大埔超級城終於又開新餐廳喇😂不過都係啲連鎖餐廳🙈🙈 （10分為滿分：🌕） 味道：🌕🌕🌕🌕🌕🌕🌕🌗🌑🌑 極上天丼 ($98) 呢個天丼特色係廣島蠔，洋蔥蜆餅同明太子大葉，廣東蠔外脆內軟好好味，洋蔥蜆餅好少食到有新鮮感，煙煙韌韌咁，不過明太子大葉就唔太岩口味😂😂😂😂 巨星天丼($89) 呢個入面最特別係有青森帆立貝，魷魚同虎蝦，所以如果鍾意食海鮮既呢個就岩曬🤩帆立貝同魷魚唔會話好細舊，然後又有野菜balance番好似感覺健康啲🤣🤣 華味鳥盛合($103) 呢個其實有少少失望，其實就係野菜，一隻天婦羅炸蝦加2舊天婦羅炸雞，但價錢仲貴過上面個2個天丼，雞肉都算嫩滑，但個雞寶就唔係好食得慣😂如果唔係因為要隻炸蝦，應該會叫番野菜盛合算😂😂 蕎麥麵-冷($36) 蕎麥面算係唔錯，麵既軟硬到煮得剛剛好，然後夏天熱辣辣食個涼爽既蕎麥麵好消暑既感覺😛😛怕食凍既另外都仲可以揀熱湯😆 價錢：🌕🌕🌕🌕🌕🌕🌕🌑🌑🌑 極上天丼同巨星天丼比我想像中平，唔過$100，但反而冇咩特別材料都既華味鳥盛合仲貴，外加一個凍蕎麥麵仲要加成30幾蚊🫣🫣咁我會覺得叫天丼抵啲，有蠔/帆立貝等等既天婦羅😛 交通：🌕🌕🌕🌕🌕🌕🌕🌕🌑🌑 位於大埔超級城C區停車場旁邊，以前係泰國船麵，不過呢個鋪位係永遠都做唔長，唔知係咪風水問題😂😂睇下呢間天婦羅可以捱到幾耐，泊車建議大家可泊C區停車場可免費一小時，如果要泊車優惠就要去泊多層停車場喇，不過要預左要轉好多個圈😛 環境：🌕🌕🌕🌕🌕🌕🌕🌖🌑🌑 因為新裝修好所以麵好乾淨光猛，餐桌數量都算多，2人有機會要坐向出面既bar枱，4人既話記得唔好坐近門口個樣，會比人望住曬食得好尷尬😂😂 性價比：🌕🌕🌕🌕🌕🌕🌕🌑🌑🌑 味道黎講不過不失，價錢就中上唔算係貴亦唔算好平，不過因為新開張冇耐，暫時都比較多人排隊，佢聲稱即叫即整，落左單都要等15分鐘左右，然後話限時食45分鐘，雖然店員冇趕人走，但如果真係想慢慢食既人就要注意喇😛

❌🙅🏻‍♀️👎🏻中伏👎🏻🙅🏻‍♀️❌
而家成日都會唔夠膽去試啲新cafe，因為好怕中伏，而今次又係中伏既一次🫠🫠

（10分為滿分：🌕）
味道：🌕🌕🌕🌕🌗🌑🌑🌑🌑🌑

Dutch Pancake($90)
睇openrice既時候啲人影啲Dutch pancake都影得好靚咁，而個日又想食啲似甜品既主食，就叫左呢款everyday Dutch pancake，佢應該就係每日都品同款式，而我個日去食就係普通berries，見有啲人係食個啲有mochi既🤔🤔🤔呢個佢都講到明要整20-25分鐘，所以都等左一陣先有得食🫣

上枱既時候係熱辣辣，但個店員既態度係好奇怪，係行埋黎隨手pat左係個煎Pan係枱面最角落頭既位置，連包住個煎Pan既手Bang既布都冇拎走，叫我地小心熱自己移去自己面食食😨😨我地掛住傾計比佢突如其來咁既做法都呆左一呆😂😂

