新開既拉麵店，店舖雖然小小的，但店外店內都好吸睛，霓虹燈和日本風漫畫，尤其是每款拉麵都有各自美女代表，成功吸引到我不停影相。 餐廳主打日式湯拉麵，並提供多款小食配料和飲品，麵質還可以選擇軟硬度。 店內只有老闆一人負責，忙着煮拉麵同時招呼亦很好，食物亦很好味，feel到老闆的用心。 春貝湯拉麵 有扇貝和海蜆，仲有半隻塘心蛋、木耳和菠菜。海鮮味道鮮甜，拉麵軟硬度選擇適中，湯底亦鮮甜好味飲左好多。 廣島蠔湯拉麵 脹卜卜的廣島蠔煎香過，啖啖肥美蠔肉，非常滿足！拉麵軟硬度選擇柔軟，湯底充滿鮮豪味非常讚！ 入味大鮑魚 鮑魚爽口彈牙，醬汁烹調真的夠入味。 宮崎人南蠻雞 炸雞配沙律醬和沙律菜，雞肉炸到外脆內嫩，熱辣辣好味道。 日式餃子 煎餃子外脆脆，配沙律醬食香口。 麻麻大菠菜 菠菜係涼爽，用上芋麻醬味道搭配。 大麥冷泡茶和白桃烏龍冷泡茶清香。

品粤居由五星級酒店前主廚坐陣，主打粤式料理和精美點心，還有集合傳統和創新的海鮮款式！ 餐廳的中式裝修簡約寬敞，設有落地大玻璃，能飽覽灣仔的繁忙街景。 原隻蜂蜜柚子蝦球 $188 共有6隻大蝦，金黃色嘅蝦球閃閃生輝，有蔬菜作伴碟，蝦球爽口彈牙，帶有酸酸甜甜的柚子香，特別開胃。 海星斑二味$368 1.碧綠炒球 廚師用西蘭花炒星斑球，仲有香葱和三色椒，班球入口新鮮嫩滑。 2.古法炆頭腩 斑頭腩用古法薑蔥炆焗，夠乾身，食落香口鮮美。 姬松茸遼參豆腐煲 $168 豆腐煲用鑊仔上桌，廚師將豆腐炸完再同遼參姬松茸一起炆，豆腐入口嫩滑，遼參有口感，醬汁惹味。 豉椒涼瓜炒安格斯牛肉 $128 除咗涼瓜還有西椒和洋蔥，廚師真巧手，涼瓜甘香完全唔會，而安格斯牛肉有牛味亦夠嫩滑。 薑汁千層軟糕 $32 有4件，香濃薑味的千層薑汁糕，微甜，有點煙煙靭靭的口感。 益力多布甸$32 布甸微甜，好有益力多味。

餐廳位於官塘工業區中心地帶，新進駐開源道駱駝漆大廈3座一樓，餐廳裝修簡約的工業風為主，枱無枱之間都寬敞, 坐位舒適。 紅菜頭蟹肉燴意大利飯 $118 桃紅色的紅菜頭意大利飯令人眼前一亮，是帶有口感的意大利飯粒，飯上有蟹肉絲。 白酒忌廉汁藍青口 $78 藍青口唔算細隻，微量酒味襯托青口鮮味。 半邊春雞配烤豬肋骨 $148 整碟份量都不少，春雞好嫩滑，燒得很香口，而烤豬肋骨有2大條，肉質夠入味，還有薯蓉質地滑溜。此主菜還會包$38以下飲品及餐湯。 伯爵茶鴛鴦 香濃伯爵鴛鴦入口嫩滑。 是日餐湯係蕃茄湯。 臨走時職員話由11月開始，望逸咖啡研究所逢星期六日推出$158/90分鐘任飲優惠（包括咖啡、手沖等）。

