📌 Bingo & Cook - 銅鑼灣駱克道487-489號駱克駅2 🗓(3/1) 星期三 ⏰ 晚上6:30左右
💈特式：今日收工，約左朋友係銅鑼灣食個靚飯，上網見到呢間韓國餐廳正評數量竟然超過1.4K，點睇都肯定唔會差，所以就去食返餐韓國正菜。 🥩🍔🌭🌮🥗🥯🥘🍲🍝🍣🥟🍤🍱 食物：佢地餐廳最出色應該係醬油海鮮/韓式煎餅/韓式鍋/炸雞等等，尤其是醬油海鮮類食物同炸雞，見到大部分人枱面都有叫，肯定佢有返咁上下水準，而家等我同大家講下🇰🇷味道先。 🇰🇷🦐🍚醬油蝦(連飯) $2️⃣6️⃣0️⃣/7️⃣pcs - 呢個價錢有7隻醬油蝦，比出面其他韓國餐廳都平，上枱時已經見到隻隻蝦都好大隻，而且充滿醬油光亮嘅色澤，視覺效果好滿足，仲可以就咁食或者撈飯兩種食法。 首先我地試左就咁食，肉質極之鮮甜，蝦頭多膏味道甘香，而且一d都唔腥，配埋微甜嘅醬油，清新感十足。 之後我地拆左d蝦肉再混合醬油同紫菜飯撈埋一齊食，味道超乎想像的好，起碼可以食到兩碗飯。 🐮🍄牛肉蘑菇鍋 $2️⃣2️⃣8️⃣ - 個鍋成隻飛碟咁大，入面有醃製過嘅韓式牛肉，大量菇菌同配菜，另外仲有韓式粉絲同年榚，份量都好多，個湯底吸收晒菇菌嘅香味，再入晒落d韓式粉絲度，成個感覺好夾，全鍋每樣野都吸收晒d精華。 🍯🧈🍗蜂蜜黃油無骨炸雞(半份) $1️⃣3️⃣0️⃣ - 半份嘅份量都好大，有大約8~9件，每件都好大件，要3~4啖先食得完，外表炸得好香口，但又唔會好油膩，最值得欣賞係佢地個蜜糖黃油醬，有d似蜜糖芥末嘅味道，係餐廳自家製，出面食唔到。 ☕️🍵🥤🧋🍺🍷🥃🍹🧉🍾🍶🥛 飲品 : 餐廳有汽水，仲有幾款韓式梳打/奶昔/特飲。除此之外，韓國啤酒/燒油/米酒等款式同種類都幾多。我今日就叫左杯Coronarita柚子特飲嚟襯海鮮，朋友唔飲酒就叫左杯柑橘奶昔，真係有成個柑橘係隻杯上面，柑橘味香濃，奶昔底幼滑唔太甜。 🍽環境：餐廳設計都幾特別，佢有兩排類似自修室既坐位，一排係向窗，可以望街景；另一排就向內牆身，但向牆個邊餐廳都花左好多心思去裝飾，有大量打卡亮點，所以一點都唔會比向窗個邊差。 🤵🏻🤵🏻‍♀️🤵🏻‍♂️服務：餐廳部份員工係正宗韓國人，主力用英文溝通，而其他員工服務態度都好，親切而且主動有禮貌，介紹菜式同講解特色菜都好詳情清晰。 💰💸價錢：呢餐食左咁多野，仲有韓國醬油蝦食，加埋兩杯高質特飲，埋單都只係$8️⃣0️⃣0️⃣，係銅鑼灣區食到咁高質嘅韓國海鮮都算抵食。 🐲💬總結：我本身都好鐘意食醬油蝦/蟹，但香港比較少做得好食，一係就價錢好貴，呢度嘅醬油海鮮算係高質素而且價錢又合理，所以下次我再想食醬油蝦/蟹時都會再選擇佢。 推薦指數：❤️❤️❤️❤️❣️