然後成個pancake都好麵粉既味道，然後好漏好甜，啲藍莓同士多啤梨麵係好酸，我食左1/4已經想放棄唔食🫠

Smoked Salmon with Avocado with Brioche($110)
原本其實係想叫Smoked Salmon with Avocado既Croffle，點知店員話冇曬，咁就叫左呢個Brioche，上枱既時候都已經一啲都唔吸引，影相都唔係好想影😂味道就更加普通喇，就係自己煮都好食過佢整咁😂😂

Piccolo($40)
Flat White($45)
本身見佢有杯叫女士監獄orange is the new black幾得意咁想試下，點知又係話冇得叫😂😂😂呢間野係好似大部分野食都冇得叫咁🫠🫠🫠咖啡就中規中矩既，起碼夠大杯先，拉花都可以既，都唔會話放係到好快會起曬泡🤔

價錢：🌕🌕🌕🌕🌕🌑🌑🌑🌑🌑
咖啡價錢黎講係合理既，但野食既價錢偏貴，選擇又少，cafe黎講比較失色

交通：🌕🌕🌕🌕🌕🌕🌕🌑🌑🌑
其實點解又會黎土瓜環係因為本身想過海做啲野，但怕過到去好難泊車食野，就係九龍食完先過去，上次係土瓜環一泊就泊到咪錶就想試多次係咪咁好彩，點知今次又係一泊就泊到，仲要泊左係呢間out of office隔離，見個裝修都唔錯就衝左入去試，點知就出事喇😂😂😂😂

環境：🌕🌕🌕🌕🌕🌕🌕🌑🌑🌑
其實個裝修都幾特別既，工業風，有好多位置都係坐矮梳化/豆袋，好chill咁，都好多人會係個到坐下hea下，但整體都比較暗，坐得耐會有啲眼瞓😂😂唔知天氣差既時候啲燈係咪都係咁暗🫨🫨

