見到店舖裝修幾靚 座位尚算舒服 就試下 Lunch set都幾抵 價錢大約$4x~$6x {大大碗照燒汁鰻魚肉燥飯} 鰻魚有大半條 肉燥同飯既份量好多 仲配有4粒青瓜和冬瓜茶 值得一讚就係冬瓜茶 好飲 至於飯方面 最敗筆就是照燒汁 太鹹🫠 食到最底勁多油 最底既飯就放棄了 {排骨肉燥飯} 排骨賣相普通而家越食越鹹 {古早味新竹炒米粉} 炒得好香 三款之中最好食 但都係太油 總結：宏觀周圍嘅食客主要食湯麵為主 例如牛肉麵 湯新竹米粉 可能湯麵比肉燥飯更出色 📍那些年 (屯門) 屯門田景路31號良景廣場2樓206號舖

經過見到点壽司新開張 終是試下 當日星期日下午一點半 二人枱只需要等一張 原來点壽司已經有幾間分店 点壽司和元氣一樣 都是用火車運送壽司 {巨無霸帶子$20} 新鮮鮮甜 帶子厚肉👍🏻 {阿根廷赤蝦壽司$24} 新鮮 超大隻 又厚身 24蚊兩件超值👍🏻 {火炙墨魚壽司$18} 超超超大塊又厚 食落漿住個口 18蚊兩件 有這質素 絕對抵 必食 {一貫厚切鰻魚壽司$14; 鰻魚壽司$16; 炙燒一本星鰻$20} 鰻魚星鰻全部凍冰冰 厚切鰻魚更加又凍又硬 好似剛剛從雪櫃拎出嚟 好失望 {松葉蟹肉軍艦$18} 質素同元氣差不多 但價錢比元氣貴 {珍寶吉列大蝦$16} 超大隻 即炸熱辣辣 炸漿皮薄 蝦都算大隻 {惹味烤雞全翼$36} 同樣即炸熱辣辣 好味 {北海道牛乳雪糕$14} 有點失望 奶味唔夠濃 總結: 品質有點參差 有部分勁得 有部份可以用難食形容 普遍屬於中上 值得一試 📍点寿司 (元朗) 元朗又新街56號置富中心地下1-3號舖

入口位置隱蔽 不是地膽或經朋友介紹 冇可能留意到這間店舖 店內裝修簡約 空間細小 得六張枱 順帶一提 人齊方可入座 {窩蛋汁燒牛肉飯$48} 份量十足 無一磅至少都有半磅牛肉 店主會唔會蝕架 無論牛肉定飯既份量都超多 另一半都幾大食 都食唔晒 簡直係窮人恩物 {跟餐加$20 配前菜同刺身} 麵豉湯應該跟牛肉飯才有 因為雞扒拉麵加$20無麵豉湯 一定要加$20 淨係食刺身都抵 刺身新鮮 三文魚肥美 {照燒雞扒拉麵$56} 雞扒超大塊 醬汁好味 不過有點overcook 拉麵普通 見到隔離食客既烏冬吸引好多 下次試試先 📍大阪日本料理 (元朗) 元朗鳳琴街18號玉龍樓地下15號舖

本身諗住食阿木台灣麵 但超多人排隊 要等二十多張枱 於是係附近行下 睇下有咩食 一心想食蛋餅的我 竟然在前幾個鋪位發現一間同樣食台灣麵既餐廳 當日是星期五晚七點 竟然不用排隊 會唔會伏呢🤔 由於天氣太熱 不想在街上等 決定試一試 {烤小香腸蛋餅$39｝ 小香腸配上蛋、菜、美乃滋 所有野加埋好夾 成件事感覺好豐富好幸福 餐廳仲提供不同口味既蛋餅 下次要試埋其他 {蕃茄豬軟骨麵$67} 蕃茄湯底 值得一讚 濃濃既蕃茄味 應該用左好多蕃茄煲出嚟 一碗麵已經有四舊蕃茄 麵是我喜歡的粗麵 有咬口 配埋蕃茄湯食 簡直是人間美食 豬軟骨唔算炆得好淋 軟骨位是脆的 {招牌紅燒牛肉麵$67} 牛肉頗厚的 而且又淋 中間仲有充滿膠質的筋位 總結: 食物質素不錯 侍應態度正常 不像留言般的態度差劣 唯一缺點就是座位比較狹窄 枱亦細細的 二人座位 兩碗麵 + 兩杯飲品 + 一個蛋餅已經冇位 📍台食館 (豉油街) (旺角) 旺角豉油街92號鴻都大廈地下7號舖