📌 等等HEA - 九龍城福佬村道41號地舖 🗓(30/12) 星期六 ⏰ 下午2:30左右
💈特式：呢間餐廳係秋季通常都會做大閘蟹放題，我之前都試過一次，整體感覺都唔錯。所以今次見佢地做冬季古早羊腩煲+香辣雞煲+南乳豬手煲放題，就梗係要再嚟試多次啦。 🥩🍔🌭🌮🥗🥯🥘🍲🍝🍣🥟🍤🍱 食物：餐廳做緊$3️⃣9️⃣9️⃣買一送一，可以任食古早羊腩煲/香辣雞煲/南乳豬手煲，真係一次過可以滿足三個願望，而且每款煲都有做包埋煲嘅外送服務，方便鍾意安坐家中食好野嘅朋友，而家等我同大家講下🐐🐥🐷味道先。 🐐秘製古早羊腩煲 - 羊腩煲上枱已聞到好香羊味，而家味道真係唔錯，完全唔似係任食嘅質素，味道香濃又唔會太咸，羊肉炆得夠淋，就連比較大舊嘅肉都係炆到好淋，羊皮亦有咬口，入面配料仲有竹蔗/冬筍/冬菇/馬蹄/炸支竹等等，最正係個腐乳醬，餐廳寫明係採用正宗台灣江記豆腐乳，酒味零舍香同濃，味道同平時食到嘅完全唔同。 🐥台式香辣雞煲 - 個雞煲會偏乾身個款，所以特別香口，預設嘅辣度辣中帶少少甜味，佢個醬汁好味同惹味，雞肉都好新鮮，不過建議鐘意食辣嘅朋友可以佢地加辣，相信會食得更過引。 🐷台南南乳豬手煲 - 豬手煲好香南乳味，d味仲要入晒落豬手度，豬毛處理得好乾淨，而且炆得夠淋又有膠質，有Q彈嘅感覺，個南乳汁超正，我之後都再追加左一煲用嚟打邊爐。 另外仲可無限追加火鍋配料同台式小食，而且種類都唔少。 火鍋配料有美國肥牛/台式芋頭條/白蘿蔔/麻辣鴨血/萵筍/澎湖花枝丸/爆汁貢丸/冰豆腐/西洋菜/唐生菜/娃娃菜/新鮮枝竹/台式水餃。 台式小食就有士林鹽酥雞/蚵仔滷肉飯/阿宗麵線/爆汁貢丸/仙草手工芋圓。 ☕️🍵🥤🧋🍺🍷🥃🍹🧉🍾🍶🥛 飲品 : 任食放題加優惠價$2️⃣8️⃣就可以無限追加台式飲品，如果follow餐廳專頁，而家tag同share，仲會贈送免費無限任飲台式飲品及啤酒汽水，種類都有成20款咁多。 🍽環境：餐廳佔地就唔算好大，但兩邊都共有7張舒適嘅四人卡位，而且地方都乾淨整潔。不過正正因為地方唔大，所以想嚟食嘅朋友記得book定位會穩陣d，而且餐廳如果預早book位有時會有d特別優惠。 🤵🏻🤵🏻‍♀️🤵🏻‍♂️服務：幾個店員姐姐服務都好好，上菜速度都幾快，食物份量就係以人頭計算，不過店員周不時都會關心客人夠唔夠食，需唔需要追加食物等，落單係用紙仔落單，不過如果想環保d都可以就咁向店員口頭落單都得。 💰💸價錢：而家呢個3款煲任食放題，做緊優惠價$3️⃣9️⃣9️⃣買一送一，就算計埋加一都只係$2️⃣0️⃣0️⃣多d一個人，真係都咪話唔抵食。 🐲💬總結：我覺得今次餐廳做呢個優惠真心抵，而且一個價錢可以滿足羊/雞/豬3個願望，而且3種煲質素都好鬼高，真係啱晒識飲識食嘅朋友幫襯。 推薦指數：❤️❤️❤️❤️❣️

📌Yadllie Plate 야들리애플래이트 (兆萬中心) - 旺角西洋菜南街1N號兆萬中心11樓 🗓(17/12) 星期日 ⏰ 晚上8:30左右 💈特式：今日出左旺角行到好夜先食晚飯，所以特別肚餓，見到呢間韓式餐廳係兆萬劣食之塔入面都得到咁多正評，一定有佢唔簡單之處，所以就去一試究竟。 🥩🍔🌭🌮🥗🥯🥘🍲🍝🍣🥟🍤🍱 食物：餐廳當然主打韓式食物，例如炸雞/韓式五花肉/魚介湯鍋/部隊鍋/炒年糕等等，最特別仲可以食到雪冰甜品，而家等我同大家講下🇰🇷🍗味道先。 🐮火炙牛😤$9️⃣8️⃣ - 個火炙牛上枱後，會有店員幫你用火槍即場再燒熱，將牛肉既油香再一次迫出嚟，令你食入口充滿油脂香味，牛肉亦唔算薄身，食落都有口感，而且肉質淋滑juicy，本身個調味亦都幾夾。 🍢魚介湯鍋 $2️⃣3️⃣8️⃣ - 呢個湯鍋真係好震撼，我見差唔多每張枱都有叫，佢係成鍋上到你枱面，就好似去日本旅行時d便利店個鍋關東煮咁。個湯鍋入面有韓式魚榚/腐皮/魚餅/雞蛋/白蘿蔔/年糕條/菇類/蔬菜/大量京蔥絲等等，除左食物種類多之外，每款都索晒個魚介湯，勁入味好食。 🐷白切五花腩 $2️⃣8️⃣8️⃣ - 呢個五花腩睇menu就已經好吸引，除左白切仲有滷水味，我就覺得白切可以食到豬肉本身嘅味道，每片五花腩都好厚身，而且肥瘦均勻，但食落完全唔肥膩，用生菜包住再加上韓辣醬，京蔥絲同蒜片，真係韓國菜必點食物之一。 🍈🍧蜜瓜雪冰 $8️⃣8️⃣ - 呢個蜜瓜雪冰做得比出面嘅甜品舖仲要好，d冰沙好幼滑，綿身得嚟完全無顆粒，啖啖充滿蜜瓜香味，除左好多蜜瓜肉之外，中間仲插住一條韓國melona蜜瓜雪條。 ☕️🍵🥤🧋🍺🍷🥃🍹🧉🍾🍶🥛 飲品 : 飲品方面有好多沙冰/梳打/水果茶/韓國米酒/啤酒/燒酒等選擇，我地就叫左一樽大Jar裝百香果水果茶，一樽有900ml咁多，比起逐杯散叫會抵好多。另外，仲叫左一罐白熊小麥啤，我都係第一次飲呢隻，麥味香又唔苦。 🍽環境：餐廳地方都幾大，目測大約有100個坐位，大部分都係梳化卡位，主要係用木系裝修風格，配以水泥牆設計，如果坐窗口位，景觀仲十分開揚，整體十分光猛乾淨。 🤵🏻🤵🏻‍♀️🤵🏻‍♂️服務：店員服務幾好，上菜速度又快，餐廳係用QR Code落單，每枱坐位亦都會設有獨立呼喚鈴，而且部分坐位仲設有USB供客人充電，認真細心，值得加分。 💰💸價錢：平時係旺角食韓國野都唔平，但呢度每個主菜平均都係$120~250左右，飲品如果揀大樽裝亦幾抵，可以慢慢坐下飲下野都唔錯。 🐲💬總結：我覺得成餐所有食物都做得唔錯，另外見到好多人都叫嘅不同款炸雞都好吸引，但真係食唔落咁多野了，唯有等下次再試啦。 推薦指數：❤️❤️❤️❤️🤍