服務：🌕🌕🌕🌕🌑🌑🌑🌑🌑🌑
服務真係有待改善，最經典就係上面講個位女店員隨手pat低個Dutch最搞笑😂😂另外，Menu上好多野食都冇得叫又係要改良🫣

性價比：🌕🌕🌕🌕🌗🌑🌑🌑🌑🌑
老實講，好少可我地會比到一間餐廳咁低分，因為食物質素唔算好，服務質素又冇，價錢又唔係平，所以諗唔到有咩可以加分比佢🤣🤣🤣🤣

Out of Office (土瓜灣)
土瓜灣美善同里8號美怡大廈地下1-3號舖

因為自駕遊入到黎梅窩喎知食咩好，亂咁行就入左呢間食泰國菜😁 （10分為滿分：🌕） 味道：🌕🌕🌕🌕🌕🌕🌗🌑🌑🌑 Pad Thai Noddles($88) 呢個等左差不多半個鐘先有得食，食左個菠蘿炒飯一半先上枱，因為已經食到飽飽地，所以其實都唔係好食得落呢個😂😂😂Pad Thai味道唔算話好平時食個種味道，我覺得爭咁少少酸味🤔不過都係超級大份，食極都仲有🫣 菠蘿炒飯Pineapple fried rice($118) 菠蘿炒飯都係食泰國野未叫既一款喇，咁岩我地同隔離枱都有叫，一上枱大家都捧住黎影相，因為佢成個size真係分分鐘大個你塊面😂😂😂我地畢左2-3碗以為下面係咪應該係啲菠蘿/其他野墊或，點知食極麵仲係有，加埋應該有6-7細碗😂😂呢個價錢黎講係好抵食，味道麵唔錯既既，夠多菠蘿粒🍍同埋最緊要係即叫即整夠新鮮😎👍🏻 Chicken Pandan($98/6件) 係用班蘭葉包住一舊雞塊烤，好熱辣辣咁上枱，雞亦都烤得好juicy好嫩滑，唔錯唔錯🤗 三色冰Tri Color Cooler ($35) 夏天塊戶外真係好熱，所以都都叫左杯凍野降下溫😎椰汁味重，同埋都好多個啲啫喱係低，中規中矩喇😁 芒果糯米飯Mango Sticky Rice($68) 呢個又係叫佢上枱之後等左15分鐘先有，偷睇到幾個後生店員係到慢慢整😂😂個糯米飯蒸得幾軟熟同好香椰汁味😁芒果🥭份量如果再多啲好啲，當日款芒果就唔算好甜，係比較有清香花香味個款🙃 價錢：🌕🌕🌕🌕🌕🌕🌕🌑🌑🌑 其實我都唔知係梅窩食野本身係貴唔貴，但會覺得啲野要特登運入去應該會貴啲😂😂咁呢間既價位同普遍市區餐廳唔會話差好多，但份量食得飽你😎😎 交通：🌕🌕🌕🌕🌕🌑🌑🌑🌑🌑 因為今次係入左大嶼山自駕遊，所以就塊左梅窩兜個圈遊覽下，因為冇特別搵想食咩，都係隨心行過就入左去食😂梅窩泊車好方便，我地泊左係對住個海邊既位置再周圍行，係寧靜既感覺呀🤗 環境：🌕🌕🌕🌕🌕🌕🌑🌑🌑🌑 入到去餐廳啲裝修係比較古舊，坐坐下偷聽到老闆係英國人，啲員工係啲後生外國人多，仲有2個東南亞feel既姨姨😂😂成個裝修感覺就係外國人放好多東南亞裝飾咁😂冷氣就愈坐愈覺得熱，仲要因為上菜時間耐，越食越熱😂😂😂 性價比：🌕🌕🌕🌕🌕🌕🌗🌑🌑🌑 如果入到梅窩唔想食西式野又諗唔到食咩可以一試😂😂但要預番唔好趕時間去食，因為上菜時間比較耐🫣🫣同埋係有機會要用英文落單😛😛不過我覺得份量夠大係算係抵食既😝😝

因為上次食過梳乎厘pancake，一直都好想再黎食，但次次都好驚要排好耐隊而遲遲冇左黎，咁岩經過觀塘見時間尚早就去拎飛，點知今次等左4-5張枱就入得😎 佛手柑啫喱伯爵茶忌廉疏乎厘班戟($109) 又再黎食Cobber既其中一個原因當然係因為佢個甜品，上次叫綠茶味，但比佢個一塊麻糬嚇親🫣🫣今次專登叫一個冇個塊麻糬既🤣🤣呢個味比上次個個一致認同更好食😎佛手柑啫喱酸酸甜甜，然後伯爵茶好濃味但唔苦，令到整個甜品品會太漏😁😁 千島醬慢煮雞胸Pizza 呢個pizza應該係新野黎，新到我冇記低價錢低我上網搵唔唔番個價錢😂😂千島醬係我地食pizza必點既醬，但有冇人同我地一樣會偏好千島醬海鮮多啲🤣🤣但呢到得千島醬慢煮雞胸或暫茄汁海鮮，所以就揀左呢款，不過雞胸比想像中好，夠大舊同嫩滑，同埋個size都唔細，我地都差啲食唔曬😳😳🫢🫢 蒜香蟹肉意粉($136) 呢個係上次黎已經叫過黎食喇，因為覺得好多蟹肉同好惹味，今次都keep到水準，見身邊其他枱好多都有叫😛😛 松露薯條($68) 呢個松露薯條真係不得了，我一入到去就聞工好香松露味，所以就叫左一個黎食，點知佢上到枱大盤到完全見唔到個底係邊😂😂已經不斷食不斷食最後都係好似食左1/3 only，我見遲過我地黎既人大部分都有叫，一定係見到我個碟咁大份覺得抵食😂😂😂 雜莓乳酪碎冰($48) 黎到必叫，夠曬大杯2個人飲都夠曬🤩🤩上次好似試芒果味，同今次既雜莓味都一樣咁得😎 價錢：🌕🌕🌕🌕🌕🌕🌗🌑🌑 普通 大部分mains都係$100以上，同埋黎到點都要食下個甜品，所以2個人食$400-$500走唔甩，拍得住商場鋪既價錢，但又真係keep住好多人去食🙈🙈 交通：🌕🌕🌕🌕🌕🌕🌕🌑🌑🌑 我地去親觀塘都係泊APM，除左有積分換泊車，又有泊車優惠，所以一定係最好既選擇😂😂😂 環境：🌕🌕🌕🌕🌕🌕🌖🌑🌑🌑 上次去食就覺得餐廳入面等嘈，因為佢係用木地板唔吸音，今次見佢加左地氊就好似好左，不過始終都好多人食，所以一定係會嘈少少🫢🫢不過竟然見到有對情侶拎左個notebook出黎插住電攬住睇戲，仲係面向多啲個邊，真係睇O左嘴😂😂😂😂 性價比：🌕🌕🌕🌕🌕🌕🌕🌑🌑🌑 今次去食等左4-5張枱已經食到，比上次等左成個鐘黎講成個感覺好好多，食物價格老實講係偏貴，不過味道同份量都係番到既，間唔中黎食一次都可以😉 Cobber Coffee and Tonys Pastry (觀塘) 觀塘駿業里8號世貿大樓1樓 @cobbercoffee_tonyspastry #hkfoodie #hkfood #香港美食 #香港好去處 #觀塘美食 #觀塘好去處 #駿業街 #cobbercoffeeandtonyspastry #松露薯條 #雜莓乳酪碎冰 #佛手柑啫喱伯爵茶忌廉梳乎里班戟 #蟹肉意粉 #holiday #chillandrelax #hkcafe

