燒肉like係香港都開咗一排，記得之前係沙田諗住想食但好早（6點前）就截咗票，所以一直都無去試。今日行過見到淨係等十張枱左右，咁就試下，都係15分鐘內就有得入座。 入座手機掃QR code落單，點完手機比埋錢。我覺得幾好，成件事好自助唔使麻煩到人。 一坐低就見到有好多唔同醬汁俾我哋揀，而對我來講日燒最重要就係啲汁，佢哋咁多選擇真係非常之like啊👍🏼👍🏼👍🏼 咁我就叫咗個壽喜燒牛小排套餐(200g)，佢唔會話好食到返唔到轉頭，但cp值真係高。食落都有肉香，但有兩舊特別肥，其他整體油脂分布都平均。有時食晏唔想食牛角咁大陣仗，嚟呢度都唔錯，都叫可以頂下癮。 Btw提一提如果帶小朋友食可能要注意下過爐，因為我調到好細火都好啦，都會有火搶上嚟。

西環近呢兩年其實多咗好多野食，呢間酸菜魚為主打既餐廳經過幾次都未食過，咁呢日有機會就試試佢。 舖位置坦白講唔算方便，離地鐵站有一段距離，可能比較偏向於做街坊/hku學生生意為主，有意特登去既可能就要預返行遠少少。🚶🏻‍♂️🚶🏻‍♂️🚶🏻‍♂️ 咁呢日我兩個人六點半左右到，就唔使話等位，但入面都有幾枱客咁啦。 一坐低佢地比咁咗杯羅漢果水（應該係）which我覺得好值得一讚，雖然唔係話d咩貴野黎，但會比我覺得間餐廳幾有誠意👍🏼。同埋一舉手同有人黎呢點幾好，因為我係餐廳舉手經常被無視😵‍💫😂 咁之後因為其實我地都唔係話太肚餓，咁所以淨係叫咗1-2人份酸菜魚（小辣)同一份蔥油餅。兩樣加埋二百蚊鬆d，價錢我覺得ok啊。 先講講碟酸菜魚，咁酸菜魚佢地主打我覺得係好食既。魚份量好足，唔會一夾就散，唔會梅哂咁😋😋。食完哂夜晚唔會好渴。但係就間唔時會食到一兩條短骨，同埋蘿白好酸，我自己就唔介意所以會覺得幾好。 之後講講蔥油餅，呢個其實幾有驚喜，本身叫蔥油餅只係抱住一個試下既心態（因為好似就咁食酸菜魚好似有點單調XD）。黎到賣相好好，食落香口加脆仲冇蔥陣香味真係非常不錯架呢。

其實呢間餐廳我都去個幾次，so far都唔錯。到後面search返先知原來呢間係大叔的愛既拍攝場景黎🥴 的確間舖門面好pink pink好適合打卡，同埋都幾多人食。位置方便都唔算好近地鐵,可能預返5分鐘步行路程。 室內位置好多，我自己就未試過排隊食呢間😂。另外有室外位可以帶埋毛孩黎，d待應超級歡迎。我見佢哋仲會比d餅餅狗仔食，超級有愛🥰🥰。 今次叫咗1個starter 2mains 2drinks 埋單800幾900蚊兩個人。 Starter嗌咗青口配泰式椰子汁，好好味😋😋。 呢個真係幾意想不到，因為出街食真係好少食到好鮮甜好味嘅青口。另外配個汁有d似多椰稀咗嘅青咖哩味，同青口幾夾。佢另外仲有個啤酒汁揀，下次再黎再試試佢😂 Main 就卡邦尼意粉同美國頂級肉眼。 講講個卡邦尼，係唔錯既但唔使話特登嗌，因為真係好漏，一個女仔真係食唔哂。不過不失，正正常常咁。如果真係諗唔到食咩都可以試下。 到塊ribeye(medium), 肉質鮮嫩唔韌，非常之食得過👍🏼👍🏼👍🏼 想講講塊扒本身已經好好質素，但呢道菜最比到驚喜我既係側邊d沙律菜。 我平時食沙律菜係一定要有汁我先食，呢個完全唔使落都覺得好清甜好fresh既感覺。之後睇返原來餐廳自己種，可能因為咁對比平時出邊食既咁大分別。 野飲方面嗌咗Oreo milkshake 同 chocolate peanut butter banana milkshake。 我自己飲Oreo milkshake，佢唔會好似出面個d好稠好漏飲一杯可以唔使食一餐個d咁。佢係偏稀身既，味道唔會因為佢稀身咗而淡咗👍🏼。去開真係嗌黎飲飲，真心不錯。 但如果係鐘意稠身好漏個d呢個應該唔岩你😂(off topic:稠身可以試下no milkshakes no life 唔錯的） 另一杯chocolate peanut butter banana milkshake我就無飲啦，因為我本身就唔鐘意香蕉陣味所以無飲。但據同行友人所講係好味，但如果再多d花生醬就好。

今日唔使返工突然想食刀削麵，見呢間評價不錯所以特登出嚟灣仔呢間食。 一唔食還好一食真係好失望。 講講環境，唔係話expect佢要好靚好fancy我先會覺得佢環境好好。 我去既時候都3點唔係啲咩野繁忙時間，客都係得幾枱，我坐既個張枱亦唔係上個食客啱啱走，但係一坐落去張枱都係污糟有上手d汁。其實咁已經令我對呢間餐廳印象不太好。咁我自己有濕紙巾我自己抹咗就算。 講埋食物，我嗌咗口水冷刀配手撕雞，味道上係唔錯嘅，都係我想像中嘅味道。但d手撕雞撕到大大舊仲要好諧身，坦白講一啲都唔好食。 而講到點解會咁失望，係碗野食入面有鐵絲😠😠 唔知係洗唔乾淨定有咩原因，但as一個身客真係好失望。 唔會再食😤