📌 陳儀興玫瑰餐廳 - 新蒲崗爵祿街33A-37A號百勝工廠大廈地舖
🗓(22/11) 星期三 ⏰ 晚上6:15左右


💈特式：最近各大群組都係度討論邊間羊腩煲好食，所以我都出動去搵下有咩好食/抵食嘅羊腩煲推介比大家，今日收工同朋友就嚟幫大家試下呢間陳儀興玫瑰餐廳。


🥩🍔🌭🌮🥗🥯🥘🍲🍝🍣🥟🍤🍱
食物：餐廳除左羊腩煲，平時主力就係做火鍋同小菜，而且價錢都相當抵食，而家等我同大家講下🐐🍲味道先。


🐐🍲羊腩煲 $3️⃣9️⃣8️⃣ - 個羊腩煲味道唔錯，個汁濃稠得嚟又唔咸，連個湯汁我都想飲埋，羊肉炆得夠入味同軟淋，就連比較大舊嘅肉都炆得好淋，皮有咬口及有彈性，食得出應該係用新鮮羊，唔係雪藏貨，仲會有少許羊羶味，配料就有冬筍/冬菇/馬蹄/炸支竹等等。另外，每個羊腩煲會包埋一碟生菜，生菜份量都ok。
就係因為佢個羊腩煲湯汁咁正，所以就再加左火鍋配料用埋個湯汁嚟打邊爐，唔好浪費左個咁正嘅湯底精華。


🦑爽口墨魚卷 $5️⃣7️⃣ - 我好鐘意佢地嘅不規則形狀，好得意。一碟有8件，質地爽口彈牙，偏挺身，入面仲有d細細粒嘅墨魚粒，墨魚味亦好重。


🦐彈牙蝦肉卷 $5️⃣7️⃣ - 呢個都係8件，質地就比墨魚卷淋d，但咬落好多蝦肉，好輕鬆鮮甜味。


蜂巢凍豆腐 $4️⃣2️⃣ - 既然個羊腩湯咁正，所以一定要叫呢d咁索湯嘅配料先係皇道，呢個蜂巢豆腐窿窿勁多，索湯能力一流，同所有出色嘅火鍋湯底都係絕配。


☕️🍵🥤🧋🍺🍷🥃🍹🧉🍾🍶🥛
飲品 : 飲品除左酒類之外就有一般茶餐廳經典飲品，仲有幾款特別檸檬飲品，例如檸樂/檸碧/檸芬/鹹檸樂/鹹檸碧/龍鳳檸樂等。另外，仲有幾款比較健康嘅涼茶。


🍽環境：餐廳環境同裝修就同普通茶餐廳差唔多，有唔少4人梳化卡位，仲有大量圓枱，擺枱都闊落，坐位同枱面空間都足夠，地方都算乾淨企理，光猛整潔。


🤵🏻🤵🏻‍♀️🤵🏻‍♂️服務：職員服務好好，好有禮貌 ，會同客人傾下計，亦會主動幫客人睇火同調校火力之類，等你個湯底唔會咁快乾水，咁就可以食到個湯底本身嘅原味道。