🌟Gyutan Toku。土瓜灣🌟 （10分為滿分：🌕） 味道：🌕🌕🌕🌕🌕🌕🌕🌕🌑🌑 極上牛吞定食 1.5倍($238) 因為本身好鍾意食牛舌，所以見到有極上梗係叫個最貴既黎試試，但又覺得叫2個牛舌餐有啲貴，所以就叫個1.5倍加豬肉生薑燒share😛😛呢個牛舌不得了，舊舊都非常厚生，食落口感好正，有咬口但又唔會韌，叫2倍都一定食得曬😍😍我地講笑話如果呢個牛舌加喬木啲小菜簡直就係perfect，因為呢到既定食入面既小菜比較簡單樸素，但牛舌就真係超曬班😎😎😎 豬肉生薑燒定食($98) 呢個豬肉生薑燒個汁整得幾惹味，撈飯好好食，但整體黎講份量偏少，男仔淨係食呢個可能岩岩好夠飽，或者會淨左好多飯冇餸撈😂😂😂 椰子雪芭($68) 其實呢款椰子雪芭係其他餐廳都食過，就係有個椰子殼裝住個款，個店員不斷推介話好好食未叫左一個，見到隔離幾枱都有叫到，其實有一刻諗係咪因為佢賣唔出，所以先不斷叫人食😂😂以我印象，之前食過椰子味都幾重既，但呢個就偏奶味重冇咁多椰子味🥥我唔會話特別推介🙈 價錢：🌕🌕🌕🌕🌕🌕🌗🌑🌑🌑 老實講，一睇餐牌個牛舌套餐價錢係偏貴既，不過你都可以選擇平啲熟成牛舌，同埋可以自己揀1倍/1.5倍/2倍，而其實套餐就價錢就容易接受啲，所以我地都唔係2個套餐都叫曬牛舌🤣🤣 交通：🌕🌕🌕🌕🌕🌕🌕🌑🌑🌑 平時少啲黎土瓜灣呢邊食野，今次放工之後一揸到去就搵到錶位，其實附近幾條街都好多錶位，所以可以兜多幾個圈碰下運氣😆😆 屯馬線土瓜灣站行出去都好快，附近又有好多巴士，所以交通都好方便🤪🤪 環境：🌕🌕🌕🌕🌕🌕🌑🌑🌑🌑 鋪頭唔算大，啲枱放到密密麻麻，我地係最早入去既一枱，享受左屯場既15分鐘，之後都未夠6:45，成間餐廳已經住坐滿曬，隔離枱講咩都會聽到曬，同埋影相都唔可以拎到啲好既角度，要夾住隻手黎影😂😂😂 性價比：🌕🌕🌕🌕🌕🌕🌕🌑🌑🌑 雖然個牛舌一睇到個價錢會覺得稍貴，但食過一次又會想再去食，所以都明點解間鋪咁快就滿座😂🙈不過如果間鋪位置可以坐得舒服啲唔使咁逼，相信會更加值得去食😛😛😛