之前已經光顧過元朗及九龍灣分店 對餐廳印象不錯 CP值高 可能經不起疫情嘅風浪 元朗及九龍灣分店已結業 {法式香草牛油焗田螺(Free)}OpenRice訂座食滿$500送一客 田螺面層烤濃左 苦苦的 仲有點腥味 食左兩粒就放棄了 薯蓉就正常好多 口感綿滑 亦有牛油既香味 食完呢碟前菜已經飽左一半😂 {牛油香煎帶子配忌廉菠菜配香脆酸種麵包多士$98} 帶子煎得剛剛熟 入面是嫩滑的 忌廉汁偏甜 不過我喜歡 入面仲有好多菠菜 甜甜的忌廉汁中和了帶少少酸的麵包 {海鮮墨汁意大利飯$178} 食左一啖已經覺得有點咸 食多兩啖 真係頂唔順 朋友怕食完會腎虧 決定同侍應反咉 應該係錯手落得太多鹽 只係食到鹽味 食唔到墨汁同海鮮嘅鮮味 {慢煮西班牙黑毛豬安鞍配香桃醬$238} 中規中矩 始終豬肉要全熟 不能半生熟 難以做到外脆內嫩 {香煎盲曹魚柳配牛油忌廉汁$178} 由於墨汁飯太鹹 侍應換了盲曹魚給我 魚皮煎得十分香脆 好似食緊薯片 魚肉夠滑 又唔會散 底下仲有薯蓉 📍INN - I’m Not Nothing (荔枝角) 荔枝角長沙灣道883號億利工業中心2樓203號舖

最近Yoho開左好多新餐廳 見到泰潮門口有隻好大既米芝蓮公仔 就係甘俾佢吸引左 值得一讚 假日都有lunch set {手打豬肉丸+豬頸肉米粉 配泰式木瓜絲沙律小份$68} 清湯湯底 有輕微既辣味 應該加左少少胡椒 幾惹味 仲配上白蘿蔔同紅蘿蔔 米粉有點像新竹米粉 幼幼的 最鍾意食這款米粉 餸既份量比想像中多 木瓜絲爽脆爆汁 辣辣地 清新開胃👍🏻 {泰式海南雞飯$85 轉雞髀+$10配上湯時蔬} 油飯一d都不油膩 如果雞油嘅香味濃啲就更好 雞有十件以上 十分嫩滑👍🏻 雖然價錢比平時食過既貴少少 但份量十足 抵番哂 {泰式燒豬頸肉$48} 以為呢個價錢份量不多 所以食粉既其中一樣餸都選擇了豬頸肉 點知同平時既食既份量差唔多 但價錢平一大截 又抵又好食 必點👍🏻 📍泰潮 (元朗) 元朗朗日路8號形點 II L3樓A315b號舖

餐廳外面有幾張枱 為養狗人士提供多一個食堂 天氣涼嘅時候 出面坐滿食客 最近天氣太熱 人同狗都頂唔順 值得一讚 假日都有lunch set提供 食物多元化 定食 丼飯 鍋物 拉麵 魚生飯任君選擇 而且價錢非常合理 {豬軟骨拉麵$70} 豬軟骨炆得好淋好入味 輕輕一咬 軟骨已斷肉已分離 讚👍🏻 套餐仲有啫喱 {迷你醬燒雞扒丼配迷你烏冬$53} 超抵食～ 套餐包埋麵豉湯同啫喱 雞扒丼-雞扒煎得十分香 雞皮脆卜卜 烏冬-係稻停烏冬 幼身又滑 只係$53 但提供成本咁高嘅稻庭烏冬 讚👍🏻 麵豉湯-唔係死咸個種 好好飲 {鰻魚壽司(兩件)$42 & 三文魚壽司(兩件)$22} 鰻魚用火槍燒過 暖暖的 入口鬆化 輕輕咬一口已經溶化 不過價錢比較進取 📍九丁目日本料理 (元朗) 元朗西菁街23號K Plus地下G25-28號舖