💰💸價錢：今日叫左個夠3~4人食嘅羊腩煲，3款火鍋配料，仲有飲品，埋單都係大約$6️⃣0️⃣0️⃣左右，而且羊腩煲質素唔差，如果人多食應該會感覺仲抵。


🐲💬總結：我本身好鐘意食羊腩煲，亦都會周圍去試不同餐廳嘅羊腩煲去作比較，呢間嘅出品的確唔錯，大家都可以去試下。


推薦指數：❤️❤️❤️❤️🤍

📌 Nonsense - 土瓜灣北帝街143-155號順輝大廈地下4號舖 🗓(19/11) 星期日 ⏰ 下午1點左右 💈特式：開始入冬，另一半講左好耐想食煲「兒子」飯，上網見呢呢間近近地，仲要係未試過嘅日式煲「兒子」飯，所以見今日放假就中午同佢去試下。 🥩🍔🌭🌮🥗🥯🥘🍲🍝🍣🥟🍤🍱 食物：餐廳本身係主打日西式料理，當中最特別係佢地有幾款日式煲「兒子」飯，而且佢地嘅甜品都非常出名，款式同口味仲好多選擇，而家等我同大家講下🍲味道先。 🐷🍲黑毛豬肋肉日式煲仔飯 $1️⃣7️⃣8️⃣ - 等候時間唔算耐，大約8~10分鐘就上菜，上枱時個煲非常熱，一打開會聞到微微焦香味。材料除左豬肋肉，仲有雜菇同蘆筍苗，面頭再放左一隻日本蛋黃。雖然佢哋唔係用瓦煲，但飯底都做到有飯焦，不過就無傳統瓦煲咁多。佢地跟埋個醬油唔似傳統煲仔飯豉油，反而味道近似日式甜醬油，令成件事日式感覺更加濃烈。 🦐🦀🍲大蝦蟹肉蝦油日式煲仔飯 $1️⃣8️⃣8️⃣ - 呢個因為加左蝦油，所以聞落多左陣蝦香味，同埋唔需要再加醬油都已經夠味，大蝦就有5~6隻，size就普通尺寸，蟹肉份量就普通，都有配埋蘆筍苗，整體我會覺得好食過豬肋肉嗰個。 🍰開心果巴斯克軟心芝士蛋糕 $5️⃣8️⃣ - 佢地個巴斯克軟心芝士蛋糕係餐廳主打招牌甜品，口味有成1️⃣5️⃣款咁多，真係總有一款啱你口味，個蛋榚可以揀配雪榚或者法式焦糖燉蛋。個蛋榚主打軟心，佢食落係中間偏軟心，近邊位就會硬身返少少，不過開心果味就唔重，對比起佢主身嘅芝士味，好似突出唔到個開心果味咁。 🍰榴槤巴斯克軟心芝士蛋糕 $5️⃣8️⃣ - 榴槤本身味重，所以配咩都可以極之突出，佢地個榴槤味都做得幾濃幾好味，食完一段時間口腔都仲感受到嗰浸味。法式焦糖燉蛋唔係唔好食，不過同蛋榚比就會比比下去。 ☕️🍵🥤🧋🍺🍷🥃🍹🧉🍾🍶🥛 飲品 : Brunch menu會跟左一杯熱餐飲，如果揀凍飲就要加錢，或者可以轉其他特飲就會有半價優惠，我地要叫左一凍一熱最普通嘅烏龍茶，就係正正常常嘅烏龍茶，不過就咁轉左凍飲要加$4️⃣蚊就有點貴。 🍽環境：餐廳環境就係普通西餐廳格局，地方唔算好大，大約有40多個坐位，大部分都係卡位，而且坐位都幾舒適，地方都乾淨企理，燈光同音樂都唔錯。 🤵🏻🤵🏻‍♀️🤵🏻‍♂️服務：店員服務很好，落order/覆單/上菜時都好有禮，當選擇甜品時亦會推介同講解下，當上煲「兒子」飯時會好細心提醒注意個煲熱 💰💸價錢：今日兩個人叫左兩個煲「兒子」飯brunch飯，再加左兩份兩份甜品，埋單計埋加一就大約$5️⃣0️⃣0️⃣左右，雖然食物質素係唔差，但成兩百蚊一個煲仔飯確實有d貴。 🐲💬總結：我本身唔常食煲「兒子」飯，因為香港好食嘅好難遇到，但呢間嘅日式煲「兒子」飯我又覺得幾新奇好食，再加上佢地出色嘅甜品，我對呢餐十分滿意。 推薦指數：❤️❤️❤️❣️🤍

