每次經過呢間野都會買一杯黎飲，暫時知道澳門，香港同大6都有分店。 價錢唔貴，茶味夠，選擇多之餘又唔會太甜。係試過甘多間最最最鍾意的！ 另外仲可以加芋圓，佢哋d芋圓係食得出有芋頭粒係入面，一d都唔馬虎。抵讚！

收工想打個邊爐，揀左呢間係屯門既宮廷式火鍋，無論係食物定係裝修都好質。 首先座位好闊啦，唔理你2個人好，4個人好，，，都係安排勁大個位比你坐到舒舒服服。 我同朋友叫左個麻辣湯底，，好濃味好好食，其實佢比我地d醬料都可唔唔需要點，入面仲有鴨血同豆腐，如果想叫呢2樣送既朋友記得唔使另外叫，而且唔係得一兩舊hea 你。 我哋叫左個牛小排同羊肉卷都係好新鮮好高質，，抵食！ 仲有佢個黑松露餃一定要試，出面都唔見有得食，， 加埋既炸既響0，脆卜卜再吸埋佢個湯底不得了！ 2條友食唔到甘多野，海鮮就凈係叫左個蟶子，又肥又大又鮮甜！ 下次再試其他野食！會再掛襯

諗住入一田買個送，無意中見到角落頭有間食點心，口痕決定食個下午茶食幾舊點心 叫左相入面既野食，其實d野食都好大件，，但就略嫌d野食太冇味，凈係見到個樣，你咪埋眼食，應該以為食緊全部都係同一舊野。

我係一個住喺沙田嘅朋友介紹，都唔知有間咁嘅癮世懷舊打邊爐。 一入到去好多懷舊嘅佈置，而且服務好好，每個店員都好熱情，招呼客人。 講到野食，多選擇都不在話下，淨係牛肉已經有7種俾你選擇，而且係靚牛肉。價錢合理抵食之餘，份量仲好足夠！

就生b但又懶得整薑醋派比人，黎八珍買包現成豬腳姜黎試下。 入邊啲料都算多，建議2-3人食都夠，，一人少少，少食多滋味。但醋嘅味道偏甜，食得多會膩。 另外入面既蛋唔知係咪浸得耐所以硬左d,d 薑都較為多根多渣。 會試埋其他店舖再決定用邊店既豬腳薑

近排窮困，專搵d抵食野食，，見沙田citylink 有間黃色裝修，睇完餐牌又唔貴，叫越好既越南野食，即管入去試下。 同朋友一人叫左個98蚊包主食，小食 同野飲既餐，都幾抵食，，轉特飲都唔使另外加錢。 叫左個生牛肉河粉同一個雞翼河粉撈亂食，上到台已經成陣熟悉既越南河粉味 再加辣椒粒同青檸比我哋調味。 生牛肉河粉湯底濃而唔油膩，幾清甜。牛肉都幾嫩 同一d都唔姑寒，，份量都唔少 雞翼河粉個雞翼其實都好味，炸得好脆口而粉又唔會多，但就略嫌佢醃得唔夠入味，，， 小食就一舊春卷 一舊魚餅，但都夠食夠滿足了，，加埋杯青檸soda同咸甘吉，大滿足！

今日出開荃灣就順手約個好耐無見既朋友食lunch，近近地見PLAZA88 地下開左間西餐，叫La Mensa Grill & bar裝修又靚靚囝囝就入去試下。 11點幾坐低 個場唔算好full,加埋佢d位好寬躺，樓底又夠高坐得好舒服。 我哋叫左個黑松露芝士薯條 餐廳提供左兩種調味料俾我哋，一個係凍芝士醬，一個係普通茄汁。好好食，薯條好脆而且份量好多，1 d都唔吝嗇，但如果變左做粗身既薯條或者會更好（純粹個人喜好) 另外叫左個蜆肉意粉 上枱嘅時候俾佢嘅買相吸引住，忍唔住手機食左先，一盤細細既意粉入面有勁多蜆，好重鮮味。除左好味😋仲要用底食黎形容👍🏻👍🏻👍🏻 最後仲有個大大pizza最後先上，夠哂熱(唔知會唔會係即叫即整)同大份，我諗4個人食都得。醬汁好特別皮好薄料又係好多夠晒脆口，唔會有d似食緊包既感覺。 總括而言呢間西餐廳係性價比高又好食，差唔多食晒d野都開始晏，全場爆滿。睇嚟呢個新大陸好早已經俾人發現咗，會再幫襯。