相比銅鑼灣，我更喜歡大坑，旺中帶靜，私隱度高。位於華倫街既Warren，係大坑既後花園。Warren in the Warren Street，就等我帶大家一齊沉浸式享受老闆兼主廚既一條龍服務！ 餐廳俾我感覺唔只係坐低食飯既地方，我可以自由出入，一時喺座位食條意粉，一時行出戶外飲啖酒，一時四處欣賞室內掛畫和藝術品，一時走到Bar枱睇老闆煮野食吹吹水，輕鬆自在，快活寫意。 所有食物係即叫做，每道菜都係老闆親自一人用心設計和製作，我最鍾意呢樣野，係一大優點。 送酒開胃小食 -雞泡魚乾 -焗鴨肉脆角 -Prawn & Smoked Salmon Spaghetti with Lobster Sauce 鮮蝦煙三文魚意粉（龍蝦汁） 每條意粉都掛滿龍蝦汁，煙三文魚上放有黑魚子醬，還有爽彈大蝦，一大碟好美味。 -Fresh Oyster 時令生蠔 生蠔即開新鮮，size適中，一啖放入口，淡淡鮮味口內爆開。 -Seared Secreto lberico Pork Shoulder 香煎伊比利黑毛豬肩肉 豬肩肉煎香，肉嫩超juicy，擺盤精緻。

餐廳裝修以工業風為主調，枱與枱之間寬闊，座位舒適。餐廳大玻璃可以望到美麗海景和將軍澳跨灣大橋。餐廳環境非常舒適，係適合一家大細或好友聚會嘅好地方。 店內有架懷舊雪糕車，適合打卡， 賣Gelato，$48/1 scoop。 燒虎蝦帶子田園沙律配檸檬油醋汁 $128 (加牛油果 $15) 虎蝦爽口彈牙，帶子鮮甜煎香，牛油果軟滑，新鮮沙律菜沾滿檸檬油醋汁入口酸酸甜甜好開胃。 慢煮豬肋漢堡配薯條 $128 漢堡份量也不少，有芝士、番茄和生菜和紅蘿蔔絲,，豬肋骨厚身又入味。還有大大條的薯條配埋松露醬好惹味。 蒜香柚子雞翼 $88 雞翼炸到皮脆香口，肉質嫩滑，食落有清香柚子和蒜香味。 雲呢拿麻薯巴斯克芝士蛋糕 $78 蛋糕圓形大件，好香濃嘅芝士蛋糕，中間有麻薯蓉，麻薯蓉有啲流心效果。 飲品有Iced Cappuccino $49 & Iced 75% Chocolate $54

食過返尋味，最近食過桂花小幸的台灣菜，對小店的燉湯念念不忘，所以再次光臨。餐廳可以自助落單，亦可以到枱前點餐，服務員會捧餐到你座位。一到食飯時間就開始好多人堂食和等外賣。 原盅燉湯 滋潤燉湯好足料，清甜。 浸時菜上湯 上湯浸時菜係娃娃菜，可以飲埋個菜湯。 煲仔塔香三杯定食 三杯雞煲仔上，遠遠已聞到好香，雞肉有多件，醬汁調味咸度適中，好好送飯。 酥炸排骨滷肉飯 排骨炸到金黃色，大大塊，香脆。滷肉飯肉粒有口感，醬汁微甜，食落好惹味。 手拍小黃瓜 新鮮爽脆小食。 蜜桃烏龍蘆薈 夏日水漾鮮果茶 兩杯特飲都好大杯，有700ml！

啟德因屯馬線通車後交通方便得多，當區陸續有樓盤入伙，商場亦進駐了不少餐廳，十三少就係其中之一。餐廳裝修簡約，有一大片特大玻璃幕牆，視野廣闊，坐位寬敞，食得舒服。 2人滋味套餐 $348 涼拌土豆絲 土豆絲有點微辣，酸酸地很醒胃。 蒜泥青瓜 好大碟，青瓜也切得大粒，爽甜清脆。 十三少酸菜魚 超級大盆，酸菜魚肉份量多，肉質嫩滑，配有萵筍和酸菜，叫左唔辣，酸度輕微，越食越好味。 乾煸四季豆 四季豆配有肉碎，叫左唔辣，帶有鹹香，食落好惹味。 紅糖糍粑 紅糖糍粑炸到外皮鬆脆內裏煙韌，要點埋附加的甜醬食，係一個好好既飯後甜品。