❌❌雖然啲相影得幾靚，但呢間啲野食真係令人失望🥲🥲❌❌ （10分為滿分：🌕） 味道：🌕🌕🌕🌑🌑🌑🌑🌑🌑🌑 原味巴斯克蛋糕($88) 本身有兩隻味揀，原味同榴連味，本身我唔食得榴連就揀原味喇，上到枱一食唔對路，有一陣陣榴連味🫠咁就問下侍應喇，佢就拎番入廚房問，跟著廚房姐姐好大聲話：呢個原味黎架，你俾個榴連味客試下喇 其實平時食唔到榴連既朋友一食就會知好重榴連味🫠 最後佢地拎左個榴連味俾我地試少少，跟著侍應都好努力兜番話原味可能同榴連味一齊焗，所以先會搞到原味都有榴連味，呢樣就真係扣曬分🥹最後我地無食到舊蛋糕🥲 香蕉海鹽焦糖窩夫($108) 講真食完個榴連味既野再食咩都無咩心情，呢個窩夫其實都係一般….佢感覺有啲似蛋糕多過窩夫，所以都係失望🥲 價錢：🌕🌕🌕🌑🌑🌑🌑🌑🌑🌑 淨計甜品黎講都幾貴，巴斯克蛋糕都要成80幾蚊..其他餐牌上既甜品好多都感覺係overprice ….同埋一定要每人最低消費$80，入到去睇餐牌先睇到🥲🥲 交通：🌕🌕🌕🌕🌕🌑🌑🌑🌑🌑 位置唔近地鐵站，佐敦/poly行黎應該都要10分鐘左右, 附近有咪錶不過長期都無位的🫠 環境：🌕🌕🌕🌕🌕🌕🌕🌑🌑🌑 環境算舒服，有啲deco 可以打下卡，冷氣夠凍，大熱天時都會夠曬涼爽🤣 性價比：🌕🌕🌕🌑🌑🌑🌑🌑🌑🌑 講真食左個榴連味既蛋糕真係搞到無曬mood, 加埋啲野都唔算特別好食同感覺overprice, 性價比唔高❌❌