📌 極上帝王水產 - 旺角西洋菜南街1N號兆萬中心9樓 🗓(18/12) 星期一 ⏰ 晚上7點左右 💈特式：今日又出左旺角，想搵下日式放題食，去左出名多放題餐廳嘅兆萬中心，見到呢間係「兆萬」相對比較多正評嘅「極上帝王水產」，就親自去試一下佢地嘅食物質素。 🥩🍔🌭🌮🥗🥯🥘🍲🍝🍣🥟🍤🍱 食物：同大部份放題餐廳一樣，佢地都係會分開唔同價位，由最平$2️⃣8️⃣9️⃣ - 最貴$5️⃣6️⃣9️⃣不等，當然越貴就會越多食物種類，質素亦會越高，我今次就試左佢中價位個「極上套餐」set，而家等我同大家講下🎌味道先。 極上套餐會比最平個set貴$100左右，但就會多左9款食物任食同清酒/梅酒任飲，9款食物包括新鮮日本生蠔/海膽軍艦/迷你榴槤流心筒/芝士榴槤多士/紅酒藍莓鵝肝/厚切鰻魚串/原隻甜蝦/巨型赤蝦/磯煮鮑魚。每款我都有試，真係意想不到地出色，尤其是d日本生蠔，新鮮程度拍得住大酒店級數，海膽都好新鮮，而且無明礬味。 此外，每位入座會即送🦀鱈場松葉海鮮鍋或🐮日式和牛壽喜燒鍋一份，我咁鐘意食壽喜燒就梗係揀食壽喜燒啦。 佢地個壽喜燒一d都唔馬虎，係會上一個薄身鑄鐵鍋比你自己烹調，跟住餐廳提供嘅教學，先放牛油起鑊，再自行放入牛肉或其他想食嘅配料，再加入壽喜燒汁煮一陣就食得，味道都拍得住出面d日式料理餐廳，牛肉同配料仲可以無限追加。 仲有，如果提早訂位仲會有每人一款特式食物送，我地就揀左油甘魚厚切2片同松葉蟹膏蓋燒，油甘魚肥美，松葉蟹膏蓋就會有專人幫手處理。 最後，其他任食食物種類真係多不勝數，包括刺身/前菜/沙律/天婦羅/和風小食/炸物/爐端燒/壽司/手卷/軍艦/特式壽司/熟食/多國菜/火鍋配料，種類超過130款。 🐟刺身中我最推介係厚切三文魚/北寄貝/榮螺/帶子/甜蝦/赤背/馬刀貝。 其他推介嘅有以下各款： 天婦羅 - 巨海老/松葉蟹； 和風 - 蒜片和牛粒/避風塘雞軟骨粒； 炸物 - 芝麻雞翼/吉列廣島蠔； 爐端燒 - 燒羊肉串/燒海蝦/燒牛舌/焦糖燒菠蘿 多國菜 - 大蝦冬陰功湯 因為款式真係太多，而我肚腩位置有限，如果有興趣嘅朋友就自己再探索下其他好食嘅野。 ☕️🍵🥤🧋🍺🍷🥃🍹🧉🍾🍶🥛 飲品 : 飲品都係自助形式，自行出去雪櫃度攞，包括左多款罐裝汽水，梳打水，啤酒及大量紙包果汁/飲品，粗略估計超過30款，選擇真心多。 🍽環境：餐廳地方都幾大，差唔多全部都係梳化卡位設計，佈置亦有不少日式風格，因為餐廳都開左唔短日子，所以唔會話好新淨，但整體都乾淨整潔，光猛四正。 🤵🏻🤵🏻‍♀️🤵🏻‍♂️服務：店員服務都幾好，上菜速度快，又無扣單或者扣份量情況出現，仲會成日派濕紙巾比我🤣，落單係用QR Code落單，介面都簡單清晰易明。 💰💸價錢：我今日係平日晚市去，平時係旺角區要食個咁多食物種類嘅日式放題，仲要有日本生蠔任食，價錢都同呢度差唔多，大約係$4️⃣0️⃣0️⃣多d，所以呢度價錢都算係合理範圍。 🐲💬總結：我覺得呢間日式放題無論食物種類同質素都唔錯，而且餐廳話會不定時推出期間限定食物，等食客唔會好快食到悶。 推薦指數：❤️❤️❤️❤️🤍

