️[ Uptop Bistro and Bar ] 位於尖沙咀珀薈酒店頂層嘅餐廳，經常推出不同打卡主題下午茶📸🫖。最近見新推出 「童話森林」主題下午茶，約埋閨蜜去食嘢打卡順便慶祝生日。 ✿ 「童話森林」主題下午茶🏡 星期一至五 $408/兩位 星期六、日及公眾假期 $448/兩位 （經Openrice訂座平日5折、星期六日85折優惠） 供應日期：即日起至2024年7月7日（下午3點至5點，最後落單時間4點） 下午茶以「童話森林」為主題，場景有森林小屋🏡等元素營造童話氛圍，有5款甜點及5款鹹點，擺設精美。食物更以蘑菇🍄、花朵🌷等植物造型呈現，可愛有創意，仲好適合打卡。 甜點5款 士多啤梨提拉米蘇 抹茶意大利奶凍 蝴蝶酥 朱古力芝士蛋糕 英式鬆餅配藍莓忌廉醬 鹹點5款 泰式檳寧香烤雞鎚 魷魚蝦枝條 脆旋風薯棒 煙三文魚慕絲脆撻 煙燻帶子伴車厘茄 下午茶每位包咖啡或茶☕️，或者每杯+$32升級特飲。另外同行朋友生日🎂，加$20就有個生日蛋糕甜品連寫字✍️，慶祝一流。 總結🫦 餐廳有室內及天台位置，環境寬敞，能夠眺望維港景色，適合女生同閨蜜們聚會食下午茶打卡。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Uptop Bistro and Bar
地址：尖沙咀漆咸道南117號珀薈酒店19樓
電話：2117 3526
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ The Platter ] 近排見到好多酒店做緊自助餐優惠，葵涌呢間酒店「松露 • 和牛 • 海鮮半自助晚餐」半自助晚餐每位$248起，網上預訂仲有75折優惠。 半自助晚餐星期一至五晚上6時至9時供應，自選一道主菜，另外自助區任攞沙律、凍海鮮、熟食、飲品、生果、甜品等。 主菜 ✿ 岩鹽烤日本岩手縣A5頂級和牛肉眼扒配乾葱汁 $398 🇯🇵🐮🥩 原塊A5和牛肉眼扒都幾大塊，廚師簡單以岩鹽烤製保留和牛原始風味，雪花狀脂肪均勻分佈，肉質細膩柔嫩。 ✿ 烤草飼羊架配迷迭香濃汁 $298 🐑🍖 4大支羊架骨烤得剛好，肉質鮮嫩多汁，迷迭香濃汁嘅香氣與羊肉相互融合，唔會好重羊羶味。 自助區 🦐🥗🧀🥣🍹🍉🍰 當晚凍海鮮有翡翠螺、蝦、青口及海蜆。翡翠螺每隻都飽滿肥美，肉質彈牙有口感。另外有數款沙律、意式火腿、芝士、中湯/西湯、熟食、飲品、生果及甜品。 總結🫦 半自助晚餐只係平日晚上供應，餐廳星期六、日及公眾假期做緊「鮑魚•龍蝦•’蠔'華尋鮮」自助晚餐，款式種類會比較多。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ The Platter
地址：葵涌青山公路 - 葵涌段443號悦品酒店‧荃灣LG樓
電話：3891 1928
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ ASOK THAI GARDEN ] 之前喺尖沙咀食過呢間泰式🇹🇭西式Fusion菜餐廳，朋友講先知原來荃灣開咗分店，裝潢同樣走東南亞度假風格🏝，門口有石子路、藤椅等設計。 咖喱🥘 ✿ 蛋炒咖喱軟殼蟹配白飯 $198 🦀 軟殼蟹大大隻，炸得酥脆，另外有蟹肉及雞蛋加入黃咖喱，咖喱微辣，撈白飯🍚食一流，或者可以+$18轉印度薄餅🍕，味道更香口。 飯、麵及意粉 ✿ 露筍豬頸肉炒河 $128 🐷🍜 豬頸肉份量都幾多，每條都好長好厚切，肉質嫩滑。河粉偏粗身，口感煙靭似涼皮，而且夠掛汁，吸收醬汁風味幾惹味。 蔬菜 ✿ 馬拉盞炒通菜 $88 🌱 去泰式餐廳必點嘅菜色。通菜爽脆，以馬拉盞調味，可選擇辣度，適合唔同口味嘅人。 飲品 ✿ 凍泰式奶茶 $42 🇹🇭🧋 泰式樽仔奶茶，有原味及綠奶茶兩款口味。原味加入淡奶、煉奶及砂糖，味道濃郁，食完辣野爽口冰涼。 甜品 ✿ 芒果糯米飯甜筒 $68 🥭🍚🍦 傳統芒果糯米飯好常見，呢度嘅芒果糯米飯加上椰子雪糕及雪糕筒，口感既軟又煙靭。 總結🫦 餐廳食物多元化，泰式風味之餘加入西式元素。裝潢係東南亞度假風格，係聚餐、打卡輕鬆一下嘅好選擇。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ ASOK THAI GARDEN
