係第五波疫情之下，已經個幾月冇出街食過飯☹️ 唯有寫返之前食同影低嘅嘢啦😮‍💨 
早排好多人講好湯好麵，於是我哋嗰日專程入大圍試一試佢，食後感就係失望而回🤫

海龍王湯陽春面（$130）
見到好多人都嗌呢碗麵，所以我哋都試試佢。一上到黎，就覺得有啲失望，份量比較少，隻蝦食落去唔係好新鮮，湯底都冇乜特別🥲 簡單講句，冇驚喜，好普通，未到好食☹️

好頭好尾扁陽春面（$104）
睇Menu，覺得非常吸引。川味和牛面頰肉，又有法式燴牛尾，湯底係牛骨湯🐮 就咁聽已經覺得超級重牛味，但係食完都係兩個字：普通🥲 川味係有少少少少微微辣味，牛肉係淋既，但真係一碗好普通嘅牛肉麵。

泡椒無骨鳳爪（$48）
成餐飯最好食嘅，竟然係呢個鳳爪☹️ 好入味，調味啱啱好，食完之後非常開胃。 
山長水遠入大圍，就係為咗佢，但真係有啲失望🥲當然唔會期望食麵會有啲乜嘢超級大驚喜，但係味道同價錢真係畫唔上一個等號。滿心期待食麵，點知係個鳳爪最好食😹

📍金華冰廳 
一間比較耐歷史嘅冰室，每日都有好多人排隊買號稱香港第一金牌菠蘿油 🥯 
菠蘿油($12)
啱啱出爐 熱辣辣 賣相非常靚仔 一大塊牛油夾喺中間 超邪惡😈 牛油好重奶香味 菠蘿包皮脆酥化，又好有空氣感 兩樣野加埋好夾！ 😋 
馳名酥皮蛋撻($6個）
同樣啱啱新鮮出爐 蛋味香濃 甜甜地 皮脆 做到外脆內嫩嘅效果 非常好食 值得一試 👍🏻 
得獎西多士 ($20)
不過不失嘅西多士  份量都幾大 同樣都係有一大塊牛油放喺上面 可能知道拎過獎 對佢有D期望 味道一般 口感偏淋 有小小失望🤦🏻‍♂️
正所謂飲啖茶食個包😂
茶走($18)
偏貴 💰 茶味濃厚 🍵口感順滑 雖然加左練奶 但一D都唔甜 唔會蓋過茶味 一啖茶 一啖包 香港特色嘅味道 😋

The Big Things Noodle

北海道海膽稻烏冬
鍾意食海膽又鍾意食烏冬既朋友可以過去試一試。 我會形容佢係一個撈麵。以海膽同忌廉混合整成一個醬，將每一條烏冬覆蓋著。吃落嗰種嘅creamy同好濃嘅海膽味係口腔裡面係非常滿足。再加上少少三文魚籽嗰種嘅鹹香令到個味道同口感提升左唔小。 成碗野暖暖地，冬天食完一流。

醬油漬玉子信州綠茶蕎麥麵
至於呢個蕎麥麵嗰玉子係醃製左3小時，個質感好黏，能夠將蛋液掛係D麵到，食落去唔鹹。湯汁係用左佢地嘅秘制鰹魚高湯，味道好香濃，以一個冷麵嘅方式食用。 整體黎講，係非常之清新。麵會掛上湯汁同蛋，食到蛋黃嘅香之餘又有小小鹹中帶甜嘅鰹魚湯，最後又有小小綠茶嘅餘韻。呢個味道配上清涼嘅口感，夏天食就岩晒啦。