近來天氣越嚟越凍，決定搵日閒日放工之後去打邊爐🥶 閒日間舖都幾熱鬧，但係又唔算好逼好多人，訂左位就即刻入得😆 湯底都有幾多唔同選擇，有辣有唔辣 不過想試真少少原材料嘅味，所以就叫左個清啲酸菜白肉鍋～ 估佢唔到個湯底又幾正，入面都俾好多料😛 都叫左幾多其他嘢，有響鈴、脆肉鯇、牛肉、豬肉同埋豬潤😛😛 佢啲滑同個五色丸丸拼盤好正🥰 佢啲肉上碟嗰陣都擺得好特別幾用心 如果有要打卡嘅朋友就啱哂🤣 個響鈴炸得啱啱好，好脆， 但係唔會話好油膩👍🏻 同埋佢好貼心嘅位係大部分嘢食都有半份同全份揀，就算人少少想試多啲嘢都無問題啊🤩 最後佢仲送左個腐竹糖水沙冰🤍 個味同平時腐竹蛋糖水一樣， 凍冰冰打完邊爐飲真係幾爽🤣 埋單價錢都合理，唔算特別平 但係如果想一班朋友打邊爐， 要好食又想坐得舒服 呢度一流啊😆😆