地址：荃灣楊屋道1號荃新天地UG樓UG37號舖
電話：2668 1007
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 希鳥Kicho ] 中環呢間日本🇯🇵過江龍餐廳係東京有3間分店，晚市Omakase廚師發辦套餐以明爐炭火🪵🔥製作日本黑薩摩地雞🐔不同部位嘅串燒🍡。 ✿ 17-Course Tori Kappo Dinner Menu $1250/位 整個Omakase套餐有17道料理，有是日前菜、湯品、串燒(燒鳥、燒物、燒野菜)、主食及是日甜品。 是日前菜 有酒釀蝦肉及用雞內臟製作嘅前菜。 湯品🥣 清雞湯配上雞肉丸子，雞肉口感嫩滑。 燒鳥串燒🐔🍡🔥 共9款廚師發辦串燒，用上日本黑薩摩地雞嘅不同部位：雞肩肉、雞胸、雞心、雞頸、雞腿、雞翼等。 （1）炭燒雞肩肉 配山椒粉 雞胸肉和雞翼之間嘅部位，配日本山椒粉調味，雞肉有炭香及帶點辛辣。 （2）炭燒雞胸 配三文魚籽 雞胸燒至半熟，以脆脆紫菜裹住，加埋三文魚籽及日式芥末，味道及口感有層次。 （3）炭燒雞心 雞心肉質爽脆，配薑蔥增添風味。 （4）炭燒雞胸肉 配醋啫喱 雞胸燒至半熟，配烏魚子及醋啫喱，肉質嫩滑，味道微酸鹹香有層次。 （5）炭燒雞頸 雞頸肉質緊實有嚼勁。 （6）炭燒免治雞肉棒 配日本蛋 免治雞肉有軟骨口感爽脆，蘸上日本蛋味道更香甜。 （7）炭燒雞腿肉 配山椒醬 雞腿肉質彈牙嫩滑，配山椒醬更惹味。 （8）炭燒雞翼 雞皮燒得焦香脆口，雞翼已去骨食得方便。 （9）炭燒雞皮包雞心 焦香雞皮裹住雞心，口感爽脆油脂香濃。 燒物串燒🐮🍡🔥 （1）時令款式 炭燒鰆魚，魚油豐富魚肉肥美。 （2）和牛西冷🥩 簡單以海鹽調味，肉味濃郁多肉汁。 日式小碟 食完和牛西冷串燒後，會有一小碟桃及梅味沙冰，清一清口腔口感清新😋。 野菜串燒🥒🍡🔥 廚師先將椰菜仔炭燒，再灑上芝士及黑胡椒粉調味。 主食🍜🍙 有雞湯拉麵、免治雞肉飯或燒飯團茶漬飯。雞湯拉麵係幼身拉麵配雞湯及雞絲，麵條掛湯都幾清甜。 是日甜品🍮 有抹茶雞蛋布甸及水果糯米糍，好有日式風味😋。 總結🫦 Omakase套餐能夠食到唔同部位及調味配搭嘅日本黑薩摩地雞串燒，加埋用香港少有嘅明爐炭火製作串燒，雞肉有炭火香又鎖緊肉汁👍。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 希鳥Kicho
地址：中環皇后大道中48號萬年大廈1樓2B號舖
電話：2633 8933
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ N.28 Teppanyaki ] 尖沙咀K11 Art Mall附近呢間日式🇯🇵餐廳主打西日style席前鐵板燒料理，午市鐵板燒有商務套餐或精選套餐近十種選擇。 ✿ 午市商務鐵板套餐 $380/位 套餐有前菜、沙律、鐵板南非鮑魚、鐵板大蝦、鐵板美國安格斯牛柳、鐵板炒飯、季節湯物及甜品，午餐嚟講都幾豐富。 前菜 有牛蒡、蘿蔔等日式漬物。 沙律🥗 黑醋汁蘆薈沙律，食完好開胃。 鐵板南非鮑魚配乾貝汁🔥🇿🇦 餐廳有魚缸養住鮑魚、龍蝦、生蠔等海鮮，鮑魚放上鐵板時仲識郁，非常新鮮，而且都幾大隻。師傅將鮑魚去殼後切片，以鮑魚肝醬、西班牙胡椒絲等配味，鮑魚爽口彈牙，味道鮮美。 鐵板大蝦配雞尾酒醬🔥🦐 師傅將大隻虎蝦煎熟後去殼，啖啖蝦肉蝦味濃郁，配微酸帶辣嘅醬汁，肉質結實。 鐵板美國安格斯牛柳🔥🇺🇸🐮🥩 師傅將牛柳肉切粒煮至食客要求嘅生熟度，牛柳粒原汁原味多肉汁，肉味香濃，另有麵豉醬、蒜香鹽、昆布鹽或獨子蒜調味。 鐵板炒飯🔥🍚 炒飯粒粒分明，炒得好香口。而且加咗牛肉粒，口感焦香，肉味濃厚。 