📌 Shibui 洋食屋 - 九龍城侯王道22號地舖 🗓(16/11) 星期四 ⏰ 晚上7點左右
💈特式：今日途經九龍城見到間門面唔太起眼，但十分昭和年代氣氛嘅餐廳，一向喜歡日本風格的我不期然被吸引到，所以就決定入去食個晚飯順便打下卡。 🥩🍔🌭🌮🥗🥯🥘🍲🍝🍣🥟🍤🍱 食物：餐廳主打係日本洋食屋食物，例如咖哩飯/蛋包飯/漢堡扒/可樂餅/布甸等等，而家等我同大家講下🎌味道先。 🌯日式味噌雞肉卷 $1️⃣3️⃣8️⃣ - 呢個味噌雞肉卷係配左苦白菜/味噌馬鈴薯球/蔥油瓦片，雞卷上枱已經聞到好香炭燒味，再配埋唔太重味嘅自制照燒汁，味道同口感都一流，苦白菜就真係有點苦，但就係我鐘意嘅個隻甘苦味，味噌馬鈴薯球細細粒，入口煙煙韌韌咁，蔥油瓦片就食唔出有咩味，但就可以幫個菜式增加不少視覺效果。 🍵🍚海鰻茶漬飯 $1️⃣3️⃣8️⃣ - 海鰻茶漬飯就配以日本子薑，湯就用上綠茶高湯，個飯底本身已有鰻魚汁做底味，加埋清新嘅綠茶高湯，口味濃得嚟有淡淡清香，鰻魚就有4件，香口肉厚，入口淋滑帶點爽口，整體好高質。 🍮昭和布甸 $4️⃣8️⃣ - 布甸個賣相好經典，就好似細個睇d卡通片見到個款咁，我最鐘意係佢有我最愛食嘅糖水車厘子，布甸好有蛋香，楓糖漿味道亦好濃郁。 今川燒 $4️⃣8️⃣ - 呢個今川燒可以揀紅豆或吉士餡，我就選擇左吉士，吉士餡雖然唔多，但勝左即叫即做，非常熱辣辣，仲要勁脆 2配埋上面嘅軟滑香草雪糕，又冷又熱，又脆又滑，十分搭配。 ☕️🍵🥤🧋🍺🍷🥃🍹🧉🍾🍶🥛 飲品 : 餐廳除左咖啡及茶，都仲有幾款無酒精Mocktail及Cocktail，當然仲會生啤，而我地就叫左杯Red Fuji同一杯Blue Sky，兩杯賣相都好靚，打卡一流，味道亦都唔錯。 🍽環境：環境由內到外都有濃濃的日本昭和年代氣息，由裝修到擺設到枱凳都極有心思，令人彷彿置身日本嘅懷舊洋食店咁，就連個menu都好有日本餐廳feel，燈光及音樂都恰到好處。 🤵🏻🤵🏻‍♀️🤵🏻‍♂️服務：店員服務非常好，說話聲線好柔和，落order/覆單/上菜時都好有禮，上茶漬飯時亦會幫手加湯，而且全程都充滿笑容。 💰💸價錢：今日兩個人，除左主食仲叫埋甜品及Mocktails，埋單只係大約$5️⃣0️⃣0️⃣左右，由食物質素到餐廳環境都令人覺得物有所值。 🐲💬總結：我本人就好鐘意呢間餐廳嘅裝修風格同感覺，食物除左賣相靚仲真係好味，甜品和飲品亦好適合打卡。 推薦指數：❤️❤️❤️❤️❣️

📌 鼎點點心專門店 - 新蒲崗崇齡街20-26號萬義大廈地下7號舖 🗓(12/11) 星期日 ⏰ 下午1:30左右
💈特式：假日瞓到自然醒，起身就想搵個茶飲下，網上見到有人講呢間嘅傳統懷舊點心，有臘腸卷/燒腩卷/糯米包/魚翅餃/海鮮魚肚扎/鵪鶉蛋燒賣/等等，所以就搭程近車嚟試下。 🥩🍔🌭🌮🥗🥯🥘🍲🍝🍣🥟🍤🍱 食物：雖然而家好多酒樓/茶居都推返懷舊點心，但始終一聽到「懷舊」兩個字不期然就有種魔力令人想試，而家等我同大家講下🫖味道先。 王牌灌湯餃 $3️⃣8️⃣ - 預左佢唔係正宗灌湯餃，而係市面上叫做灌湯餃嘅湯浸餃，但質素真係麻麻，皮厚餡實，除左好實嘅豬肉都食唔出有咩其他餡料，個湯底就係好普通嘅清湯底加左幾條素魚翅，食唔到個湯底有咩鮮味。 臘味糯米包 $2️⃣8️⃣ - 本身我對個糯米包都好期待，佢係做到皮薄餡多，但餡料除咗糯米飯同花生，完全食唔到臘味同臘味味。 時令臘腸卷 $2️⃣8️⃣ - 臘腸卷都中規中矩，但入面條臘腸就好明顯唔係好靚，塊臘腸衣極之韌，好似咬緊膠袋咁嘅口感。 乾蒸牛肉燒賣 $2️⃣2️⃣ - 呢個乾蒸牛肉燒賣就做得唔差，餡料唔會靭重食到牛肉香味，算合格以上水準。 海鮮魚肚扎 $3️⃣6️⃣ - 個魚肚扎總共有3件，但都幾細件，每件只係有一條魚肚同一條鮮蝦肉滑比腐竹包住，但味道係正常ok的。 魚翅餃 $3️⃣0️⃣ - 魚翅餃有4件，皮薄餡料多，但就唔係好食到素魚翅，而且味道偏淡，要點辣椒油食先叫做好食d。 ☕️🍵🥤🧋🍺🍷🥃🍹🧉🍾🍶🥛 飲品 : 飲茶就通常都係叫普洱/水仙/香片/鐵觀音等等，咁佢都有齊呢d最普遍嘅品種，級數就普普通通，但$5️⃣蚊茶錢就唔算貴。 🍽環境：環境就係普通茶居格局，冇乜裝修，衛生情況一般，全舖得7張4人枱，夾埋得28個位，繁忙時間都需要搭台，如果擺滿點心時都會幾迫夾。 🤵🏻🤵🏻‍♀️🤵🏻‍♂️服務：樓面店員態度都唔錯，除左有基本禮物之外，見到有人埋單都會主動問搭緊枱客人需唔需要轉位。 💰💸價錢：今日2個人叫左6個點心，加埋茶錢都唔洗$2️⃣0️⃣0️⃣，以飲茶嚟講價錢都合理唔算過份。 🐲💬總結：我覺得呢間有幾款點心係幾傳統同懷舊的，但質素就實屬普通。 推薦指數：❤️❤️❣️🤍🤍

