜夠味，配果凍做法更有口感』

揸車出入：👍
帶小朋友：👍👍👍
食物質素：👍👍👍
環境舒適：👍👍👍
CP值...😋：👍👍

彩蛋：火焰叉燒腩，夾住幾層厚肉及脂肪，配上玫瑰露酒，微微燒焦嘅叉燒邊皮，味道直迫澳門水平！

The Moonious |
📍尖沙咀麼地道63號好時中心地下30-41號舖
🔥🔥🔥🔥🔥🔥🔥🔥🔥🔥🔥🔥🔥🔥🔥🔥

「LAB EAT Restaurant & Bar」地舖高級西餐，走西式玩味設計風格，有格調又浪漫！

揸車嘅朋友就直接泊美麗華停車場，想泊街錶既要到金巴利道或者漆咸圍、柯士甸路附近。

🔥法國生蠔及魚子醬『 配上魚子醬嘅生蠔更提鮮，100% perfect match😋』
🔥傳統手工薄切澳洲和牛生牛肉片『澳洲產地和牛配上火箭菜一齊食更入味』
🔥火烤半熟北海道帆立貝及白松露油『帆立貝入口即溶，仲有海膽醬味淡淡滲出』
🔥日本黑毛茸菇濃湯『菇味濃烈，值得推介』
🔥法國青蘆筍湯『蘆筍味極濃，罕有餐湯配搭』
🔥西班牙紅蝦海膽意大利麵『紅蝦汁非常掛麵，紅蝦仲有半生熟囗感極爽，有食刺身嘅感覺，蝦頭好多羔，極之惹味』
🔥澳洲M5和牛西冷『三成熟食落有咬口冇喳，脂肪分佈比例完美，質量介乎日本和牛A4區問』
🔥青蘋果烏龍茶慕斯蛋糕『連粒的都可以食嘅青蘋果甜品』
🔥DAWN『意大利佛手甘酒味道濃鬱，入口過後蜜柑味慢慢浮出嚟， 有多層次嘅柚子感覺』
🔥FONDNESS『紅蘋果白蘭地配蛋清有飲果汁感覺，串燒無花果甜甜地，酒精濃度偏淡』

揸車出入：👍👍
帶小朋友：👍👍
食物質素：👍👍👍👍
環境舒適：👍👍👍👍
CP值...😋：👍👍👍

彩蛋：情調氣氛嘅西餐，拍拖一流，cocktail嚟講喺香港算得上係高水準。

又係時間同大家分享下自己都可以調配嘅西式cocktail「GOD FATHER」，材料好簡單，只需要揀支「Blend Whisky」加 「Amaretto Liqueur」，再用到大量冰塊攪勻直到冰塊接近80%溶解，enjoy.. 乾杯 🍻

LAB EAT Restaurant & Bar |
📍尖沙咀金巴利道87-89號僑豐大廈地下1-2號舖
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥

「龍圖閣海鮮酒家」懷舊小菜中餐館，餐廳裝潢充滿老香港既懷舊風味，屏風更勾起兒時回憶。

揸車嘅朋友就直接泊尖沙咀K11停車場，或者漆咸道南、棉登徑、赫德道附近啲咪錶 。

🔥 子薑皮蛋『子薑夠香唔太辣，配流心皮蛋口感有豐富層次感』
🔥 椒鹽九肚魚『魚身炸得外脆內嫩、魚味鮮香，爽滑嫩口』
🔥 特別版砂鍋沙薑雞『上枱煙霧瀰漫 、打卡一流，走芡汁嘅沙薑雞，顛覆中菜煮法』
🔥 冰川咕嚕肉『冰鎮後外冷內熱，甜甜酸酸，一啲都唔韌，仲保持到酥脆既外皮』
🔥 薑絲浸娃娃菜『薑絲味越食越有，就連米粉都一樣掛汁，絕唔會越食越淡囗味』
🔥 生炒臘味糯米飯『一貫中菜糯米飯嘅水平，不過不失』

揸車出入：👍👍
帶小朋友：👍👍👍
食物質素：👍👍👍👍
環境舒適：👍👍
CP值...😋：👍👍👍

彩蛋：將經典傳統菜式重新演繹，破舊立新，絕對值得多間香港老店借鏡！

龍圖閣海鮮飯店 |
📍尖沙咀漆咸道南17-19號帝后廣場1樓
🔥🔥🔥🔥🔥🔥🔥🔥🔥🔥🔥🔥🔥🔥🔥

「友•拉麵」裝修走日系風格，枱凳以木色為主，配搭全部以貓貓作裝飾點綴，貓友門一定要去朝聖。

揸車嘅就泊商場樓下昌寧大廈停車場啦！

🔥蔥山曲拉麵『拉麵鋪上海量咁多既蔥，打卡一流，鍾意食蔥嘅拉麵控必嗌』
🔥魚介直拉麵『魚湯唔腥，流心蛋又香又多汁，唔鍾意食海鮮味嘅都可以一試』
🔥炸棒棒餃子『井字型上碟，配上柚子醬汁，大份又香囗，必食推介😋』