季節湯物🥣 加入昆布及豆腐嘅鰹魚湯，熱辣辣魚味好出。 甜品🍨 是日款式係綠茶雪糕，綠茶及奶味濃郁。 午市精選套餐 ✿ 香煎鐵板南非鮑魚拼北海道帶子 $228 同行朋友點選咗呢款套餐，價錢實惠。套餐同樣有沙律、季節湯物及甜品，另外跟一碗白飯(轉鐵板炒飯+$20)。 日本🇯🇵帆立貝肉質鮮嫩，口感結實，配羊肚菌及鮟鱇魚肝醬，再自行加少少紫蘇花🪷調味，味道層次昇華。 總結🫦 午市鐵板燒套餐價錢親民，而且可以坐席前位置觀賞👀廚師廚藝。廚師烹煮美國安格斯牛柳時更加入白蘭地，做出火焰🔥效果好有打卡感。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ N.28 Teppanyaki
地址：尖沙咀棉登徑28號錦榮商業大廈地舖
電話：2388 8990
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 更紗制菓 ] 中環新開咗呢間日式🇯🇵甜品店，俾櫥窗吸引住，有飯糰蛋糕、天使蛋糕等和洋甜點，種類繁多😻。 ✿ 皇室紅茶北海道生乳蛋糕捲 $16/件 蛋糕捲有得選擇買條裝或件裝。呢款有紅茶及牛乳奶味，忌廉幼滑，蛋糕濕潤。 ✿ 宇治金時甜品杯 $25 ✿ 三重朱古力甜品杯 $25 甜品杯以不同層狀呈現，可以一啖享受雙重口味，好特別👍🏻👍🏻。 ✿ 京都焙茶飯糰蛋糕 $29 ✿ 焦糖香蕉飯糰蛋糕 $29 ✿ 宇治金時飯糯蛋糕 $29 蛋糕外型模仿御飯糰🍙，好有創意。外層用上法式薄餅皮，裡面係唔同口味蛋糕，中間有忌廉等配料，底部係黑朱古力脆脆，好有層次感。而且獨立包裝，方便打開，唔使用刀叉都輕鬆食到，買嚟自己食或者做散水餅都係唔錯選擇👍。 ✿ 京都焙茶抹茶忌廉蛋糕 $39/件 焙茶配上抹茶，甜度適中，但茶味可以更濃郁🍵🍵。 總結🫦 和洋甜點種類多，賣相精緻，飯糰蛋糕好特別😗😗。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 更紗制菓 地址：中環德輔道中68號萬宜大廈地下G02號舖
電話：2699 9063 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Pane e Latte ] 最近去赤柱一日遊，其中一站去咗呢間café食下午茶。Café店內提供自家烘焙麵包、蛋糕甜點、意大利薄餅等，外圍係彩色小屋🏠造型，店內裝潢呈粉色系歐陸風格🎀，相當之打卡😍。 ✿ Afternoon Tea $198/位 呢款意式🇮🇹下午茶要提早預約先食到，係平日星期一至五，下午3點至5點供應，分別有4款意式🇮🇹鹹點及4款甜點，放係紙製三層架內，可以打包拎走，或者餐廳裡面享用都得😉👍。 意式🇮🇹鹹點係大蝦配辣茄汁、番茄芝士羅勒薄餅、巴馬火腿薄餅及芝士火腿多士；甜點係檸檬撻、巧克力撻、蔓越莓乾曲奇及榛子朱古力千層酥。 最後每人可選擇一款咖啡☕️或茶🍵。 總結🫦 下午茶套餐嚟講價錢親民，店內樓底高，採光十足，加上粉色系裝潢好適合女生們去打卡😍。呢款下午茶得平日先有，記得提早預約呀！ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Pane e Latte
地址：赤柱赤柱市場道25號啟厚閣地舖
電話：2337 7221 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ The Tiffany Blue Box Cafe ] 著名首飾名牌Tiffany & Co.係尖沙咀有呢間Cafe，全店佈滿Tiffany Blue湖水藍色為主調嘅裝飾及餐具，約埋姊妹去打卡先😍！ ✿ TIFFANY下午茶 $688 (兩位) 供應時段：每天下午2時至6時30分 以經典英式三層層架分別擺放甜點、鹹點及包點，賣相精緻😍。 第1層：甜點 （1）迷你BLUE BOX 🗳 外型係Tiffany Blue禮物盒造型，內有焙茶慕絲、濃縮咖啡啫喱及朱古力果仁脆片，味道豐富。 （2）迷你蒙布朗芭菲 🌰 頂層係濃郁嘅栗子蓉、糖漬栗子及杏仁脆片，下層配咖啡啫喱，有層次感。 （3）車厘子雲呢拿蛋糕 🍒 車厘子造型可愛，以車厘子慕絲伴雲呢拿流心，風味獨特。 （4）烏巢朱古力蛋 🪹🍫 香脆鳥巢配焦糖朱古力，好有像真度。 第2層：鹹點 （1）椒麻鮑魚撻 一口鮑魚配以鮑汁杏鮑菇及幼滑忌廉，味道麻香👅。 （2）魚子醬香蔥吞拿魚他他最中餅 魚子醬、吞拿魚蓉、香蔥等食材放係最中餅上面，口感薄脆味道鹹香。 （3）龍蝦三文魚籽沙律 金色小盒子🎁內放入鮮甜龍蝦和鹹香三文魚籽，味道互相融合。 （4）番茄芝士爆谷 🍿 結合番茄及濃郁芝士嘅爆谷，口感鬆脆，帶有咸香番茄味🍅。 第3層：包點 🍞 香蒜鹽之花鬆餅口感鬆脆，有陣陣蒜香味，可配奶油忌廉、番茄果醬及蜜糖珍珠三款醬料；傳統法式杏仁蛋糕質地綿密，充滿杏仁香。 飲品 ☕️🍵 可選指定咖啡或茶。 總結🫦 Cafe湖水藍色環境及餐具吸引，英式三層架下午茶茶點賣相精緻，係女生與閨蜜聚會嘅好選擇😋。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ The Tiffany Blue Box Cafe 地址：尖沙咀北京道1號大堂207-208號舖 電話：2362 9828 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 90s Lazy ] 最近有個住荃灣嘅朋友話千色匯開咗間新cafe想去試吓。cafe走復古風和洋食路線，主打意粉、意大利飯、Burger、Pizza、小食、甜品等。 小食 ✿ 啤酒薯條配黑松露醬 $58 🍺🍟 薯條粗幼度適中，炸得金黃酥脆，有輕微啤酒味，搭配黑松露醬增添香氣。 ✿ 水牛城雞翼 $62 🐃🐥 4隻雞翼煮至酥脆，再搭配水牛城雞翼醬，帶有甜酸辣味及少少煙燻味。 晚市套餐 ✿ 冬蔭功大蝦意粉 $128 🇹🇭🍤🍝 泰式風味意粉，醬汁酸酸辣辣幾惹味。兩隻大蝦同意粉一樣煮得剛好彈牙，意粉吸收醬汁精華。 套餐可以+$4配指定熱飲，或者半價配特色飲品。熱抹茶鮮奶咖啡🍵拉花好靚，口感順滑唔會過苦或太甜，抹茶味香濃，與咖啡香味融合☕️。 另外套餐可以+$20配沙律🥗，+$50配法式鵝肝。鵝肝都幾大塊，煎得甘香，油脂感滿滿☺️。 總結🫦 Cafe食物同埋飲品款式種類都幾多，好啱收工或者放假同朋友去chill下，而且環境裝修得非常日系，坐得舒適又打卡🤎。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 90s Lazy
地址：荃灣眾安街68號千色匯3樓3012號舖
電話：9423 4764 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 京滬佳餚 ] 最近係網上留意到觀塘呢間中菜廳星期一至五晚市時段做緊堂食優惠，一大份「金湯藤椒酸菜魚」只係$7😳，相當抵食。 ✿ 金湯藤椒酸菜魚 $7（原價：$238） 🐟 雖然只係$7但都一大盆好足料，有魚肉、酸菜、藤椒、芽菜、芋絲等。魚肉夠嫩滑，金湯濃郁，搭配藤椒和酸菜帶有麻酸辣口感。 ✿ 京滬香酥烤鴨(半例) $268 🔥🦆 烤鴨表皮酥脆，內裡多肉汁。6款配料有蔥、黃瓜、醬料等，配搭鴨餅食層次豐富。 ✿ 香麻龍蝦豆腐花 $598 🦞 菜式將龍蝦結合川式麻婆豆腐。原隻龍蝦起肉後放係豆腐上，龍蝦肉幼嫩鮮甜，與豆腐花綿密質地非常夾。 ✿ 招牌小籠包(4隻) $52 小籠包外皮薄而有彈性，內裡肉餡多汁。 總結🫦 餐廳菜單款式豐富，有多款經典中菜及海鮮類菜式，而且菜式精緻，環境坐得舒適。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 京滬佳餚 地址：觀塘駿業街44號銀八2樓
電話：2772 7267
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