📌 湘遇 - 紅磡崇潔街91號崇廉樓地下101-103號舖 🗓(9/11) 星期四 ⏰ 晚上7點左右
💈特式：樓下剛新開左間湘菜，我作為專業試食員，係我所在地頭開新店，我當然要第一時間去試下啦。 🥩🍔🌭🌮🥗🥯🥘🍲🍝🍣🥟🍤🍱 食物：睇名都知餐廳以湘菜為主，主打都係辣野/烤魚/肥腸/農家菜等等，而家等我同大家講下「湘」味道先。 🐟招牌肥腸火鍋魚 $3️⃣9️⃣8️⃣ - 既然餐廳主打肥腸同烤魚，咁就梗係一次過試晒呢兩樣主打野啦。 首先，份量真係好大，落單時都有問過店員，就咁叫一個火鍋魚夠唔夠兩個人食，但事實係兩個人根本唔會食得晒，因為除左肥腸同魚，個鍋入面仲有大量芽菜同薯粉，我估起碼3個人先食得晒； 肥腸份量多得驚人，我保守估計超過40舊，而且舊舊都有劏開處理乾淨，淨係食到腸味，食唔到有內臟噏味。 魚睇落有一條份量，而且預早已經有加工，起肉切片，所以食得比原條方便，而且魚肉好嫩滑，不過美中不足係魚鱗清得唔夠乾淨，間中都有食到不少魚鱗，不過整體都係唔錯。 紅糖糍粑 $6️⃣8️⃣ - 呢個紅糖糍粑係即叫即做，一份有8條，上枱熱辣辣，表面香脆，入口軟糯，糍粑個心又煮得夠透，係非常高質數嘅紅糖糍粑。💖 ☕️🍵🥤🧋🍺🍷🥃🍹🧉🍾🍶🥛 飲品 : 飲品除左普通汽水/茶/啤酒之外，見佢仲有手打檸檬茶同手打青檸特飲，但因為仲係試業階段，所以餐牌上就未見有介紹。 🍽環境：餐廳地方都幾寬敞，坐位都闊落，而且開左無耐，所以都好乾淨整潔，另外仲見到有間VIP房，目測都坐到6~8人。 🤵🏻🤵🏻‍♀️🤵🏻‍♂️服務：全部樓面店員都好親切殷勤，而且好健談，見佢地對所有客人都一視同仁，好親切有禮貌。 💰💸價錢：今日叫左唔多野，肯定兩個人都食唔晒，埋單就大約$5️⃣0️⃣0️⃣，價錢都合理唔算過份。 🐲💬總結：我覺得呢間餐廳嘅烤魚同肥腸都做得好出色同夠地道，甜品個紅糖糍粑直頭係我食過之中最好食，所以我對呢餐都相當滿意。 推薦指數：❤️❤️❤️❤️🤍