📌 森．湯咖哩 - 觀塘駿業街56號中海日升中心2樓C號舖 🗓(21/12) 星期四 ⏰ 晚上7點左右
💈特式：湯咖哩係日本北海道的一種特產食品，香港比較少有得食，可況好似呢間餐廳用嚟做主打就更加少。湯咖哩係指湯羹形式的咖哩製作品，發源地主要以札幌及附近地區。 🥩🍔🌭🌮🥗🥯🥘🍲🍝🍣🥟🍤🍱 食物：餐廳除左湯咖哩之外，烏龍麵(即係烏冬)，都係餐廳主打推介食物之一，而家等我同大家講下🍛味道先。 🍜香煎帶子烏龍麵 $9️⃣4️⃣ - 烏龍麵可加$1️⃣0️⃣包埋前菜及飲品，湯底就有3款可選擇，包括蕃茄/咖哩/沙茶，因為我仲會試湯咖哩，所以呢個就要左蕃茄湯底，蕃茄味好濃郁，而且唔會好酸，反而帶有少少清甜味。佢每款烏龍麵都會配左半熟糖心蛋/鳴門卷/粟米/原片紫菜；另外主菜有7款可以選擇，我地就揀左香煎帶子，帶子有3粒，粒粒都好大粒，而且非常厚身，食落亦新鮮爽口。 北海道湯咖喱 $8️⃣7️⃣ - 味道可以揀正常/小辣/中辣，本身個湯咖哩會包左10款時令蔬菜同一碗日產珍珠米，蔬菜有薯仔/西蘭花/粟米芯/茄子/紅椒/蕃茄仔/蘿蔔/雞髀菇/南瓜/秋葵。主菜亦都係有7款可以選擇，呢個我就揀左慢煮灸燒雞叉燒，可能因為慢煮嘅關係，雞肉比平時食到嘅更juicy，口感又淋滑，表面會有少少灸燒香；咖哩湯香濃，偏向日式甜咖哩，所以唔會好辛辣刺激。 🐟脆皮燒魚卷/🦑魷魚卷 - 個燒魚卷就係跟餐加$1️⃣5️⃣換購有一條，燒魚卷就即係燒製嘅獅子狗。 魷魚卷就係散叫$2️⃣2️⃣有兩條，都係熱辣辣燒製的，兩款都係送酒一流嘅小食。 🐥岩手縣雞串燒套餐 $1️⃣0️⃣0️⃣ - 餐廳仲做緊個串燒套餐優惠，100蚊有6串即燒串燒，餐廳標明係使用日本岩手縣雞，串燒set有2個可以選擇，我就揀左set B，包左雞肝/雞心/雞腎/冬菇/四季豆/蒜心各一串，仲會送一杯Suntory生啤，認真超值。 ☕️🍵🥤🧋🍺🍷🥃🍹🧉🍾🍶🥛 飲品 : 加$1️⃣0️⃣套餐飲品可以揀綠茶或汽水，我地就揀左綠茶，都幾大杯，入口清新，正正可中和咖哩嘅濃味。另外，佢地有做全日Suntory生啤$5️⃣8️⃣買一送一，鐘意飲返兩杯嘅朋友就唔好錯過喇。 🍽環境：餐廳都幾多位置，入面牆身部分做左日系同蔬果嘅塗鴉，枱凳方面用上木系，擺得都算鬆動，坐得幾舒服，地方亦都光猛整潔。 🤵🏻🤵🏻‍♀️🤵🏻‍♂️服務：店員服務好，上菜速度快，落單係用QR Code落單，介面都簡單清晰易明。 💰💸價錢：第一次係香港食湯咖哩，叫左兩個set加埋飲品，仲有串燒set同啤酒，埋單都係$3️⃣5️⃣0️⃣左右，價錢都叫做合理。 🐲💬總結：我覺得呢間嘅湯咖哩幾啱我口味，食物質素亦ok，尤其是抵食嘅串燒啤酒set，加上環境亦唔錯，推介。 推薦指數：❤️❤️❤️❤️🤍

