[ MoMo Café ] 最近留意到萬豪集團旗下，位於西環嘅香港萬怡酒店做緊晚餐自助餐優惠，係網上平台kkday或klook預訂每位只需要三百幾蚊，酒店buffet嚟講都幾抵食🤑。 ✿ 海鮮拼盤自助晚餐 星期一至四 正價$538 / 星期五至日 $568 供應時間：下午6時30分至下午9時30分 前菜 有沙律🥗、煙三文魚、西班牙風乾火腿等選擇。 冰鎮海鮮 星期一至四晚餐buffet主打海鮮拼盤，入座後餐廳就會按人頭安排，而星期五至日晚餐buffet任食海鮮。 海鮮款式有： 新鮮即開生蠔🦪 鱈場蟹腳🦀 阿根廷天使紅蝦🇦🇷🦐 愛爾蘭黃金螺🇮🇪🐚 當晚生蠔來自愛爾蘭🇮🇪，蠔肉爽口鮮甜，海水味重；鱈場蟹腳蟹肉扎實，蟹味濃郁；紅蝦刺身爽嫩鮮甜；黃金螺螺味重，肉質彈牙。除咗以上海鮮，自助區亦有大蝦、蜆及黑殼青口，全部都refill得好快。👍🏻 刺身🐟 有挪威三文魚🇳🇴、吞拿魚、北寄貝、甜蝦等，魚生即點即切。 熱食區🔥 有多款中西式熟食。肉類有即切肉眼牛扒🐮🥩、馬來咖哩雞🇲🇾🐔、清蒸海上鮮🐟、中式燒味等。此外有餐廳招牌石烤pizza🍕，口味有瑪格麗特披薩等。而當晚粉麵檔更提供越式🇻🇳扎肉湯粉，即點即煮，幾有特色。 甜品🍮 有蛋糕及Mövenpick雪糕🍨選擇，Mövenpick雪糕有12款口味咁多，所有口味都可以任食😋，配埋窩夫🧇食啱哂😍。 飲品🍺🍹 無限暢飲Stella Artois及Hoegaarden生 啤🍻，亦都有橙汁、小青檸汁等果汁任飲。 總結🫦 酒店餐廳位於西營盤站附近，交通方便。午市及晚市都有buffet供應，同樣係網上平台kkday或klook預訂就更優惠👍。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ MoMo Café 地址：西環西營盤干諾道西167號香港萬怡 酒店 電話：3717 8989 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 八幡平石燒牛扒專門店 ] 最近留意到觀塘巧明工廠大廈地下新開唔少食肆，當中有呢間觀塘工商廈區少有嘅日式石燒牛扒🇯🇵🐮🥩專門店。 食客先於購票機選擇唔同種類及重量嘅肉類套餐，付款後就入座等待店員送餐。 套餐包埋珍珠米飯🍚、湯🥣及沙律🥗，可到自助放題區無限任添。😍 今次嘅湯係蘿蔔牛肉湯，湯煲內有好多大大嚿嘅牛肉🥩及蘿蔔，非常充料，味道清甜帶牛肉香味。而沙律菜🥗新鮮爽脆，可配搭酸汁或芝麻醬。 餐廳肉類🚫無添加味精，保留原汁原味。食客可以係烹調後自行加上各款醬汁。 ✿ 西冷牛扒(200克) $140 200克大概7安士，牛扒上枱前會先烹調到1至2成熟，上枱後再由食客用預熱岩石🪨燒至喜愛熟度。西冷牛扒🐮🥩脂肪較少，唔會肥膩，肉質幼嫩有彈性，牛肉味香濃。 ✿ 鐵三角(260克) $260 如果想食多幾種牛肉部位，可以試試「鐵三角🔽」，有以下三種共9安士唔同口感、油花嘅牛肉🥩部位。 「招牌牛扒(100克)」選用美國產🇺🇸牛肩部位，脂肪較少，肉質軟嫩適中，肉味香濃。 「和牛(60克)」選用日本產(宮崎/熊本)🇯🇵A5和牛西冷，和牛肉質柔嫩細膩，獨有嘅霜降紋理，油花豐富入口即溶。 「肉眼牛扒(100克)」同樣來自美國🇺🇸，肉質較幼滑及較多肉汁。 飲品🍹 ✿ 椰青水 $15 ✿ 原味波子汽水 $20 除咗任飲嘅蘿蔔牛肉湯，餐廳有多款飲品俾食客追加。 