今日黎到銅鑼灣一間日本料理居酒屋🏮 有好多唔同既串燒選擇 飲生啤食串燒🍢 佢地有個套餐係一杯啤酒跟2款自選串燒 我地叫左2個套餐 就有4款串燒啦🥰🥰 串燒🍡 汁燒日本雞腎 汁燒雞軟骨 燒牛肉金菇卷 黑豚肉五花 四款串燒都做得好滋味 時間上控制得好 可以鎖住肉汁😋 狐狸烏冬🍜 原來狐狸係油炸豆皮🙈 一樣日本比較傳統既麵食種類 湯底比較清 所以食落唔油膩😍 牛肉壽喜燒🥩 牛肉油脂唔算太多 所以食落唔會覺得成口油膩 壽喜燒點會少左隻蛋 牛肉醮啲蛋漿食 正👍🏻

今日同朋友去左一間英式中菜餐廳🇬🇧 由英籍華人打理 主打懷舊中菜 將英式既中菜帶返黎香港👍🏻 服務員好親切 過黎同我地講解菜式 而且由於佢地冇雪櫃 所以所有海鮮都係新鮮運到 包括扇貝 聖子 蝦 蟹😍😍😍😍 芝麻蝦多士🍞 可以醮上喼汁一齊食 我覺得多士好似咸水角 好脆 蝦大隻多肉😋 脆皮素春卷 春卷好脆 餡料好多 配上泰國甜酸辣汁好好味🤤 陳醋蜜汁排骨 排骨做得好出色 容易骨肉分離 同醬汁味道好夾 而且好入味🥰 湖區海鮮羹 湯料有好多 包括豆腐 蝦 菇 紅蘿蔔 蟹肉 味道好濃郁☺️ 蒜蓉粉絲蒸扇貝 扇貝真係好大隻 係我咁大個女第一次見 蒜蓉粉絲係最常配搭扇貝既食材 咁大隻扇貝好入味 因為上面有大量粉絲蒜蓉 上桌時就已經好香蒜蓉味 將呢個家常菜做得好好味👍🏻👍🏻👍🏻👍🏻 棒棒吉列蝦掛包 用左蒸籠上桌 可以保持食用時都仲係熱熱地 賣相好靚 睇見好開胃🤤 乾燒薑汁鱈魚 鱈魚做得好好味 口感好好 好似入口即化咁🙈 脆皮燒牛肋骨 牛肋骨肉既部分好多 炸皮唔會好厚 提供左燒汁比我地加上去一齊食😋 The Caffeine Junkie🍸 Vodka同espresso比例剛剛好 調配得好出色👍🏻 Pornstar Martini🍸 一啖熱情果氣泡酒 一啖vodka 好細膩 味道清新💦 Chocolate nuts 上面唔同既堅果 當中仲有開心果 朱古力味好重🍫 Mango saimi 上面有一層芒果加上椰絲 中間果層cream好滑👍🏻

今日去元朗食韓國菜 入座後會送上三款韓式小菜 有芽菜 泡菜 蘿蔔絲😛 新沙洞招牌醬油蟹拼盤配紫菜拌飯🦀🍙 拼盤有齊晒醬油蟹🦀及醬油蝦🦐 醬油蟹有好多蟹膏 醬油亦唔會太鹹 仲有少少甜甜地 都唔會有腥臭味 食落味道都幾新鮮😋 另外醬油蝦既蝦肉肉質好彈牙 每隻蝦頭都有膏 一樣都係好鮮甜 套餐有埋紫菜飯 簡直係白飯神偷🦸🏻‍♂️ 呢個套餐原價$298 不過提前預訂醬油蟹就可以以優惠價$198享用啦~😍😍😍 星期一至四全日供應 五六日就只限七點前 公眾假期就無優惠 同埋要打電話去訂座先會有優惠🙈🙈 泡菜煎餅🫓 煎餅份量都大 面粉唔會太厚 厚薄岩岩好 泡菜料亦都好多 酸酸地仲可以解油膩🥰 韓國醬牛肉配生菜 大醬味道比較重👅 牛肉唔會好柴 都好多牛肉汁 生菜亦都好新鮮👍🏻 蜂巢米酒 杯入面有粒蜂巢蜜 配酒飲又得 單食蜂蜜又得 兩種享用方法😋