揸車出入：👍
帶小朋友：👍👍
食物質素：👍👍
環境舒適：👍👍👍
CP值...😋：👍👍

彩蛋：貓貓Cafe大家都去得多，呢間冇真嘅貓貓，不過貓貓主題既拉麵店就應該冇幾多間！

友•拉麵 |
📍荃灣西樓角路202-216號昌寧大廈1樓53-54號舖
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥

「Mokumoku Yakiton」樓上串燒居酒屋，全場開放式枱櫈，亦有長吧檯，木系裝潢簡約，加上和風設計，氣氛勁似日本串燒店！

揸車嘅就泊樓下厚福街或者加連威老道附近啲咪錶，嫌麻煩想貪方便嘅直接泊The One停車場啦！

🔥前菜『蕃茄沙律，配上自家製柚子醬汁，好夾好開胃』
🔥厚切白金豚肉『鹿兒島豚肉好香好有口感， 脂肪同肉質比例剛好，必食推介 😋』
🔥A5和牛串『師傅燒得好juicy，將和牛嘅精髓100%呈現』
🔥舞茸『燒得剛好嘅串燒舞茸配上日本鹽，可以話係蔬菜糸絕配No.1』
🔥Sake Set『《藤崎總兵衛》長瀞純米吟釀 ，alcoho極重， 鍾意酒味較濃既人非常適合！ / 《空藏》雄町生原酒純米大吟釀，fruity味重較甜，必飲推介😋 / 《伊勢之浪》 作純米大吟釀，sake味較淡， 冇咁搶喉較純， 容易入口！ /  《六十餘洲》雄町純米吟釀，fruity味較輕，女酒鬼必選！』

揸車出入：👍👍
帶小朋友：👍
食物質素：👍👍👍👍👍
環境舒適：👍👍👍👍
CP值...😋：👍👍👍👍

彩蛋： 真心想食好串燒嘅話，「我不是100%日本人」首推呢間， 質素已經達到日本職人級別 😋

又係時間同大家分享下自己都可以調配嘅葡式cocktail「Sangria」，材料好簡單，只需要揀支「紅酒」加 「lemonade sprite」，比例可以按2：3去溝，enjoy .. 乾杯 🍻

Mokumoku Yakiton | @mokumokuyakitontst
📍尖沙咀厚福街12-12A號藍馬商業大廈16樓
🔥🔥🔥🔥🔥🔥🔥🔥🔥🔥🔥🔥🔥🔥🔥🔥

「HIKARI」裝修走日系文青風格，樓高兩層LOFT設計，枱凳以木色為主，純白牆身，柔和燈飾，配搭綠色植物作點綴。
加上臨近聖誕，玻璃窗貼滿吾同既聖誕＆卡通手繪裝飾佈置，有氣氛又溫馨，舒服寫意。

揸車嘅就推薦泊享和街咪錶或者對面荃灣廣場停車場。

🔥黑松露忌廉汁煮芝士菠菜餡介子雲吞『份量十足，黑松露忌廉汁creamy得黎唔滯，奶滑細膩，口感豐富』
🔥日本櫻花蝦蟹肉蘆筍扁意粉『堆滿海量咁多既櫻花蝦，氣勢十足，鮮甜蟹肉絲，清新爽甜蘆荀，鹹香味加埋蟹肉好濃郁，意粉亦好掛汁』
🔥Macchiato『心型拉花圖案，咖啡味特濃帶微酸，口感順滑』
🔥焦糖鮮奶布甸『布甸食落有質感，濃烈嘅焦糖味中散發淡淡奶香味道』

揸車出入：👍👍👍👍
帶小朋友：👍👍👍
食物質素：👍👍👍
環境舒適：👍👍👍
CP值...😋：👍👍👍

彩蛋：Hikari（ひかり）是日語中「光」的發音！指光；光明；希望；目光；亦可以指光彩照人，出眾 。👈 唔知呢間coffee想表達邊樣呢！？

又係時間同大家分享下自己都可以調配嘅『火火 special』西式cocktail「CHOCOLATE ALMOND LIQUEUR」，材料好簡單，只需要揀支「chocolate liqueur」加 「amaretto liqueur」再加「vodka」，比例可以按1：0.5：1去溝，今次需要用到大量冰塊攪勻直到冰塊接近80％溶解，enjoy..乾杯🍻

HIKARI | @hikari_coffee
📍荃灣大壩街21號地下
🔥🔥🔥🔥🔥🔥🔥🔥🔥