總結🫦 每位食客會有圍裙提供，唔怕俾油彈污糟衣服。餐廳全日免加一收費，位於工廈地下，唔駛等𨋢上上落落夠方便。👍 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 八幡平石燒牛扒專門店 地址：觀塘巧明街99號巧明工廠大廈地下 19號舖 電話：9508 2011 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 赤の匠 ] 今日嚟到銅鑼灣呢間餐廳食飯，有鐵板燒/壽司廚師發板料理選擇，餐廳環境舒適，一個套餐有前菜、多款壽司、甜品，價錢實惠👛。 ✿ 仲夏嘗味壽司廚師發辦套餐 $880 1️⃣ 高糖番茄伴海葡萄 🍅番茄鮮甜，配上爽脆海葡萄&日本水雲菜，酸酸甜甜。 2️⃣手握壽司12件 1 深海池魚 壽司已作輕輕調味，魚質彈牙。 2 左口魚 用備長炭微微燒香左口魚魚邊，下層左口魚刺身，一啖有雙重口感😋😋。 3 甜蝦 甜蝦配蝦頭膏，蝦味🦐香濃。 4 鰤魚 鰤魚油脂感重，用上柚子胡椒，更帶出魚鮮味。 5 香箱蟹🦀🦀 日本香箱蟹為雌性松葉蟹，本季盛產，伴混蟹膏、蟹春食，味道濃郁。 6 赤身 醬油漬赤身，用上香蔥，鮮美又香口。 7 拖羅 拖羅入口即化，油脂感滿滿😋😋。 8 赤貝 赤貝入口爽脆，加入少量柚子皮，味道清新。 9 赤海膽 用上北海道馬糞海膽，味道鮮甜。 10 沙甸魚 沙甸魚配上薑蔥，魚味濃郁而不腥。 11 梭子魚 梭子魚呈半熟狀態，熟度剛好👍🏻👍🏻 12 海鰻 海鰻大大件，入口超豐富。 3️⃣卷物 卷物餡料有吞拿魚腩、紫蘇葉、黃蘿蔔，爽脆口感。 玉子燒 非常鬆軟，蛋味香濃。 4️⃣鯛魚白湯 鯛魚湯呈奶白色，飲落清甜，用作暖胃之菜。 5️⃣和菓子 結尾有黃豆粉蕨餅，煙煙韌韌🤭。 總結🫦 食物質素不錯，店員服務有禮，享有席前體驗，餐廳新開張有唔少買一送一優惠，都幾抵食！ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 赤の匠
地址: 銅鑼灣邊寧頓街8號亨利集團中心6樓
電話: 62889686
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Donut Demo ] 想係香港食到波堤donut真係唔多地方有，最近觀塘新開咗呢間充滿打卡位嘅「Donut Demo」，以藍色為主調，主打每日新鮮即製麻糬冬甩🍩😋，聽見都想食！ ✿ Mochi Donut $30/件 口味會不定期更換❗️ 1️⃣牛奶x水果早餐穀物片 2️⃣斑蘭臻子 3️⃣士多啤梨x士多啤梨乾 4️⃣朱古力焦糖脆餅 5️⃣Cookies & Cream 6️⃣香芋 一打開個盒d香味已經撲鼻而來😍。冬甩咬第一口十分驚艷，中間係煙煙韌靭嘅麻糬口感，好似食緊麻薯波波咁。 每款賣相靚靚💙，個人最推薦「牛奶x水果早餐穀物片」，冬甩面淋上糖漿同加咗脆脆，食落唔會太甜膩，下午茶食一兩件啱啱好😋而較少見嘅「斑蘭榛子」好特別，斑蘭味香甜，同榛子🌰都幾夾！ 總結🫦 冬甩可以單買/盒裝選購，可以坐低邊食邊打卡，牆上嘅CD💿仲可以聽，仿佛回到80s 90s年代，裝修得別具心思💙。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Donut Demo