係銅鑼灣返工要食午餐經過見到呢間未試過就入去試下😛 （10分為滿分：🌕） 味道：🌕🌕🌕🌕🌕🌕🌕🌖🌑🌑 泡菜魷魚卡邦尼意粉($118) 呢碟意粉味道夠曬韓style，辣辣地好惹味，同埋意粉煮得岩岩好，唔會過硬或者過軟，加埋啲魷魚🦑係會食完一啖接一啖🤓🤓，不過係會愈食愈辣，建議食唔到辣既可以考慮試啲唔辣既意粉🙈🙈😄😄 加勒比海手工薄餅($49) 今次去食佢仲有做緊優惠，叫一個餐再叫Pizza半價，基本上其他枱都有叫，大家都有同一個問題問店員，個pizza size係咪細啲😂😂點知上到枱係原個pizza size，同埋超級勁足料😍😍芝士超級多，一拎起仲可以拉絲😍😍pizza餅底係好鬆軟，禁完佢之後下係會自己彈番起身，勁鍾意呢個口感🤩 蒜香蜜糖炸雞(半份$128) 炸雞半份有5大舊，外面炸得好脆，放左一陣先食都唔會淋左😋入面係無骨炸雞，雞肉都好嫩好juicy，不過一舊都好大舊，岩曬多人黎食一齊share🤣🤣🤣 藍乳酸特飲(跟餐+$8) 荔枝梳打($35) 野飲跟餐+$8好抵飲，不過我地想食炸雞同pizza就冇叫2個餐，另外散叫左一杯荔枝梳打，食炸雞pizza一定要飲啲凍野先舒服，2杯野飲顏色夠曬靚，影相打卡一流，個人黎講鍾意荔枝梳打多啲，因為有蒟蒻粒粒，仲要係粉紅色星星形狀🥰🥰 價錢：🌕🌕🌕🌕🌕🌕🌕🌗🌑🌑 銅鑼灣食野貴就一定嫁喇，最驚貴得黎食唔飽，但呢到既野食價錢算係非常抵食，叫左咁多樣野最後埋單都唔使$400，平時食韓國野最麻煩就係樣樣都好想食，但每樣單價都唔算平🥹🥹🥹 交通：🌕🌕🌕🌕🌕🌕🌕🌕🌑🌑 Mr. K位於登龍街，應該冇人會唔識呢條街喇😂😂😂即係我地之前都介紹過既洛奇冰室隔幾個鋪位，雖然佢鋪頭出面冇話裝修到好花巧，有好多裝飾吸引人入去，但都有唔少捧場客🤩🤩 環境：🌕🌕🌕🌕🌕🌕🌕🌑🌑🌑 入到去環境都十分乾淨企理，鋪面唔算大，但枱既數量都唔少，不過枱同枱之間都有空間，面且張枱夠大，叫多幾碟野食都唔會覺得坐得好逼咁😛如果鋪頭有多啲打卡裝飾位比人食下相會更吸引😛😛 性價比：🌕🌕🌕🌕🌕🌕🌕🌗🌑🌑 整體黎講，每樣食物價錢都合理，係銅鑼灣黎講唔算好貴，但份量算係超級足料🙀🙀炸雞舊舊都好大舊，Pizza就算半價完份量依然同正價一樣，意粉都比平時去一般cafe多😎😎所以我地都覺得性價比唔錯，叫左咁多野食都唔過$400好抵食，岩曬一大班人gathering食🤩🤩

（10分為滿分：🌕） 味道：🌕🌕🌕🌕🌕🌕🌕🌑🌑🌑 Samosa Chaat($85) 呢個係印度薯餅，一上枱就好靚，係用電單車造型裝住，一夾起原來係心型既❤️一食頭一啖就似普通薯餅，食中間啲就開始有啲辣既香料味，加埋旁邊個酸酸甜甜既醬，係一個唔錯既前菜😃 Veg Manchurian Dry/Gravy($94) 呢個係因為覺得佢個名好搞笑，完全唔知係咩黎就叫左😂😂黎到係用個鑊鏟裝住，一碟好似鎮江骨咁，但其實原來係炸左既椰菜花，好得意🤣🤣🤣🤣不過係會愈食愈辣😧 Paneer Makhanwala($119) 去食印度菜一定會食咖哩，但個人黎講就鍾意食奶油味重既咖哩多啲😛所以就叫左呢款試試，呢個入口順滑，奶油味夠，又完全咖辣，值得推介🤓🤓 Veg Pulao($70) 因為食咖哩，就叫左個飯黎撈，因為怕唔夠飽😂😂印度米係長條形，瘦瘦長長，同平時我地食個啲唔同，我炒出黎係黃色，但我地解構唔到啲黃色係咩味，但係加埋咖哩就好夾☺️☺️ Mango milkshake ($55) Pistachio milkshake($65) 天氣咁熱一定要叫杯凍野飲下，其實本身係想叫Mango Lassi，但唔小心叫錯左mango milkshake😂😂不過都唔怕，個味其實都好似mango lassi，我地見到佢會係冰櫃到拎雪糕出黎打個Milkshake，覺得有開心果雪糕好特別😛😛味道黎講係幾好味既，但如果唔太食甜既人可能會覺得稍甜，但印度人應該本身都係食得比較甜，所以呢2杯都係偏向佢地平時既口味🤣🤣 價錢：🌕🌕🌕🌕🌕🌕🌗🌑🌑🌑 因為我之前都未食過正宗既印度菜🇮🇳所以其實都唔知正常價錢係大概幾多，所以冇咩概念🤣🤣但佢既份量黎講都唔少，啲飯同咖哩我地最後都飽到食唔曬🙈價錢唔算話最平但其實都同平時出去其他餐廳食差不多，但就可以試下啲特式既印度菜😛😛 交通：🌕🌕🌕🌕🌕🌕🌕🌕🌑🌑 呢間印度餐廳係寶勒巷入面既萬事昌廣場，即係其實係嘉寶漢堡附近，平時經過可能會ignore左呢棟野，但呢棟大廈本身都有其他餐廳，下次都可以去試下其他餐廳😃 環境：🌕🌕🌕🌕🌕🌕🌕🌗🌑🌑 入到去啲裝修勁靚，光猛得黎又乾淨，位置超闊落，有好多大枱，我估可能印度人本身都鍾意一家人/一大班人去食野，仲有好多裝飾可以比人影下相打下卡😍 性價比：🌕🌕🌕🌕🌕🌕🌖🌑🌑🌑 印度菜比人既感覺都主要係咖哩，但呢到既菜式係超級多，睇menu都要慢慢睇下有咩好食😂😂同埋佢有咖少都係素食黎，所以就算有朋友食素食都可以揀呢間餐廳gathering，而家鋪面都幾靚，職員雖然唔太識中文但都好友善🥰🥰