📌 小肥羊 - 荃灣眾安街55號大鴻輝(荃灣)中心20樓 🗓(4/11) 星期六 ⏰ 中午12:30左右 💈特式：小肥羊曾經係香港極之受歡迎，當時開左唔少分店，風頭一時無兩，但時至而家只淨返荃灣一間店，可能因為佢地已將重點放係新嘅連鎖店「快樂小羊」上，但我始終都係覺得小肥羊更為正宗同抵食。 🥩🍔🌭🌮🥗🥯🥘🍲🍝🍣🥟🍤🍱 食物：餐廳keep住有做任飲任食放題，分別為4個價位，午市最平$1️⃣4️⃣8️⃣就已經有交易，而家等我同大家講下🐏🥘味道先。 🅰️餐 經典餐點 $1️⃣4️⃣8️⃣ - 因為小肥羊係已抵食為主，所以叫最平個set就性價比最高，而且呢個set已經有2款羊🐏 /1款牛🐮 /1款豬🐷 /2款海鮮，仲有出面自助吧超過70款配料任食，所以一定係性價比之冠。 🥘湯底 - 佢地有經典清湯/經典麻辣/皮蛋芫荽/蕃茄湯底，同幾款鴛鴦共9款選擇，但我每次都係叫經典鴛鴦鍋，因為佢呢兩個湯底係同羊肉最夾。 經典湯底入面有花椒/八角/當歸/丁香/枸杞/茴香/小茴香/龍眼肉等藥材，有好香藥膳味；另外，佢地個經典麻辣湯底真係都幾辣，係會越食越辣個種，如果怕辣但又想食嘅朋友，建議一早撈走部分辣椒，咁會有些許幫助。 🐏羊肉 - 最平個set包左招牌AAA羔羊肉及香茜羊肉滑：羔羊肉正常水準，有輕微羊臊味，比一般酒樓火鍋個d羊肉片好百倍；羊肉滑淥完個肉質有d似山竹牛肉球，但羊臊味十分濃烈，我自己就好鍾意嗰浸羊臊味。 🐮牛肉 - 牛肉就得一款美國精品肥牛，就係普通係火鍋店食到嘅一般火鍋牛肉，反而佢地自助區有得攞嘅滑牛片比肥牛更加好食。 火鍋配料 - 火鍋配料放晒喺出邊自助區，種類都有6~70款，包括不同嘅蔬菜/菇菌類，仲有鮮雞件/滑牛片/豬紅/豬肚/豬皮/牛柏葉/吊桶/水魷魚及各色丸類。 ☕️🍵🥤🧋🍺🍷🥃🍹🧉🍾🍶🥛 飲品 : 飲品都係自助形式，包括有罐裝汽水及茶，仲有清熱飲，種類就唔算好多，大約有10款。 🍽環境：餐廳位置食肆林立嘅荃灣大鴻輝中心，佔地係全層，所以地方好寬敞闊落，有大量卡位，而且可以枱之間嘅空間好足夠，仲有大量落地玻璃，采光好夠光猛，整潔程度就正正常常。 🤵🏻🤵🏻‍♀️🤵🏻‍♂️服務：全程只見到得兩名店員係舖面工作，但佢地都相當勤快及有禮，因為當時唔算爆場，所以兩個人做起來都仲應付到。 💰💸價錢：午市最平套餐只係$1️⃣4️⃣8️⃣，連埋加一費用，埋單一個人大約$1️⃣6️⃣0️⃣左右，價錢真心抵同高性價比。 🐲💬總結：我差唔多半年就會想嚟食一次，可能係因為出面火鍋店嘅羊肉片同小肥羊根本唔同一回事，所以每隔一段時間都會嚟食一次止下癮。 推薦指數：❤️❤️❤️❤️🤍