地址: 觀塘開源道55號開聯工業中心A座9樓904室
電話: 34686161
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 茶木‧台式休閒餐廳 ] 有一定知名度嘅茶木港九新界都有分店，今次去咗iSQUARE分店，日中都唔算太多人。 ✿ Teawood 紅燒牛肉麵 (輕食) $80 綜合鮮果茶🍓🍏🍊 +$10 最受歡迎嘅紅燒牛肉麵，每次嚟必點。湯底濃厚，牛肉鮮嫩多汁，配上Q彈有嚼勁既麵條，值得推介；招牌鮮果茶水果新鮮，好適合炎炎夏日飲，口感好清新。 ✿ 鹽酥雞麵 (輕食) $76 紫薯奶蓋🍠 +$10 另一個必點嘅鹽酥雞麵，有米粉或手作麵選擇，鹽酥雞炸得外皮酥脆，內裡肉質嫩滑；紫薯奶蓋口感濃郁，鐘意紫薯既必試！ ✿ 鳳梨鮮果甜酸肉🍍🍍 $96 炸得香脆多汁，配埋酸甜可口嘅醬汁，喺一個好開胃既菜式。 ✿ 路邊攤小食 + 追加蚵嗲麵線 $67 小食有鹽酥豬扒、花枝丸&台灣腸，有齊哂台灣夜市最出名嘅小食，風味十足，麵線口感微微辣幾開胃。 ✿ 綜合水果可頌窩夫🧇 $44 水果味道鮮甜可口，窩夫烤到表面金黃色，食落口感酥脆，唔錯嘅甜品👍🏻👍🏻。 總結🫦 有質素嘅台式餐廳，食物同飲品種類好多，分店都多，iSQUARE位置方便，經開可以嚟high下tea都係唔錯嘅選擇☕️☕️。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 茶木‧台式休閒餐廳 地址: 尖沙咀彌敦道63號iSQUARE國際廣場6樓603號舖 電話:26685011 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 莆田 ] 今晚再度到訪呢間源自新加坡🇸🇬嘅中餐廳，主打福建莆田菜。最近推廣緊鰻魚節「一鰻五吃」五款鰻魚新菜式🆕，款式具創意。 期間限定鰻魚節🎏 常見鰻魚食法有日式鰻魚、韓式烤鰻魚等，今次莆田「鰻魚節」有五款新煮法： 1. 山泉水煮活鰻魚 2. 普寧豆醬焗鰻魚 3. 蒜蓉豆豉蒸鰻魚 4. 福建特色紅糟鰻 5. 辣子燒鰻魚 ✿ 辣子燒鰻魚(例) $188 餐廳標榜使用「出口級的活鰻魚」，鰻魚肥嫩，油脂豐富，肉質厚實有咀嚼。🤤 鰻魚以先煎後燜方式，連鰻魚豐富膠質都迫出。再加入辣椒、藤椒、蒜頭、薑等配料烹煮，口感微麻微辣🌶，配埋白飯成為鰻魚飯新食法。 特色小菜 ✿ 鹹香黃花魚(例) $88 黄花魚🐠外皮超香脆之餘，連裡面魚骨都脆到食得。魚肉鹹香脆嫩，鹹度適中。 ✿ 阿元香草雞(例) $118 呢碟冷盤賣相似醉雞，蘸著鮮香滷汁食，雞皮雞肉🐔都好緊實，滷香夠入味。 海鮮🦀🦐 ✿ 辣汁花蛤(例) $98 花蛤肉夠甜鮮，份量合理，以東南亞風味烹煮，甜辣入味。 時令蔬菜🥬 ✿ 馬來風光(例) $88 具有星馬特色嘅菜式，以鮮香三巴醬醬炒通菜，通菜微辣夠惹味🔥。 總結🫦 餐廳融合福建菜及新加坡菜風味，加埋最近推廣嘅鰻魚節，菜式種類繁多，味道貼切喜歡中菜嘅朋友。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 莆田 地址：荃灣大壩街4-30號荃灣廣場L4樓416號舖 電話：2111 8308 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Royal INN ] 又有打卡餐廳介紹啦🤍未入去已經被餐廳佈置吸引住😍，圓拱門入口，黑白格地磚再配歐陸風嘅擺設，已經急不及待入去打卡&食嘢！ ✿ 波士頓龍蝦西班牙海鮮飯🦞 $348 原隻波士頓龍蝦😻😻仲有蜆肉、魷魚、青口，食材豐富。龍蝦食落啖啖肉，肉質好扎實，好鮮甜，而燴飯有好香濃嘅海鮮味。 ✿ 西班牙黑毛豬鞍架🐖🐖 $248 肥肉與瘦肉比例非常均衡，肉質細嫩，帶有濃郁芳香味道，另有燒汁配搭，食落好juicy👍🏻 ✿ 燒蘆筍 $78 燒蘆筍加入左鹽🧂&胡椒，食落好夠味，蘆筍都好爽口。 ✿ 炒菠菜燒烤菇 $78 蘑菇烤至軟軟的，稍微焦香，好香口。 ✿ 菠菜酥皮批🥬 $68 呢道菠菜酥皮批可以算係開胃菜，口感酥脆得來內餡香濃，值得一試！ ✿ 焦糖香蕉榛子朱古力法式班戟🍌🍫🍫 $88 班戟🥞口感鬆軟，香蕉嘅面頭鋪滿烤香焦糖，非常搭配。另外入杏仁脆片&榛子朱古力碎，增加了層次感，唔錯。 ✿ Avocado Smoothie🥑🥑 $52 牛油果奶昔喺健康之選，原汁原味，整杯飲品都好香牛油果味，好清新。 ✿ Orange Blossom Mightyleaf🫖🫖 $42 主要成份喺茶葉和橙花，帶有淡淡嘅花香和果香，口感柔和，好適合餐後飲番杯解膩。 總結🫦 餐廳裝修有心思，好適合打卡，食物擺盤所有野都好靚，整體個感覺好relax，野食好食之餘仲可以約埋朋友黎影相，推薦🫶🏻🫶🏻 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Royal INN 地址: 尖沙咀彌敦道100號The ONE1樓L121號舖 電話:23218289 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 醉胡爐 ] 呢間火鍋店朋友介紹咗幾次話好食，今日經開，心血來潮走入去試試。 ✿ 胡椒豬肚花膠雞鍋 $328 湯底鮮美，加入豬肚、花膠等食材，湯底口感細嫩，豐富嘅胡椒同香料令湯汁更加清爽而不膩。另外雞肉令整個湯底鮮美提升🆙。雞肉本身8-9成熟，只需再焯一陣就可以食，雞肉好嫩滑，可先飲湯再打邊爐🍲。 ✿ 日式和風蕃茄沙律🥗 $58 蕃茄新鮮🍅🍅，味道清新爽口，酸酸甜甜，好適合作為開胃菜。 ✿ 手切頂級安格斯肥牛🐮🐮(小) $298 肉質細嫩，肥瘦均勻，叫個小份足夠2-3人食。 ✿ 餃子拼盤🥟🥟 $128 五寶餃有芫茜豬肉餃、黑松露香菇餃、鮮蝦雲吞餃、韭菜餃同水餃，5款都做得唔錯，全部大大隻，夠哂新鮮。 ✿ 丸類拼盤 $128 手打五寶丸有黑松露丸、梅菜豬肉丸、牛肉丸、蝦丸同墨魚丸，最特別喺梅菜豬肉丸，豬肉嘅鮮味同梅菜嘅鹹酸味互相融合，口感豐富，非常美味。 ✿ 蔬菜拼盤🥬🥬 (小) $63 呢個包羅萬有嘅蔬菜拼盤啱哂我地d選擇困難症嘅人，款式夠多，擺盤好靚。 總結🫦 食物質素好好，而且3-4人仲可以包廂，私隱度夠哂高。餐廳設計典雅，燈飾更仿如蒲公英，氣氛浪漫，整個環境不會太嘈吵，感覺好舒適👍🏻👍🏻。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 醉胡爐 地址: 尖沙咀柯士甸路20號保發商業大廈地舖 電話:26062106 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 4口 ] 今日去咗IFC搵嘢食，4口做緊季節限定嘅「蟶子」美食，非常吸引！ ✿ 福建金湯佛跳墻套餐 $268 主食 福建金湯佛跳墻配麵線🍜 足料佛跳墻，非常入味，麵線浸透香濃嘅湯，一淡湯一淡麵線，口感好豐富。 小菜 鹹香酥炸黃花魚🐠 黃花魚炸起嚟外皮香脆，但仍然保持內裡肉質鮮嫩，好細膩，不錯👍🏻。 飲品 桂圓檸檬烏龍茶🍹 甜度適中，好清涼解渴。 ✿ 套餐組合 Lunch set 高麗菜花肉燜飯$148 高麗菜花肉燜飯色澤金黃，米飯香氣四溢，食落好柔軟，豬肉鮮嫩，高麗菜🥬清爽爽口，飯好入味。 小食 香醋拌蝦苗 醋拌蝦苗爽脆可口，帶有微酸味道，係一道非常適合夏天食嘅開胃菜。 燉湯🍲 姬松茸竹笙排骨湯 燉湯一上枱仲熱辣辣，排骨湯湯色清澈，好香姬松茸味道，好養生🧏🏻‍♀️。 ✿ 鐵板鹽焗蟶子 $138 蟶子無任何沙粒同雜質，鐵板鹽焗蟶子嘅烹煮方式獨特，保留咗蟶子鮮美並且加入鹽及花椒，味道鮮美。 ✿ 黑松露蘆筍炒鮮貝 $138 黑松露香味濃郁，配埋蘆筍炒鮮貝，成碟餸變得好美味，蘆筍好爽口，鮮貝鮮嫩。 ✿ 綠豆餅 $38 入口好綿軟，味道清甜，唔錯嘅飯後甜品。 ✿ 番薯芝士丸🧆 $48 用番薯🍠&🧀芝士油炸至金黄色嘅丸子，食落不膩口，仲有好豐富嘅芝士味，鐘意芝士嘅一定要試😋😋。 總結🫦 潮派福建菜都幾特別，lunch set 好抵食，一個set 有齊主食、湯、小食，Lunch time無須加一，價錢實惠。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 4口
地址: 中環金融街8號國際金融中心商場2樓2012號舖
電話: 28815118
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ TWIST & BUCKLE, Churros Specialists ] Twist & Buckle係香港首間西班牙🇪🇸油條(Churros）專門店，上年獲得米芝蓮香港街頭小食推介，今年更新入選米芝蓮推介。繼尖沙咀店後最近係北角開新分店。 傳統Churros係條狀，而呢度嘅Churros係環形⭕️，有手掌咁大！👋 原味Churros係配肉桂砂糖賣$28，而客人可自選醬料或者新地杯。 升級糖衣Churros ⬆️ ✿ Hazel Lah🌰 $38 ✿ Pistachio Crunch $38 「Hazel Lah」係榛子醬配香烤榛子碎；而「Pistachio Crunch」係開心果脆脆。兩款都沾滿糖衣，令到炸至外脆內鬆嘅Churros更加脆口😋。 Churro新地杯🍨 ✿ Movie Night 2.0 $68 牛奶雪糕🍦表面配上M&M朱古力&爆谷🍿配黑朱古力醬🍫，再加外脆內鬆嘅Churros，非常豐富😍。 總結🫦 Churros炸至外脆內鬆，選擇眾多，適合唔同口味嘅人，好味又適合打卡。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ TWIST & BUCKLE, Churros Specialists 地址：北角電氣道180號百家利中心地舖 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