📌 越一越南牛肉粉專門店 - 黃大仙鳳凰新村環鳳街12號地舖
🗓(16/12) 星期六 ⏰ 晚上6點左右


💈特式：黃大仙區都有不少價錢親民嘅美食，今日去左食呢間越南餐廳，除左價錢大眾化，分量大，食物質素仲幾好，值得再幫襯。


🥩🍔🌭🌮🥗🥯🥘🍲🍝🍣🥟🍤🍱
食物：餐廳主打越南特式湯粉/撈檬/小食/米紙卷/法包等，仲有不少越南特色飲品，而且每款價錢都係好抵食，而家等我同大家講下🇻🇳味道先。


🚂🍜火車頭套餐 $1️⃣7️⃣8️⃣ - 去親越南餐廳必點嘅就係火車頭湯粉，呢個套餐除左包左一碗2人份嘅火車頭湯粉之外，仲有兩份4選2嘅小食，同埋可以用優惠價加配特飲。

個火車頭湯粉上一枱都嚇一跳，成個花盆咁大，份量十足，粉底可以揀河粉/金邊粉/檬粉，我就揀左金邊粉，貪佢比河粉更有咬口，口感更彈牙；湯底就係用上傳統牛骨湯底，湯頭鮮甜，牛味濃郁，餐廳應該用左好大量牛骨去熬製而成；其他材料就有生牛肉/牛坑腩片/牛丸/牛柏葉，種類同份量都唔少；整體係一碗性價比高，傳統又好味嘅火車頭湯粉。

小食我就揀左炸蝦餅同扎肉蒸粉包，呢兩個都係人氣爆燈嘅越南傳統小食，蝦餅做得幾厚身，味道都合格以上。反而個扎肉蒸粉包就真係好高質，皮薄餡料豐富，有大量木耳/豬肉同其他配料，調味亦得宜。


🥗燒豬頸肉青木瓜沙律 $5️⃣8️⃣ - 青木瓜沙律都係我去越南餐廳必點之一，佢呢個豬頸肉份量好多，青木瓜絲脆卜卜，整體酸酸辣辣，十分清新開胃。


🐥法式牛油蒜蓉雞翼 $4️⃣2️⃣ - 一份雞翼有4隻，尺寸都幾大同厚肉，表面燒得金黃酥脆，入面肉質就保留到嫩滑juicy，不過如果蒜蓉味再重d就會仲好。


🐔車河酸辣鳳爪 $5️⃣6️⃣ - 無骨酸辣鳳爪都係我至愛之一，呢份一碟有成17~8隻，而且隻隻爽脆，真係比我過足口癮。


☕️🍵🥤🧋🍺🍷🥃🍹🧉🍾🍶🥛
飲品 : 餐廳除左港式飲品之外，仲有差不多20款越式飲品提供，我地就用套餐優惠價$2️⃣6️⃣叫左個椰青同$1️⃣8️⃣叫左一杯倒立忌廉柚子沙冰，個椰青非常鮮甜潤喉，倒立沙冰我之前係其他越南餐廳都飲過，除左好味之外，視覺效果亦係一流。


🍽環境：餐廳地方雖然唔算好大，但坐位都唔少，除左兩邊2人卡位同長卡位之外，中間亦有幾張4人枱，裝修就用上木系再配以橙/藍兩隻主色，比人感覺好shape醒，而且牆身仲會掛上一些同越南有關嘅佈置，枱面空間亦都好夠大，上晒菜仲有大量空間，亦坐得好舒服。


🤵🏻🤵🏻‍♀️🤵🏻‍♂️服務：店員服務態度都幾好，會主動向客人講下店舖有咩特式/推介等，上菜/執枱速度亦都好快，同埋可能呢度係做街坊生意多，所以店員同食客都有傾有講。


💰💸價錢：咁左成枱咁多嘅野食，兩個大人都真係食唔晒咁滯，加埋而家做緊七周年優惠，全日都享有八五折(不過只係做到今個月尾)，埋單都只係$3️⃣0️⃣0️⃣左右，餐廳仲要全日無加一收費，呢個價錢真係算係相當親民。


🐲💬總結：我覺得佢地食物質素都唔錯，而且款式同種類都算多選擇，價錢又超抵，我應該會再嚟試埋佢地其他食物，例如咖喱牛腩/法包/撈檬等等...