📌 FooDo - 旺角通菜街1A-1L號威達商業大廈地下C號舖 🗓(2/11) 星期四 ⏰ 晚上7點左右
💈特式：行開旺角，見到呢間手工意粉/薄餅店，標榜自家制醃肉，而且大部分材料均選用日本進口，包括日本麵粉及雞蛋，所以就去左試一試。 🥩🍔🌭🌮🥗🥯🥘🍲🍝🍣🥟🍤🍱 食物：餐廳主打係手工/自家制意粉同薄餅。另外，仲有幾款小食同特式甜品，而家等我同大家講下🍝🍕味道先。 🦐🍝蕃茄汁鳳尾虎蝦/菠菜葉配手作闊麵 $1️⃣0️⃣4️⃣ - 我幾鐘意呢間餐廳自家手作嘅闊麵，比一般意粉更加煙靭彈牙同食到蛋香味，而且掛汁能力強，蕃茄汁好香，味濃唔太酸，配埋3隻去殼虎蝦，同菠菜葉，整體感覺唔錯。 🧀🍕醃肉/菠菜葉/車打芝士手作薄餅 $9️⃣6️⃣ - 薄餅明顯係即叫即焗，上枱熱辣辣，長方形嘅薄餅偏向薄身批感覺，用上不規則嘅切法，自家制醃肉焗完之後多左份香脆口感，芝士亦處於半溶狀態，加埋輕輕烤焗過嘅菠菜葉，食落幾有層次感。 🍰焦糖脆脆蛋糕 $5️⃣4️⃣ - 好耐之前香港都有興過焦糖脆脆蛋糕，但近年就好似少見左，呢個蛋蛋size都唔細，足夠兩個人share，表面d cream好軟滑，入面蛋榚亦充滿蛋香，焦糖粒好脆口，亦唔會太甜。 🍨焦糖脆脆配雲呢拿雪糕 $4️⃣0️⃣ - 仲叫左佢另一款有焦糖脆脆嘅甜品，雪糕有濃濃嘅雲呢拿同奶香味，比一般大品牌嘅雪糕仲好食。 ☕️🍵🥤🧋🍺🍷🥃🍹🧉🍾🍶🥛 飲品 : 所有意粉/薄餅套餐都會免費配埋凍水果茶或者凍冷泡玄米茶，水果茶好香唔太甜，但我比較鐘意個冷泡玄米茶，味濃又唔澀。其實，仲可以加錢配其他飲品，例如冷泡咖啡/自家製湯等等。 🍽環境：餐廳佔地唔大，坐位不夠30個，裝修方面較簡單樸素，無太多花巧，牆身有幾幅掛畫點綴，餐廳主色為白色，感覺乾淨整潔同光猛。 🤵🏻🤵🏻‍♀️🤵🏻‍♂️服務：店員服務幾好，我估餐廳老闆應該對員工唔錯，因為餐廳寫明無加一服務費，但如果有客人比小費，會全數比晒員工作獎勵，所以佢地返工都會落力d。 💰💸價錢：叫左一個意粉套餐同一個薄餅套餐，包埋飲品，再加左兩份特色甜品，埋單都唔洗$3️⃣0️⃣0️⃣，價錢都算合理。 🐲💬總結：我幾滿意佢地d手工意粉同薄餅，對佢地d甜品更是有好高評價，比一般甜品店做得更好，而且佢地嘅焦糖脆脆仲有獨立包裝可以買走返屋企自己整甜品。 推薦指數：❤️❤️❤️❤️🤍

📌 知味土鷄專門店 - 土瓜灣馬頭圍道208號地舖 🗓(27/10) 星期五 ⏰ 晚上7點左右
💈特式：見附近呢間土雞專門店都開左一排，今晚咁啱又諗唔到食咩，所以就抱住試下伏嘅心態去同大家試一試佢。 🥩🍔🌭🌮🥗🥯🥘🍲🍝🍣🥟🍤🍱 食物：餐廳主力係賣雞食品，包括幾款唔同材料嘅雞湯飯，蒸雞/蒸排骨等家庭菜，仲有滷水食物，而家等我同大家講下🐥味道先。 蟲草花藥膳濃湯雞飯 $5️⃣8️⃣ - 上台係一鍋雞湯，配一碗白飯，雞湯都好濃味又大鍋，但土雞件份量就唔算多，而且雞肉比較瘦身，雞味普通，不過個湯底就真材實料，飲落無味精之餘，仲有種飲屋企煲嘅湯嘅感覺，整體都算合格。 五指毛桃濃湯雞飯 $5️⃣8️⃣ - 五指毛桃湯就比蟲草花湯清，但飲落都係足料無味精，同我自己平時喺屋企煲嘅五指毛桃湯差唔多，而且兩款湯入邊嘅雞肉都係唔同色，代表佢地唔係用一款雞肉放入唔同湯底，都算有心機。 ☕️🍵🥤🧋🍺🍷🥃🍹🧉🍾🍶🥛 飲品 : 餐廳有普通罐裝汽水/烏龍茶，仲有蜂蜜紅棗茶/蜂蜜柚子薑茶/鹹檸樂/鹹檸七。 🍽環境：餐廳感覺就係家庭式營運，地方細細，大約只有10個位左右，裝修就一般，但都算光猛整潔。 🤵🏻🤵🏻‍♀️🤵🏻‍♂️服務：店員只有老闆娘一人，廚房就由老闆負責，老闆娘待客都幾有善，一腳踢都保持良好態度。 💰💸價錢：佢地嘅招牌雞湯飯每款都係$5️⃣8️⃣，最貴嘅花膠雞湯飯都只係$6️⃣8️⃣，當係出面飲個燉湯都要差唔多價錢，所以都算合理範圍。 🐲💬總結：有時忙得滯，唔想自己煲湯，幾十蚊可以飲到一煲無味精嘅湯，都算係一個唔錯嘅選擇。 推薦指數：❤️❤️❤️❣️🤍

