今晚約左個鍾意食惹味同辣野既朋友仔一齊食川菜🔥🔥 原來銅鑼灣有間咁正宗既川菜 入到裝修同擺設都幾有特色 行少少懷舊風～ 食川菜當然要叫水煮系列啦！叫左個水煮魚 超大盤 初頭都擔心冇得揀辣度會唔會太辣 點知食落超正!好香好惹味 辣度唔會太勁 但又食到好香濃既花椒8角味 愈食愈想食🤤🤤🤤魚片超級滑 推介👍🏻👍🏻👍🏻 另外叫左份口水雞 都係川菜佼佼者 估唔到小食都咁有份量 同朋友食極都覺得食唔晒 一人食左6、7件雞都有 仲有好多青瓜伴碟 好爽脆👍🏻👍🏻👍🏻 最後叫埋炸饅頭 炸到超鬆脆 配埋練奶 甜甜地無得彈呀 記得趁熱食個饅頭 擺耐左會冇咁好味😄😄😄 見到隔離枱叫左脆皮豬手 同 烤魚都好吸引 搵日要再黎試下🤩🤩

原來北角匯有法國菜食！仲要係法國總店榮獲多年米芝蓮既餐廳！ 法國菜加海景👍🏻👍🏻👍🏻餐廳設計簡潔舒適 加上成餐飯感受到廚師既用心製作 實在值得再黎！ 餐包 配自家製銀雪魚他他醬 醬都自家製 超有誠意 麵包外脆內軟 配埋有香濃魚味既他他醬 好快就ko晒成碟包 法式鵝肝焦糖燉蛋 配田園沙律 好有特色 焦糖味更突出鵝肝醬既味道 鹹甜鹹甜 配脆既多士 十分夾🤩 法式白酒煮青口 青口煮得好嫩好滑👍🏻👍🏻值得一讚 主菜叫左肉眼扒同埋 油封鴨脾 牛扒超級好味 煎到外脆有少少焦香味 內裡仲有好多肉汁 👍🏻👍🏻👍🏻 油封鴨脾 皮好脆 肉超軟熟 好易切開 一齊share好方便 最後 有埋餐飲 用檸檬茶作結 滿足😁

lunch做左食肉獸 同朋友去食燒肉 叫左2個set 超級豐富🤩🤩 1. 燒肉自選組合(七盛盒) 一個餐有齊豬、牛、雞 絕對可以滿足選擇困難既朋友 🐂 和牛牛肩肉、薄切牛舌、澳沖和牛胸腹 🐖 全天然豚五花薄切、全天然豚五花厚切、黑毛豬頸肉 🐓 醬油鳥肶肉 2. 牛魔燒肉盛盒 (全牛) 🐂🐂🐂A4和牛霜降、澳洲和牛西冷、澳洲和牛胸腹、澳洲和牛五花、和牛牛肩肉同厚切牛舌 👍🏻除左和牛質素不得了 連豬同雞都好好食😋 👍🏻用左好多雞脾菇黎伴碟 仲有提供生菜 食較多油脂既肉時 可以包肉黎食 即刻清爽好多 👍🏻叫餐加溫泉蛋都係10蚊 拌飯食又香又滑 燒肉tips 😄爐仔細細但肉勁快就熟 建議先用最大火熱左個爐 再轉中火先燒牛 咁就燒得岩岩好 😄厚燒牛舌 一定要燒到個面有少少焦焦脆脆先好食 食落超彈牙同爽 😄塊和牛五花 唔係講笑 油脂超豐富 除左包菜 建議大家最後先食 兩個人食完呢餐超飽～真係到夜晚都唔洗食！

藏於大埔林村既世外桃園 一秒置身泰國 環境勁chill嘆西餐 呢度環境好靚 又寧靜 仲可以book獨立屋仔 岩晒一家大細或情侶黎 今次2個人黎 叫左4樣野～ 周打魚酥皮湯🥣 呢度個湯好有誠意 超推 個酥皮新鮮焗起好熱漲卜卜又脆卜卜 超級好味！湯好creamy又足料 份量好大 2個人share都好夠👍🏻👍🏻👍🏻 龍蝦汁蟹膏醬配法包🦞 龍蝦蟹膏汁好濃郁 配埋個焗到好脆既法包 prefect match😋😋冇諗過有咁多舊法包 一人食3件 好滿足😌 美國安格斯肉眼扒🥩 叫左5成熟 生熟度控制得岩岩好 值得讚👍🏻👍🏻 一切睇到裡面煎到好靚仔 食落肉軟牛味濃 唔配汁食都好香 芝士焗大蝦配香草蕃茄意粉🍝 呢碟賣相好靚 細心地隻蝦開左邊 好方便食 蕃茄意粉個汁收得好好 好掛汁 意粉既熟度都係偏彈 我貪心d撈埋配法包個龍蝦汁 真係停唔到口🤭🤭🤭