當日七點左右入座 QR code落單後五分鐘 已經有六道菜上碟 即刻叫侍應其餘的晏少少先上 侍應回覆如果廚師整緊就冇辦法 五分鐘後其餘的餸菜都上碟 正常上左鵝片鵝掌鵝翼先 過多一陣先上其他熱食 一下子上哂所有菜 食完鵝片鵝掌鵝翼 熱食已經凍哂 侍應話QR code落單係甘 廚房收到單就即刻做 起初叫侍應幫手落單 侍應叫我哋自己用QR code落單 無奈😮‍💨 茶錢$18一位 仲要10%服務費 對於這服務質素 好失望 食物方面整體是不錯的 {滷水鵝片$178} 分量比想像中多 鵝片入味夠淋 墊底既豆腐比較硬 吾入味 稍為遜色 {滷水鵝掌(隻)$70} {滷水鵝翼(隻)$60} {卜卜脆蠔烙$118} 皮薄夠脆 唔會有多餘既炸粉 可惜蠔味淡 {吊片銀魚干小炒皇$128} 有驚喜 韮菜爽脆多汁 配上卜卜脆銀魚仔 口感豐富 👍🏻 {梅羔醬烤骨$98} 一咬落去 第一感覺食到成pat醬 根多 {芋茸香酥鴨$88} 炸得香脆 芋頭夠粉👍🏻 但價錢有點進取 只得四件 {海皇美極粉絲煲$138} 超好食 干身吾油 勁多蟹籽 充滿海鮮鮮味👍🏻 {沙茶牛肉粿條$108} 沙茶醬除了有香濃花生味 仲食到一粒粒花生 粿條炒過的 牛肉份量亦好多👍🏻 📍鵝鹵宮 (元朗) 元朗朗日路9號形點 I L1樓1035號舖

已經想來好耐 但諗到要排隊就放棄 當日晏咗起身 3點到餐廳門口 竟然冇人排隊🤩 侍應叫我喺門口等一陣 剛剛有一台食客埋單 過左15分鐘都未入得 於是問問侍應 枱已經執好 點解不安排入座 侍應叫我等多一陣 大約2分鐘就入座 懷疑廚房做唔切 唔俾食客入座 入座後 聽到其他食客追食物 {鰻魚蛋包飯} 賣相一百分 蛋嫩滑又濃蛋香味 如果飯用番茄汁炒過就更佳 幸好鰻魚汁夠多配白飯都夠味 鰻魚較薄 但以呢個價錢 對比呢個份量算合理 {炸北海道大蝦配四元豚豬扒} 到了媽媽最期待的炸豬扒炸蝦山 炸粉夠薄夠脆 最重要係熱辣辣上枱 炸蝦超大隻 唔似其他食店 只得雪藏味 有蝦味 炸豬扒唔乾 夠juicy 咬落仲有肉汁 {燉牛舌蓋飯} 牛舌切成一粒粒 雖然夠厚 但無牛味 而醬汁味道奇怪 與牛舌完全不夾 有點失望 {日式卡邦尼意粉} 採用既芝士吾夠香 導致成碟意粉味道偏淡 總結 餐廳的招牌食物做得出色 其他就可以不試 📍喫茶ちょうぼ (大埔) 大埔安邦路8&10號大埔超級城B區2樓276號舖

之前係荔枝角返工 同事推介呢間餐廳 試過一次之後 從此深深愛上了 Lunch hour長期爆滿 需要等位 就算而家轉咗工 星期六都會專程去荔枝角食 餐廳出名沙律餐 不過都有其他選擇 例如湯麵 扒餐等 適合不同人士口味 本人十分愛吃沙律餐 每次都必點 另一半就鍾意熱食 {煙三文魚白麵包配新鮮生果+煙肉西芹薯仔沙律$58 + 凍檸茶$3} 煙三文魚份量多 不會太鹹 麵包軟熟 生果不是每一款都甜 當造既西瓜、火龍果、菠蘿較甜 薯仔沙律 沙律醬份量剛剛好 不會太多導致膩 又不會太淡味 配上脆卜卜既炸煙肉 味道層次豐富左 如果雪凍更加好 （懷疑人流多 每日新鮮製造 無時間雪） {黑椒牛柳粒配意粉$60+凍檸茶$3} 除了沙律餐做得出色 熱食也很出色 牛肉份量超多 食極都仲有 多到有點怕它蝕本😂 難怪除了OL 亦吸引了一班地盤工人 📍開花結果 (榮吉工業大廈) (荔枝角) 荔枝角青山道608號榮吉工業大廈B座地下2A號舖