今次黎到一間文青cafe 一入門口就見到一排cd書 唔同既擺設等等 環境寬敞 坐得好舒服🥰 佢地有好多唔同既菜式都係採用左植物雞/牛肉 不可能黃金脆雞塊配自家製日本南高梅醬🍗 雞塊採用impossible植脆雞 用大豆蛋白製造 食落同真雞肉冇分別 有一絲絲雞肉口感 用左小麥粉去製成金黃色的麵包糠 令到雞塊既外層十分鬆脆 雞塊醮上餐廳自家製梅醬 味道酸酸地幾夾😍 日式照燒汁不可能漢堡🍔 用植物肉製成既漢堡扒 又厚身又大件 醬汁係餐廳自家制純素蛋黃醬 選用天然材料製作 包括初榨橄欖油 蘋果醋 荳奶 另外仲有好香脆既薯條🍟 日式三文魚照燒豆腐麻醬撈稻庭烏冬定食 一個定食除左撈烏冬外 仲有6款冷盤 茄子 蘿蔔漬 素三文魚 照燒豆腐 芭樂 關東煮 好豐富好抵食啊 賣相都好好睇 每款冷盤味道都好出色 生酮青檸梳打🍹 味道好清新 用黎解膩都唔錯！ 紅棗桂圓杞子玫瑰花茶☕️ 紅棗 桂圓 杞子 都係有補氣血作用 慢慢就知道養生既重要性‼️ 職員仲會幫我添加熱水啊👍🏻

觀塘一間極高質居酒屋 一入門就見到清酒自助機 再行入去左邊有和服區 而用餐環境寬敞舒適 張枱好闊落 我地叫左M5和牛料理二人晚餐 擺哂咁多樣野都唔會唔夠位👍🏻 清酒任飲只需$188😜 採用自助模式 有一個專用網站 店員會比代幣 開返自己個QR code 係清酒機嘟一嘟 放清酒杯落出酒處 按鍵後就可以出酒架啦 自助機有成36款清酒咁多選擇😍😍 其中有2款係我最鍾意 第一款係京姬匠純米大吟釀❤️ 酒精味道比較淡 而口感甜甜地 酒精15% 女仔飲比較容易入口 另一款係花邑雄町純米吟釀💜 口感順滑 微甘 入口有陣水果味🥂 佐酒小食🍶 枝豆 鱈魚乾 自家制漬物 用黎送清酒一流😝 什菌蜆清湯🍲 湯好清甜 蜆肉都好大粒😍 原條日本魚刺身 四款刺身 壽司四款各二貫🍣 日本魚刺身擺盤好震撼 同上次去日本食既擺法一樣 四款刺身同壽司好新鮮 日本魚亦都鮮甜 加上乾冰做成煙岩哂打卡🙈 串燒拼盤🍢🍡 分別有牛舌 豬腸 白鱔 大蔥 雞軟骨 每一款都燒得好好味😋 M5澳洲和牛🥩 熟度按照廚師推介 約5成熟 和牛味道好濃 又嫩又多汁😘😘 牛肉瓦蕎麥麵 牛肉味好香 蕎麥麵連一碗醬 好似沾麵咁🙈 巨峰乳酸🍹 特式雪花冰 雪花冰係海鹽口味 做到好細滑 可以解膩🥰

今次黎到大埔一間OX Steak Lounge鋸扒 餐廳裝修比人感覺好浪漫 好岩同另一半一齊黎拍下拖💕 凱撒沙律(牛/雞)🥗 牛肉同雞肉都係即叫即煎 送上黎時仲係熱熱地架 除左傳統生菜 麵包粒 煙肉 仲有蕃茄粒同酸豆 龍蝦湯🍲 龍蝦味好出色 好好飲👍🏻 牛肝菌忌廉湯🍲 香濃既牛肝菌味 聞落去好香啊👃🏻 牛骨牛油麵包 廚師將牛骨髓抽出混埋牛油再放入牛骨中 其他餐廳好少見到呢樣 好特別 用黎配搭麵包一流 好香♨️ 烤龍蝦尾意粉配西班牙紅蝦汁🦞🍝 龍蝦尾啖啖肉 好彈牙 用紅蝦汁黎做意粉醬汁令到好有鮮味😋 慢煮美國安格斯七打牛柳🥩 七打牛柳係牛柳中間部位 所以比較柔軟嫩滑 油份唔高 做到好彈牙🥰 配菜仲有松露薯條🍟 餐酒🍷🥂

仔仔經過La Famille見到啲小蛋糕就停左係度睇 仲不停講蛋糕蛋糕 見佢咁鍾意就買返去比佢試下 一共買左4個蛋糕🍰 茉莉蘋果🍏 一個蛋糕有茉莉花香同蘋果果香 口感香甜 上面係青蘋果形狀既朱古力 可以教埋仔仔除左紅蘋果之外 仲有青蘋果 負有教育意義既蛋糕啊🙊🙊 三重蜂蜜檸檬🍯🍋 由3種不同既蜂蜜製造既蛋糕底 表面鋪左蜂巢網狀既朱古力 檸檬既酸甜中和返蜂蜜既甜味 呢個配搭一向都係無敵👍🏻 雙重朱古力🍫 朱古力味超濃郁的蛋糕 表面圍住既係酥脆既朱古力配料 中間朱古力味鮮忌廉 戚風蛋糕質感柔軟 岩哂我最鍾意食朱古力既人🙈 日本日向夏蜜柑🍊 蛋糕表面鋪上了清爽蜜柑果肉同香草意式奶凍 加入左酸甜檸檬醬同鮮忌廉 蛋糕好清新 蜜柑果肉新鮮 仔仔自己一個差不多KO左成個蛋糕🙈