星期六黎到好多人既登龍街😁周圍都好嘈好逼 今次同朋友試下d樓上鋪既餐廳 嘩 估唔到係咁嘈既銅鑼灣 搭一程𨋢就好似去左第2個世界 2個人可以靜靜地傾下計👏🏻👏🏻👏🏻 叫左2個lunch set 🐟香煎盲鰽魚柳配鮮蝦 魚煎得好香脆 食落魚肉仲好滑 鍾意食冇骨魚既朋友好岩食呢個👍🏻👍🏻👍🏻隻蝦超彈牙 仲有d甜 薯蓉份量多 又香又滑😁😁 🐮香煎澳洲肉眼扒 叫左5成熟 舊牛賣相幾靚 好有濃濃既牛香味 不過就比較有咬口 個餐包左餐湯同一杯野飲 唔洗200蚊一個餐都好合理 仲要環境唔錯👍🏻可以係放假時同朋友好好chill下 放鬆下🥳🥳

路過見到都多人幫襯 門面又幾靚 就入去試下 發現食物性價比都幾高 同朋友2個人食 叫左2個主食 2個小食 2杯野飲 一人先百幾蚊👍🏻👍🏻 主食叫左花雕雞卷配手工麵同半筋半肉麻辣拌麵 我鍾意拌麵多d 好惹味 但台灣野黎講佢算好辣 我就愈食愈過癮 牛筋又軟又入味👍🏻👍🏻花雕雞麵都好食 只係冇拌麵咁刺激 2碗份量都好大 我同朋友share食極都食唔晒🤣🤣🤣 小食方面 好似我咁咩都想試既人黎到會好開心 佢有個9宮格小食拼盤 一次過滿足晒多個慾望 淨係見到咁豐富都好滿足💕💕推薦炸魚 地瓜條 豬大腸 醉雞 同 鴨血 我地仲叫左個淡水滷肉刈包 好食 滷肉好香好夠味 同個包好夾 👍🏻👍🏻

裝修好靚 一入去一邊有個大酒櫃 另一邊係書櫃同梳化 好有格調同復古感 岩晒一班女仔gathering 又可以傾計 又可以食好野 仲可以影埋相👍🏻👍🏻👍🏻 唔單止環境靚 野食野飲都好正🥳 美國極光安格斯牛肉眼 我地叫左5成熟 黎到雖然似全熟 但不得不讚肉質仲係好軟熟 牛味好重 配菜都要一讚 原個蒜整得好好食 唔會得生 好香又唔刺激 👍🏻👍🏻 酥炸魷魚圈 炸到好脆 又唔油 魷魚唔會好韌 用黎送酒一流 一路傾計一路食 好快就食晒咁大碟 我想飲酒 叫左Santa Monica 熱情果加菠蘿 酸酸甜甜 好味👍🏻👍🏻 朋友叫左杯冇酒精既飲品 橙汁加熱情果都話好飲 鍾意飲下野 傾下計既朋友可以黎呢度 環境好舒服 野食又好味👍🏻👍🏻

好多女仔都鍾意食米線🍜🍜🍜 成日食酸辣 麻辣湯底都幾熱氣 見到呢間少有食雞湯底既米線就去試下 叫左2款招牌米線 花膠雞湯米線 同 椰子雞湯米線😄 佢係用打邊爐式上枱 一路食一路滾住 真係食到尾都仲熱辣辣 好正 花膠雞湯米線🍜 真材實料 成大舊花膠係面 仲要搭埋隻雞脾好正😍花膠食落厚實 有咬口 雞脾好滑 加埋個湯好甜 好好食😋 椰子雞湯米線🍜 我本身好鍾意飲椰子雞湯 但好少餐廳有 呢個米線滿足到我 湯煲到奶白色 飲落好香椰子味 好濃厚 仲配搭左d藥材 紅棗杞子等等 食落好似好養生😍

地點超方便 係時代裡既新加坡菜 入到去環境裝修都好靚 好舒服😌 一睇menu好多野揀 心大心細咩都想試 食新加坡菜一定要食喇沙/海南雞飯/肉骨茶 今次想食湯麵就揀左喇沙 我鍾意食摻摻 有兩款麵夾埋食 每一啖都食到唔同口感 湯底係比一般喇沙冇咁辣 應該按香港人口味調過 如果覺得唔夠辣可以加埋隨麵附上既辣醬 就更惹味😄😄😄d餸好食 蝦好鮮甜 魚蛋又彈又有魚味👍🏻👍🏻👍🏻 因為太多野揀 忍唔住叫多左個小食 鹹蛋黃雞翼 超多醬 鍾意重口味同鹹蛋黃既人一定要叫 建議上枱等個汁收乾少少之後先食 表面會更香脆😍😍 食咁多濃味野 緊係叫多杯 海鹽雪糕椰汁形多冰 海鹽雪糕鹹鹹甜甜幾得意之餘 雪糕既甜味吊起左杯椰汁冰既味道👍🏻👍🏻👍🏻

原來夜晚呢邊都幾靜 一到就有位 完全唔洗等 食台灣野緊係要叫魯肉飯同牛肉麵啦！ 同朋友開心share 魯肉飯 肉係偏肥 但撈埋飯食好正 D飯包滿油香 肉香 好豐富既味道 牛肉麵 湯底係有藥材味嫁👍🏻👍🏻 D牛好淋好香 但d麵質好得意有d似稻庭烏冬 第一次食牛肉麵係呢種麵質🤩🤩 超推呢度既小食 份量好多 仲要好好食 鹽酥雞 超大碟 2個人share 食極都仲有 似台灣夜市既鹽酥雞🥳 炸地瓜條 好香甜 係將地瓜打成溶再拎去炸😍 吉列蠔 好多地方都有 但呢度炸得特別酥脆😋