推薦指數：❤️❤️❤️❤️❣️

📌 洋食商店 - 長沙灣福榮街538號喜遇地下2號舖
🗓(7/12) 星期四 ⏰ 晚上7點左右


💈特式：今日去開長沙灣搵朋友，見到呢間門面好昭和氣息嘅餐廳，店內裝修亦極具日本特色，感覺類似西日式嘅居酒屋，所以就決定入去食個晚飯順便打下卡。


🥩🍔🌭🌮🥗🥯🥘🍲🍝🍣🥟🍤🍱
食物：餐廳主打係日本洋食，例如壽喜燒/炸物/串燒/居酒屋小食/甲羅燒/章魚燒/炊飯等等，而家等我同大家講下🎌味道先。

因為睇完餐牌發覺樣樣都想試，但肚皮位置有限，所以就叫左佢地個洋食商店招牌套餐，價錢由$4️⃣3️⃣8️⃣起，套餐包左一份主食炊飯/燉飯，兩款自選小食，一份串燒拼盤，仲可以用優惠價$2️⃣8️⃣追加特飲。


🥚明太子玉子燒 $5️⃣8️⃣ - 呢個玉子燒好推介大家叫，上枱時已經見到玉子燒十分厚身，再鋪上滿滿明太子醬，上枱時職員會現場用火槍嚟一個炙燒處理，最後再舖上成碗滿滿蟹子，視覺效果一流，而且玉子燒蛋味香濃，再加上明太子嘅咸鮮味，同爽口嘅蟹子，味道亦係一絕。


🔥日燒金錢肚 $6️⃣8️⃣ - 個金錢肚質地煮得好軟淋，一d都唔韌，醬汁就配以關西燒醬汁，味道都幾夾，表面再有灑上木魚片同海苔，上枱時木魚片仲郁下郁下，十分吸引。


🍢串燒拼盤 $1️⃣6️⃣8️⃣ - 個拼盤入面有燒蝦、五花腩、雞翼、冬菇、秋葵同菠蘿，串燒上枱全部都熱辣辣，當中五花腩/冬菇/菠蘿就較為出色，五花腩香口，冬菇juicy、菠蘿鮮甜，再配埋佢地自家製嘅墨西哥辣醬，微辣中極為惹味。


🐮🍚極黑牛頸脊壽喜燒奶油燉飯 - 個壽喜燒係用上關西風格煮法，全程會有職員服務，首先會先落粗黃糖熬出焦糖再用牛油起鑊，之後就逐片牛肉慢慢煎香，極黑牛頸脊牛味香濃，質感軟滑，食完肉之後，職員會開始幫手煮蔬菜。最後，再用返個湯底加入黑松露奶油飯，個燉飯除左吸收到牛鮮味之外，仲有大量黑松露香氣，同埋creamy嘅奶油，好似食緊Risotto咁，如果碗飯再大碗d就好喇，因為真係好好食。


☕️🍵🥤🧋🍺🍷🥃🍹🧉🍾🍶🥛
飲品 : 餐廳有唔少日式酒品，例如清酒/汽泡酒/生啤/紅白酒等，我地就無叫酒，用套餐優惠價$2️⃣8️⃣叫左杯粒粒蜜桃水果茶同雪糕梳打。水果茶茶底可以揀鴨屎香烏龍或者阿薩姆紅茶，雪糕梳打亦可以選擇唔同嘅汽水做底。


🍽環境：環境由外到內都充滿濃濃的昭和年代氣息，室內裝修及擺設都極之有心思，令人彷彿置身日本嘅懷舊洋食店咁，就連個menu都好有日本feel，用上大量日文同插圖，整體感覺/氣氛都好relax。


🤵🏻🤵🏻‍♀️🤵🏻‍♂️服務：店員服務極之好，好有心機介紹餐廳menu同特式食物，上菜/收碟時都好有禮，幫忙處理食物時亦會同客人傾下計，交流一下飲食心得等等，而且全程都充滿笑容。