📌 Cafe Gabbana - 九龍城南角道62號地舖
🗓(25/10) 星期三 ⏰ 晚上6:30左右


💈特式：襯今日放假，可以搵間舒服嘅西餐廳食個晚飯慢慢享受下，見到近近地係九龍城有呢間多國菜西餐廳，所以等埋另一半收工就一齊去試下。


🥩🍔🌭🌮🥗🥯🥘🍲🍝🍣🥟🍤🍱
食物：餐廳唔止做單一國家菜式，分別以🇪🇸西班牙/🇩🇪德國/🇫🇷法國/🇮🇹意大利菜式為主，再加入餐廳自家元素，而家等我同大家講下🌍味道先。


叫左兩個Special Dinner Set，套餐會包左餐湯/沙律配前菜/主菜/餐飲，都幾滿足，價錢就睇下你揀乜主菜以定，大致上都係$3️⃣0️⃣0️⃣左右。


🥣餐湯 - 今日是日餐湯就係洋蔥湯同椰菜花湯，我地就試晒兩款。洋蔥湯好足料，入面有大量洋蔥絲，味濃但唔會辣口，反而仲有陣陣洋蔥甜味；椰菜花湯好creamy，入口絲滑，而且椰菜花味極濃，飲得出椰菜花嘅精華。跟餐湯亦配左每人兩片蒜蓉多士，蒜蓉味唔算好濃，但就好香脆。


🥗沙律配前菜 - 沙律就係藜麥雜菜沙律，配搭嘅前菜有4個選擇，包括西班牙豬腩片同焗牛油果蟹肉，另外仲可以加錢轉法國鵝肝或者半打法國田螺，我地就揀左唔洗加錢個兩款。
西班牙豬腩片我覺得好出色，grill得好香，腩片係帶有豬皮，豬皮位入口煙韌，就連d脂肪位都唔會覺得肥膩，配埋個燒汁，好高水準；焗牛油果蟹肉就係比較清淡嘅選擇，牛油果配埋蟹肉一齊焗，口感軟滑，而且牛油果本身味淡，就可以食得出蟹肉嘅鮮味。


🐷🍎煎豬鞍配蘋果芥末 - 呢個店員推介係餐廳招牌菜式，真係相當唔錯，切落肉質非常軟淋，切開仲見到淡淡粉紅色，入口未去到即溶，但根本唔需要過多咀嚼，個蘋果芥末醬唔會過甜，食得到蘋果香，仲有微微芥末味，極之出色嘅一道煎豬鞍。


🐮燒牛仔膝 - 燒牛仔膝唔係炆到好腍個隻質感，保留到有咬口但一d都唔韌，用左香草去腌製同燒，食到濃郁香草味，但又唔會蓋過牛膝本身原有嘅牛味，個醬汁仲做到畫龍點睛嘅效果，係一個唔錯嘅配搭。


☕️🍵🥤🧋🍺🍷🥃🍹🧉🍾🍶🥛
飲品 : 餐廳飲品種類就唔算多，除左啤酒同餐酒之外，都有幾款意大利咖啡選擇，我地就揀左青檸梳打同西班牙特飲 Sangria，青檸梳打入口好fresh，味道好醒神開胃，西班牙特飲就有少許酒精，易入口，十分適合女士飲。


🍽環境：餐廳環境好有格調，非常有藝術氣息，由門口到室內嘅裝修，配埋餐廳內掛滿嘅畫作，都比人感覺置身法國與意大利嘅畫廊咁，感覺好典雅舒服，氣氛又好，坐位同台面亦都有足夠嘅空間，整體感覺超正。