以前食過大角咀既山東小城，今次就去左太子分店食。山東小城喺我心目中係好味又抵食，性價比高。店鋪裝修簡約，以木系為主，牆身壁畫色彩繽紛超可愛！ 砂鍋雲吞雞配白飯 雲吞大粒好足料，雞肉嫩滑，鍋內仲有娃娃菜、白菜、雲耳等等，每條菜都吸滿香濃雞湯。 生炸豬扒菜飯 豬扒炸到金黃色，邊皮炸脆，內裡豬肉仍保持有肉汁，又香又美味。菜飯的菜粒亦有很多。 香口葱油餅 葱油餅比較薄身，多香葱，微脆，熱辣辣甚香口。 千層醬豬耳 開胃菜，配有紅蘿蔔絲、蔥絲、青瓜絲、韭黃絲和醋。豬耳雪凍薄切，見到好多層的豬耳，入口爽脆彈牙。 鮮肉韭菜餡餅 餡餅即叫即煎需要時間，鮮肉韭菜份量多，充滿肉汁，口感充實。 豆沙餡餅 餡餅微甜香口。 自製豆漿和自製山楂茶

去滾，一睇個名就知係打邊爐啦。 去滾位於銅鑼灣登龍街，餐廳裝修懷舊風，牆身有一大幅霓虹光管，甚為耀眼，餐廳設有卡座和VIP房，供客人享用聚餐。 亦設有戶外座位，可邊滾邊欣賞維港景色。 原個椰子雞湯(半隻) 大大鍋椰子雞湯，鍋底有竹笙、馬蹄、椰青肉和半隻雞。職員會喺你面前將雞和椰青水倒入鍋，仲會挖埋椰青肉。湯一滾好職員會先幫每人𢳂碗湯飲，湯底清甜濃郁雞湯味。 順德脆肉鯇魚腩 脆肉鯇魚腩厚切，啖啖肉，肉質真的超級爽脆。 手打墨魚丸(四隻) 手打墨魚丸有4大隻，墨魚丸新鮮彈牙，口感豐富。 沙爹牛肉洋蔥餃(四隻) 第一次食沙爹牛肉洋蔥餃，香濃沙爹與牛肉真係最佳配搭，好美味。 金甲脆魚皮 脆魚皮微辣，分量多，大大塊魚皮脆卜卜好香口。 繽紛鮮果涼粉鍋 外型似70年代嘅炭爐火鍋袖珍版，鍋內放滿西瓜粒、火龍果粒、芒果粒，還有涼粉。入口清涼，即使打邊爐好飽都依然食得晒！

以前有買過Lifetastic既蛋糕，又靚又好味。今次入埋餐廳食dinner，除左有主打既水果蛋糕外，並提供多款西餐供客人選擇。 餐廳位於將軍澳Popcorn，半開放式，裝修以藍色為主調，高貴典雅，配合餐廳品牌形象。 是日餐湯  (＋$15)  餐湯係甘筍湯，飲得到有微微甘荀味，口感幼滑。 燒汁烤原隻春雞 Roasted  Whole Sping Chicken  with Gravy  $178 春雞燒得好香，皮脆肉嫩，肉質仍保持濕潤，點埋燒汁更惹味。 黑松露雜菌意大利粉 Black Truffle & Mushroom Spaghetti $98 黑松露微濃，有多款鮮什菌，意大利粉軟硬適中。 芒果西瓜蛋糕 Watermelon Mango Layer Cake  (＋$39)  芒果西瓜好新鮮，蛋糕不太甜，食落好fresh，好有層次感。 榴槤芝士蛋糕  Durian Layer Cheesecake  (＋$34)  榴槤芝士蛋糕面頭仲有白色椰子片，每一啖都有清香的榴槤味。