🌟 婆婆珈啡屋 。尖沙咀🌟 （10分為滿分：🌕） 味道：🌕🌕🌕🌕🌕🌕🌕🌗🌑🌑 精緻四品料理-兩熱兩冷($118) 晴富士。三文魚鬆飯團 焦糖明太子玉子燒 涼拌茄士漬物 北海道流心芝士薯餅 名古屋之手羽先 呢set入面最好味既係北海道流心芝士薯餅，一夾開芝士已經流曬出黎，入口非常順滑，芝士濃到剛剛好，唔會太淡/太濃😎 玉子燒都係有驚喜，面頭係有焦糖，令到玉子燒食落有種甜甜既感覺🥰🥰其他就中規中矩，最特別係富士山形狀既飯團🍙 精緻五品料理($138) 赤富士。芝士松露飯團 海藻芝士醬拌綿滑南瓜薯蓉 婆婆自家製櫻花辣椒醬冷奴 牛肉薯仔壽喜燒 婆婆咖哩雞肉 野菜味噌松阪豬 呢個set既芝士松露飯團極推薦，濃濃既黑松露味非常正😌😌同埋呢個5品set揀左3個熱食都好好味，全部都係經典日式定食會食到既菜式😛😛 不過南瓜薯蓉個碟真係有啲失望，唔知係矩本身真係酸，定係變壞左，係我地食左2啖就唔想食惟一食剩既菜式🥲 飲品(跟餐7折) 番石榴kombucha含酒精成分($56) 盛夏富士山($56) 番石榴個杯就不過不失，少少似飲緊番石榴味既有汽汽水，唔算話太特別🧐但盛夏富士山就獲得一致好評，係波子汽水味，但最低下加左啫喱口感好好，加分加分😎😎 盛夏富士山芭菲($88) 呢個好好食呀🥰🥰🥰最面頭係藍色海鹽雪糕🍦咸咸地又唔係到到有，好特別😛😛然後佢中間既白色cream唔係平時普通既cream，而係似係用cream cheese整既，好味到大家都搶住食，再落少少有藍莓味既cream cheese🫐不過惟一可以改下既係有一層係士多啤梨醬🍓但係好甜既好似mc Donald個款😂😂呢個少少欣失色🙈 價錢：🌕🌕🌕🌕🌕🌕🌖🌑🌑🌑 午餐黎講有3品/4品/5品既set比你揀，望落價錢係唔算平，因為佢既份量偏細，如果男仔黎到食應該5品都品夠飽😂😂但偏偏佢既擺盤同食物都好精緻，女仔一定比佢既食物吸引住😛😛😛 交通：🌕🌕🌕🌕🌕🌕🌕🌖🌑🌑 交通非常方便，行到去山林道個到，其實係條街一望上去就會見到「婆婆珈啡屋」隻字，但上餐廳要搭lift上去，個入口係有啲隱蔽，如果第一次去可能都要搵一搵🤣🤣🤣同埋走既時候沿住山林道行先發現個到多左好多靚餐廳，見到幾間都有興趣去試下😛😛😛 環境：🌕🌕🌕🌕🌕🌕🌕🌗🌑🌑 餐廳入面佈置都好精美岩曬同朋友去食野打卡，而且近門口有啲精品睇下，都幾靚都特別🤩我地坐係最近門口個枱，因為平日午餐唔算話好多人食，所以唔會好多人行出行入，不過當日太陽都幾曬，坐係近窗位置會好易有陰陽面😂😂不過當日店員人數比較少，有時想搵店員幫手都難啲，落單係用QR code，都算幾快上菜😎 性價比：🌕🌕🌕🌕🌕🌕🌕🌑🌑🌑 雖然價錢唔算特別平同份量比較細份，但佢以精致同味道補上，所有野放出黎睇到都會覺得好舒服😌，而家環境都好舒適，十分岩同閨密朋友去享受一個悠閑既午餐/晚餐🥰