🤵🏻🤵🏻‍♀️🤵🏻‍♂️服務：店員服務好好，好詳細介紹餐牌，感覺好專業，上菜時間亦控制得宜，每道菜上枱嘅時間銜接得好準，唔會擺到成枱野，又唔會等好耐都未有野食上枱，呢個細節位唔係間間西餐廳肯去做，所以整體感覺好加分。


💰💸價錢：佢地個Dinner Set大約$3️⃣0️⃣0️⃣左右/人，我覺得呢個價錢食到呢個級數係抵食，加埋個餐廳環境/情調/細心，真係無可挑剔。


🐲💬總結：將來大家去開九龍城，唔洗淨係食泰國菜，可以多一個西餐廳選擇比大家，佢仲有另外嘅不少主菜感覺都好吸引，希望之後會有機會再嚟試下。


推薦指數：❤️❤️❤️❤️❣️

📌 滾爺火鍋 - 旺角上海街428號地舖 🗓(22/10) 星期日 ⏰ 下午4:30左右 💈特式：近日天氣逐漸轉涼，又係出動打邊爐嘅好時機，但任食火鍋都開始食到厭，所以今日就去到旺角搵左間出名食椰子雞鍋嘅火鍋店同大家去試下。 🥩🍔🌭🌮🥗🥯🥘🍲🍝🍣🥟🍤🍱 食物：餐廳係以散叫為主，但都有一些2至6人套餐選擇，除咗椰子雞鍋之外，佢地其他湯底大部分都係用上湯熬製，而家等我同大家講下🍲味道先。 🥥🐥招牌椰子雞鍋 $2️⃣4️⃣8️⃣ - 個椰子雞鍋係職員現場用兩個椰青同兩個椰皇，再加埋d椰子肉同馬蹄去烹製，全程無加到一滴水，完全係可以享受到椰青同椰皇嘅香同清甜。 雞就有半隻份量，係用上新鮮雞，所有材料加埋一齊熬製，待湯底在滾起再焗幾分鐘，先飲一碗椰味濃郁嘅湯底，再食嫩滑重雞味嘅鮮雞，一大享受，最尾個湯底比我一滴不漏地清晒。 手打四寶丸 $8️⃣8️⃣ - 四寶丸分別係牛丸/蝦丸/墨魚丸/鯪魚丸各兩粒，全部都係自家製手打，上枱隻碟亦都好特別。 新鮮打手嘅丸一向都係特別好食，呢四款丸都各有唔同口感/特式，當中我最鐘意就係墨魚丸同蝦丸，用料十足。 🦐手包鮮蝦雲吞 $4️⃣4️⃣ - 呢個價錢有4粒，都係餐廳自家純手工包製，比起出邊食到嘅雲吞細粒，今餡料都好豐富同飽滿，而且塊皮入口好煙靭，每粒雲吞入邊嘅蝦肉亦都爽口彈牙。 🥟手包韭菜餃 $4️⃣0️⃣ - 呢個都係4粒，淥熟後晶凝通透，睇到入面滿滿嘅餡料，韭菜味濃，仲有一陣好強烈嘅香甜，真係一個不錯嘅選擇。 ☕️🍵🥤🧋🍺🍷🥃🍹🧉🍾🍶🥛 飲品 : 餐廳飲品都好多選擇，有椰青椰皇/紅白酒/啤酒/汽水同樽裝茶等等，我就當然叫打邊爐唔一定少得嘅大樽裝啤酒啦。 🍽環境：環境裝修以黑色為主，分上下兩層，樓下以梳化卡位為主，樓上就係較大張嘅圓枱，餐廳環境及醬料區都keep到整齊乾淨，座位亦坐得舒適。 🤵🏻🤵🏻‍♀️🤵🏻‍♂️服務：餐廳職員好nice，會同客人好詳細咁解釋餐牌，係幫忙處理湯底時亦會比足夠時間客人影相打卡，適當時亦會主動詢問客人需唔需要加湯之類。 💰💸價錢：今日咁樣一餐連埋椰子雞鍋底，埋單都係$5️⃣0️⃣0️⃣左右，佢比到你呢個環境/味道/質素都叫做合理， 🐲💬總結：我覺得呢間火鍋店都做得好出色，地點又就腳，雖然價錢唔講得話好平，但勝左質素取勝。 推薦指數：❤️❤️❤️❤️🤍