💰💸價錢：今日兩個人，叫左個好有份量嘅套餐，再加左兩杯特飲，埋單都只係$6️⃣0️⃣0️⃣左右，由食物質素到餐廳環境都令人覺得物超所值。


🐲💬總結：我好鐘意呢間餐廳嘅裝修風格同感覺，感覺好似進入咗日劇內嘅場景咁，食物除左賣相靚仲真係好味，而且仲好適合打卡。


推薦指數：❤️❤️❤️❤️❤️

📌 粉紅水門雞 - 觀塘駿業街56號中海日升中心地下N號舖 🗓(1/12) 星期五 ⏰ 晚上6點左右 💈特式：今日同大家講下呢間超抵食嘅泰菜，除左價錢抵之外，最吸引我嘅係佢地餐牌上寫住，所有菜式都係每日店內新鮮製造，沒有任何代工，呢一點相當難得。 🥩🍔🌭🌮🥗🥯🥘🍲🍝🍣🥟🍤🍱 食物：餐廳最招牌就係粉紅水門雞/滷水豬手/船麵等泰式菜，同埋提提大家叫佢地嘅一人餐會比散叫抵食好多，而家等我同大家講下🇨🇷味道先。 🍽一人餐 - 粉紅水門雞飯 $5️⃣8️⃣ : 一人餐包左一碗冬瓜雞湯，一個自選飯類(比散叫會增量35%)，仲有一款自選小食。 🐥🍵主打雞飯嘅餐廳，個雞湯通常都唔會差，因為佢地會用足材料去熬製，個湯唔會太油，除咗雞味仲會飲得到冬瓜嘅清甜味同好重薑味。 🐥🍚一人餐嘅水門雞有35%增量，所以大約有一份例牌份量，雞味幾香，雞皮都算嫩滑，雞肉帶少少鹹香味，最重要係佢地個泰式醬汁，香辣得嚟好惹味。 🦐小食我就揀左炸蝦餅，跟餐就只有一件，但都熱辣辣同幾大塊，食到蝦嘅鮮味，配埋甜酸醬幾開胃。 🐮🍜牛三寶船麵 $5️⃣2️⃣ : 呢個船麵牛三寶分別有牛筋/肥牛/牛舌，個湯底非常濃郁，本身帶微微辣味，仲可以選擇加辣，個麵底可以揀米粉或金邊粉，金邊粉麵質好煙靭，掛湯能力強，整體係一碗非常濃郁惹味嘅湯麵。 🐥✌🏻自家酸酸辣辣鳳爪 $2️⃣2️⃣ : 我好鍾意食泰式嘅酸辣鳳爪，見到佢係自家製就更加要試啦，鳳爪爽口，味道清新，酸辣開胃，作為小食真心唔錯。 🥭🍚芒果糯米飯 $2️⃣3️⃣ : 呢個芒果糯米飯份量就細細碗，表面有香甜芒果肉，底層就有白糯米同紫糯米，再配以大量椰奶，味道係少少咸多多甜，糯米口感軟糯煙靭，真係令人食唔停口。 D24榴槤麻糬Mochi $8️⃣ : 呢個可以一粒一粒咁叫，雖然價錢唔貴，但入面真係有唔少榴槤蓉，榴槤味都幾濃，外皮好薄而且都幾煙韌，都算唔錯。 ☕️🍵🥤🧋🍺🍷🥃🍹🧉🍾🍶🥛 飲品 : 餐廳除左汽水，仲有2款無糖烏龍茶同4款特飲，我地就叫左香茅檸檬薏米水同冰鎮泰式奶茶。 香茅檸檬薏米水寫明係用冰糖制作，所以飲落清清地，都幾消滯。冰鎮泰式奶茶完全冇加冰，就咁直接雪凍，所以一直keep住香濃，唔會越飲越淡。而且佢哋係用膠袋裝住，如果飲唔晒仲可以拎住走，一邊行街繼續飲。 🍽環境：餐廳佔地唔算好大，但都有不錯的裝修及佈置，尤其是佢地d吊燈，為餐廳增加特色，亦有畫龍點睛嘅作用，環境亦都整齊乾淨。 🤵🏻🤵🏻‍♀️🤵🏻‍♂️服務：店員服務都唔錯，尤其是有位姐姐，好細心同有禮貌，點餐係用QR Code落單，落單後店員上餐同收野都好快手。 💰💸價錢：叫左咁多野食，兩個人都食唔晒咁滯，埋單都唔洗$2️⃣0️⃣0️⃣，呢個價錢真係非常抵食。 🐲💬總結：我覺得呢間餐廳嘅出品都唔錯，雖然種類唔算多，但質素有返咁上下，而且價錢真係好抵食，值得推介。 推薦指數：❤️❤️❤️❤️🤍

📌 Nara Thai Cuisine - 尖沙咀廣東道3-27號海港城港威商場3樓3303號舖 🗓(29/11) 星期一 ⏰ 晚上7點左右 💈特式：今日收工去左行海港城，見都好長時間無食過泰菜，就揀左呢間泰國過江龍Nara，之後上網睇返，原來佢地2018年開始進軍香港市場，至今都已經有大約6年時間了。 🥩🍔🌭🌮🥗🥯🥘🍲🍝🍣🥟🍤🍱 食物：餐廳暫時有尖沙咀及沙田兩間分店，餐廳除左招牌泰國船麵之外，其他食物都可以呈現泰國傳統雅緻的飲食風華，而家等我同大家講下🇨🇷味道先。 🦐蝦片 $1️⃣5️⃣ - 一坐低就會有一碟蝦片係枱面，問過店員可以選擇唔要，但見都只係$15蚊，望落又幾好食，所以就照要，蝦片好脆身，有輕微辣味，作為零食或小食一流。 🐷🥗燒豬頸肉配青木瓜沙律 $1️⃣4️⃣8️⃣- 呢個沙律好清新，豬頸肉份量好多，配埋個醬汁，酸酸辣辣好惹味。青木瓜絲同沙律菜亦好爽口，酸味適中，十分開胃。 🦐泰式炒金邊粉 $1️⃣4️⃣8️⃣ - 炒金邊粉可以選擇辣或唔辣，同埋要唔要nuts，個賣相仲好吸引，個蛋網除左靚，食落仲有微微蛋香味，內涵方面有4~5隻爽彈嘅大蝦/大量蝦米/元貝/豆腐乾等，金邊粉亦炒得夠乾身，整體都唔錯。 🍡椰香奶黃流心湯圓 $7️⃣8️⃣ - 奶黃流心湯圓有4粒，口感煙煙韌韌，甜得嚟加埋少少椰絲香。另外個碗就係一碗熱糖水，好香濃嘅椰汁底，入面仲有不少椰肉/芋圓/芋頭/大西米/麥米，味道唔太甜，椰汁同配料亦都好夾到。 ☕️🍵🥤🧋🍺🍷🥃🍹🧉🍾🍶🥛 飲品 : 餐廳有唔少泰式飲品，例如沙冰/泰式奶茶咖啡/蝶豆花茶/椰青等等，但餐廳最Top推介就係鮮椰子沙冰，我就當然唔執輸要試下啦，真係認真唔錯，沙冰好滑，好香椰子味，飲到尾都唔會淡晒，由頭到尾都享受到濃濃嘅椰子香。 🍽環境：餐廳佈置真係滿分，仲有唔少座位可以望到壯麗嘅維港海景，環境同氣氛都一流，感覺舒適，比人一個非常出色嘅用餐體驗。 🤵🏻🤵🏻‍♀️🤵🏻‍♂️服務：始終係海港城呢個檔次嘅高級商場，餐廳職員嘅服務一定會比普通餐廳好得多，而且表現更加專業，上菜及收碟速度亦好迅速，會主動觀察到客人需要加水等，比人感覺好似去左高級酒店咁嘅感覺。 💰💸價錢：雖然唔係叫左好多食物，但兩個人都已經好足夠，埋單連加一都唔洗$5️⃣0️⃣0️⃣，係海港城用呢個價錢可以兩個人食個晚飯都真係好抵。 🐲💬總結：可能因為好耐無食泰菜，呢間比我感覺真心出色，價錢又抵，食物種類又有特式，整體都好滿意。 推薦指數：❤️❤️❤️❤️🤍