西貢越黎越多好味既餐廳，今次想介紹呢間比大家☺️☺️☺️ （10分為滿分：🌕） 味道：🌕🌕🌕🌕🌕🌕🌕🌕🌑🌑 南瓜海鮮濃湯配香烤酸種麵包($138) 呢個應該係呢間鋪頭既招牌菜，本身以為無咩特別，一飲個湯就知係真材實料🫡有勁濃既海鮮味，加埋南瓜湯本身煮得岩岩好，成件事飲落喉嚨c服🥹男小編平時唔飲西式湯今次都爭住飲🤤麵包方面，佢地既酸種麵包做得好出色，有外脆內軟既感覺，岩曬鍾意食包既朋友仔😎 泰式冬蔭班尼迪蛋($128) 平時Benedict食得多，冬藝功版Benedict真係第一次食🤣本身都驚會辣得濟，但食落都接受到😛個酸種麵包都係一樣咁出色之餘，加埋流心既Benedict 係無得輸既組合😛😛 Banana Smoothie($50) 雖然呢度飲咖啡為主，但smoothie都做得唔錯，加埋少少玉桂粉係上面，又估唔到個味咁夾，不過女小編就唔太鍾意肉桂味，飲到最後太濃味😂😂 Cold Brew($50) 大熱天時當然叫番啲凍飲，不過呢個cold brew係有小小失望，淡味之餘仲偏酸左少少🫡唔特別推介🙈 價錢：🌕🌕🌕🌕🌕🌕🌕🌑🌑🌑 價錢方面就唔算好抵食既，但假日入到西貢chill下都唔會話好貴，其實同一般cafe價錢差不多，只不過主食由意粉變左sourdough 🙃 交通：🌕🌕🌕🌕🌕🌕🌕🌑🌑🌑 鋪頭位於以前一起果醬個度，距離西貢大街都唔會話好遠，行完山既朋友都可以順路落黎呢度食個包飲個啡😎今次我地揸車入去，一直都諗緊泊停車場要好貴🫨🫨點知比我地係近天后廟個咪錶場一去到又有位🥹🥹講緊係星期日中午🕛真係勁好彩☺️☺️ 環境：🌕🌕🌕🌕🌕🌕🌕🌕🌑🌑 位置唔算多，不過坐位之間都好闊落，唔使怕同人逼，同埋鋪頭冷氣好夠，就算大熱天時都坐得好舒服😌佢介有戶外位置，不過大熱天時應該冇人想坐😂😂😂順帶一提，廁所幾乾淨的😝😝 性價比：🌕🌕🌕🌕🌕🌕🌗🌑🌑🌑 Cp 值唔算高既一間小店，但入到去西貢木有去外國cafe chill下既感覺溫飽都叫做比到你，同埋佢主打酸種麵包，如果鍾意食麵包既朋友應該會愛上呢度😎🤤