襯住仲有得晚市堂食個陣，就同屋企人book咗時間去神燈食
諗住之後都多係屋企食住家飯，今日就食豪啲，嗌多啲餸
不過食完頭2個先記得影相 .
首先講一講個前菜
舟山海蜇頭
彈牙得來夠爽
酸酸地好開胃
.
叫左媽媽最愛嘅金磚豆腐粒
豆腐外脆內軟
熱辣辣
豆腐味好食
.
鮮鳳梨咕嚕肉
味道酸酸甜甜
咕嚕肉咬落去皮脆
good .
小炒王食得多
一場黎到
緊係要試試佢
有我最愛嘅四季豆
但最最唔同一定係竟然有油炸鬼！
林林總總好多配菜
炒得夠乾身 好食
.
本身想試個星洲麥皮蟹腳
點知係食蟹個套餐先有 冇得散叫
只好轉叫星洲麥皮蝦
點知都好好味
上枱已經有浸好香嘅麥皮味
咬落口完全好鬆脆
入邊嘅蝦肉好鮮甜 .
薑蔥鮑魚煲
打開煲蓋滋滋聲
有四隻鮑魚 仲有很多薑蔥夠入味
鮑魚嫩滑又彈牙 易入口 唔似要咬香口膠咁 .
呢間絕對可以encore，下次再黎食長腳蟹，聽聞係呢到嘅招牌。
不過少貴，要襯大時大節、屋企人/朋友生日搵定個藉口先黎啦

近排越黎越多餐廳暫停營業，好耐冇去中意嘅餐廳食飯啦！ 唯有睇下之前食嘢嘅相，望梅止渴喇........

呢間佐敦嘅神燈海鮮酒家，主打經典粵式點心同粵菜，之前大時大節都會去食架，雖然價錢少少貴喇，但食物質素真係冇得頂，我願意俾呢個價！

神燈小炒王
呢個好似係經典菜式，見到好多枱都有order。印象最深刻就係加左油炸鬼落去炒，油炸鬼好脆好香口，又吸嗮其他料啲味，好香好惹味，同埋好想送啤酒食！

叉燒
神燈嘅燒味好抵讚，午市點心嘅乳鴿已經好出色，次次黎食點心放題都同屋企人人手兩隻。估唔到叉燒都咁有水準。好似仲有個牛肉版嘅叉燒，等開業要去試試。首先叉燒汁甜度適中，隱約嘅炭燒味好正，肉質嫩得黎有咬口，肥瘦均勻，好似唔知係用啲咩好啲嘅豬肉整。

菠蘿咕嚕肉
雖然咕嚕肉周圍有，但好多地方都整到好伏。唔係好多肥豬肉，就係炸到好硬，炸粉包到好厚。我對咕嚕肉要求都偏高，神燈嘅咕嚕肉我覺得都有中上水准。醬汁酸甜適中，keep到香脆嘅口感，重點係舊豬肉肥瘦適中，彈牙有肉汁。

麥皮蝦
呢個好似係神燈必食嘅菜式，一上枱已經聞到浸好香嘅麥皮味，係麥香加少少奶香嘅感覺。咬落口完全好鬆脆，入邊嘅蝦肉好鮮甜，落單姐姐真係冇介紹錯。

平時連年三十同八號風球都開嘅餐廳都暫停營業，呢個疫情真係搞死人........希望快啲過，大家都可以食到中意食嘅餐廳喇。