今日同老公拍拖去左大埔墟 行行下想食鐵板燒「燚」 餐廳環境比較暗 比人感覺好有格調 座位向上望可以見到有個魚缸 好特別 煙三文魚沙律🥗 用三文魚卷住啲沙律菜 旁邊有車厘茄同龍珠果 下面做黑醋打成泡沫做嘅沙律醬 好開胃🤤 帶子海膽刺身🍣 帶子大大粒 好鮮甜 海膽好肥美 旁邊有魚子醬 wasabi 黎可以醮啲黎提味 亦有櫻桃蘿蔔黎清清口入面味道 好貼心啊 鮑魚配法包🥖 擺盤好有心思 牛油蒜蓉味超香 食落去個感覺十分驚喜 老公讚口不絕 咁嘴刁既佢都講左幾次好好味😋 鵝肝配法包🥖 法包上面有芒果蓉同cream 酸酸甜甜可以解鵝肝油膩感 再配黑醋醬一流👍🏻 雞扒🐥 可以連埋蒜片一齊食 又或者可以醮下辣菜汁 唔會好辣反而有一種酸酸甜甜既口感😋 牛扒🥩 同雞扒一樣有蒜片 烹調時加入左大量蔥蒜 好香口 牛肉味都好濃🙈 啤酒🍻 每人一杯大大杯既啤酒 同老公啤啤佢🤣🤣

又係我同妹妹開餐既時候啦 餐廳位置闊落 有個大螢幕播住歌 仲有個落地大玻璃對住屯門河畔 晚餐有set dinner+$38可以有齊餐湯🍲主菜🍝🥩沙律菜🥗薯菜🥔 粟米湯🍲沙律菜🥗薯菜🥔 味道濃郁仲有好多粟米粒粒係入面 沙律菜份量好足😍😍 蒜香橄欖油蜆肉大蝦意粉🍝 意粉偏硬身 散發住啖啖既白酒香氣🥂 配料都好多 番茄仔都好甜 安格斯肉眼牛扒🥩 因為我地兩個人太細食 所以就嗌左150G既試試 我地叫咗5成熟 肉質嫩滑 食落好有牛味👍🏻 仲有薯條添啊👅 BBQ蜜糖烤焗雞翼四隻🐥 雞翼散發著烤焗嘅香氣 外表搽左層甜甜地既蜜糖醬🍯 牛角窩夫鮮果雪糕🍦 窩夫口感都好脆 雪糕係雲呢嗱味 仲有啲雲呢嗱籽 令雪糕好香 一啖雪糕一啖窩夫 係好正😊 巨杯檸檬茶🍹 一上枱 同妹妹都嘩左一聲 果然係巨杯檸檬茶 大大杯 仲有得添飲😋😋

放假同老公帶個仔去KORO TOKYO MAZESOBA麺屋こころ 佢地係一間結合傳統工藝和新穎創新的日式撈麵店🍜 等待位置既期間係出面可以望到店內以新鮮手工製造麵條😋😋
 餐廳為左提供最正宗的東京本土撈麵體驗 兩款撈麵都有提供建議食法比我地 另外店員都好貼心咁提醒我地 撈麵上面係有生蛋 所以記得比小朋友食之前要分開先 超貼心👍🏻👍🏻 全料東京撈麵🍜 豬腩肉味好香 口感好好 而辣肉碎令撈麵更惹味 我完全係根據建議食法咁食🙈 首先戳破蛋黃 完全攪拌後食撈麵原味 食左1/3之後可以加入黑胡椒粉 勁香！再食多1/3後就加入餐廳秘制既香醋 更好味！ 明太子忌廉撈麵🍜 濃濃既明太子味道👅 建議食法最大既分別就係食完2/3後係加入黑醋 兩款撈麵食到最後仲有醬汁可以問店員拎迷你白飯 成個感覺就好似再去左日本咁😍😍 
鳥軟骨餃子🥟 煎得好脆 食落好香口😋 抹茶柚子梳打 餐廳手作茶飲係以百分百有機抹茶為賣點 咁就當然要試試佢啦 柚子味好香 同抹茶好夾👍🏻 抹茶拿鐵🍵 抹茶同牛奶配搭既比例適中 抹茶既清香味唔會比牛奶蓋過🥛