📌 鮨一 (厚福街) - 尖沙咀厚福街12-12A號藍馬商業大廈18-20樓 🗓(27/11) 星期一 ⏰ 晚上7點左右 💈特式：收工出左尖沙咀搵好野食，去到出名多野食嘅厚福街，見到呢間係Openrice有成千個好評嘅日式居酒屋「鮨一」，都唔使多諗，二話不說就決定食佢。 🥩🍔🌭🌮🥗🥯🥘🍲🍝🍣🥟🍤🍱 食物：餐廳有三間分店，主打都係日本居酒屋食物，而且材料大部份都係由日本直送，而家等我同大家講下🎌味道先。 🥗鮨一沙律 $1️⃣2️⃣8️⃣ - 呢個沙律係餐廳招牌菜式，亮點除左有個好鮮甜嘅蕃茄，同新鮮嘅沙律菜之外，大量角切嘅刺身都係呢個沙律嘅賣點，因為有多款唔同嘅角切刺身，所以入面包含左不同嘅口感，再配埋大量蟹子，整體感覺再進一步提升。 🐟🦐特上錦繡刺身 $5️⃣2️⃣8️⃣ - 因為今日坐吧枱，面對好多新鮮肥美嘅刺身，又點會忍到唔叫一個刺身拼盤食下啦。 呢個拼盤包括海膽共有8款刺身，不過師傅話係選用時令食材，所以每次都可能會唔一樣，魚肉每件都極厚切，8款包括有吞拿魚腩/油甘魚/帶子/牡丹蝦/海膽/鮑魚/鯛魚/池魚，直頭拍得住係日本食嘅質素。 🍤雜錦天婦羅 $9️⃣8️⃣ - 呢份天婦羅有3件炸蝦同4件蔬菜天婦羅，呢客天婦羅出色在唔會好油膩，炸漿亦好薄身，我最鐘意係佢地仲炸左個粉紅色好似櫻花樹咁嘅拌碟。 🌶🐮辣味噌煮和牛腹 $9️⃣8️⃣ - 呢個辣相當輕微，唔食得辣嘅人都一定接受到，和牛腹除左煮得非常淋之外，仲十分有油脂香，而且牛味都食得出幾濃郁。 ☕️🍵🥤🧋🍺🍷🥃🍹🧉🍾🍶🥛 飲品 : 餐廳作為居酒屋，酒類就一定好齊全，drink list有成差唔多20款清酒，見佢地仲有幾款自家製嘅梅酒都好吸引，如果喜歡飲酒嘅朋友真係唔好錯過。 🍽環境：餐廳佔地三層，雖然每層唔算好大，但都容納到唔少人，座位除咗普通餐枱，仲有面向壽司師傅嘅吧枱選擇，地方闊落，裝修用上日式木系風格，環境光猛整潔。 🤵🏻🤵🏻‍♀️🤵🏻‍♂️服務：職員服務非常好，而且好有禮貌 ，好有心機咁向客人推介菜單，亦會詢問客人有冇咩特別飲食喜好等等，絕對表現出細心嘅一面。 💰💸價錢：今日兩個人食到捧住個肚走，仲要係咁高質嘅日本餐，連埋加一都只係$9️⃣0️⃣0️⃣左右，係尖沙咀區食日本菜，呢個價錢算比較合理。 🐲💬總結：今日呢一餐我同另一半都好滿意，餐廳地理位置又方便，價錢亦都合理，食物質素又高，真心推介。 推薦指數：❤️❤️❤️❤️🤍