考試周又到，忙碌同焦慮之餘都要比自己輕鬆下，哩日午餐就來個一人前omakase為自己疲累嘅身心打打氣。比較咗幾間餐廳之後，黃埔哩間森戶性價比超高，午市低至$380即可，諗住weekday lunch應該吾會太多人，於是book位一試～ 《山・廚師發辦》$380 共有三款omakase可選，價格分別由$380-$780不等，今日就食個較經濟嘅版本，但系已含茶碗蒸、壽司10貫、手卷1貫、湯物及甜品，可謂非常豐富！食材配搭方面亦是出色，可見廚師有用心研究配搭。 ▶️茶碗蒸 先來一個茶碗蒸暖下胃，內有三文魚籽及日本蓴菜，蓴菜口感清爽滑嫩，外型包覆著一層像果凍般的膠質，第一次與茶碗蒸一起品嚐，頗有特色～ ▶️壽司 ✨蜜柑鯛 作為壽司嘅第一道非常合適！蜜柑鯛充滿蜜柑香氣，有一刻甚至以為系浸漬過蜜柑汁。加上淡淡的油脂香，無腥味，肉質清爽鮮甜。 ✨赤貝 用熱水微微燙過令肉質微微收縮，呈橙紅色充滿光澤，吃落肉質厚實爽脆。 ✨縞鰺 香港人常稱為深海池魚，作為白身魚肉質細緻爽口帶油份，味道甜美。 ✨牡丹蝦 上有蝦膏及三文魚籽點綴，蝦膏味道較濃，與蝦肉形成對比，更凸顯牡丹蝦的清甜。 ✨金目鯛 用火槍輕輕炙燒過，令表面稍為收縮，上有柚子胡椒 ，味道微辣，肉質彈牙及爽。 ✨池魚 很喜歡這個組合，用較濃味的薑蓉吊出鮮味，特別的做法。 ✨赤身 赤身是吞拿魚背部不含油脂的肉，這道壽司上的赤身已用醬油漬過，上有紫蘇葉絲，不點醬油即可食用。肉質結實有咬口。 ✨Bb銀鱈魚 油脂超豐富的銀鱈魚，經過炙燒後逼出油分，質地嫩滑，令人想一試再試！ ✨大拖羅 整條吞拿魚中最肥美的部位，因為紋理似蛇腹所以也被稱為“蛇腹”，以紫蘇葉墊在底部，微灼燒後撒上山葵根，帶出微辣的味道。入口散發濃厚的油脂香氣，仿似融於口中，非常美味！ ✨馬糞海膽 海膽份量超慷慨，每口都濃厚甘甜。 ▶️拖羅蓉手卷 澎湃的拖羅蓉已調味，混有蔥，芝麻等食材，均勻按壓在飯面再用紫菜包好即時食用。這種包法令每一口都是滿滿的餡料，不會食到最後得返啖飯，真系超超滿足嘅手卷！ ▶️鯛魚湯 以上各種不同的新鮮食材搭配醬料真系好似一次味覺之旅咁。最後上的這道鯛魚湯就呈奶白色，以清淡為主，清清個口再食雪糕。 ▶️栗子雪糕 雪糕選擇有開心果、紅豆及栗子雪糕，每樣都好想試~最後揀嘅栗子雪糕裡面還有少許栗子果蓉，炎炎夏日食用真系好清爽又令人意猶未盡。 總體系一次性價比高嘅omakase，如果你都想以更經濟實惠嘅價錢試omakase，不妨來森戶book位啊！

每次去台灣都必定要吃的無老鍋，在香港一共有兩間分店，食物質量超優岩曬一大班朋友聚會！尖沙咀分店位於交通便利嘅H Zentre，港鐵一出即到，環境高檔企理。 ▶️冰淇淋豆腐鍋($78/位) 鍋底按人頭收費，抵吾抵食就見仁見智。初頭我都覺得如果一大班人嚟食，鍋底都幾金下，但係發現原來麵包豆腐同鴨血系可以無限添加，中意食鴨血同豆腐嘅我覺得，真係可以食返本！選擇困難症人士表示，只有辣同吾辣兩款選擇真係好好，因為另一半吾食辣，所以吾洗諗就揀咗冰淇淋豆腐鍋。鍋底濃郁又養生，冰淇淋豆腐$10/粒，系必食，煮3-5分鐘即可食用，口感軟Q，而豆腐就以蜂巢狀的內部吸滿湯料，讓人欲罷不能！ ▶️上選小牛排($368) 擺盤精美，大大片，色澤新鮮，肥瘦適中，入口牛味濃郁不膩，點埋自製醬料，大滿足～ ▶️梅花豬肉($118) 排列得整整齊齊再上枱，打卡一流，梅肉不肥而且口感不乾柴，與湯底很搭。 ▶️濃香豆皮($68) 由台灣直送的濃香豆皮，與普通的響鈴很不一樣。除了份量是jumbo size以外，需要煮數分鐘方可食用，跟湯汁完美結合。建議喜歡口感爽脆的煮5分鐘，喜歡質地軟綿點的煮10分鐘。 ▶️鮮甜蔬菜盤($108) 一開始以為是普通的蔬菜盤，上枱時發現擺盤真是超有心思，仿似花籃一般，種類多元之餘，每款都又新鮮又靚。 ▶️水蜜桃沙冰(免費) 非常出色的一款甜品，沙冰透心涼，清新解膩，同熱辣辣嘅打邊爐一齊食，冰火兩重天。 總結：睇單價可能會覺得比較貴，但是上枱可見每樣菜色都份量超足，而且是高級貨色，味道濃厚豐滿，性價比確實不俗！可以再訪～

在家自製清新下午茶沒難度！❤️是日收工經過mikiki，見到哩間新開嘅麵包店，號稱新加坡人氣健康麵包，對於無論早午晚餐加宵夜都中意啃返個包嘅我嚟講，簡直系恩物~~ 麵包選擇非常多元，除咗常見嘅麵包，仲有芝士撻、蛋撻、迷你冬甩、布甸等，令人眼花繚亂~ ✨蔓越莓乳酪包 ✨南瓜包 ✨紅莓司康 ✨迷你牛角包 ✨招牌特濃芝士撻 ✨港式咖啡 最中意南瓜包，因為新鮮出爐，包軟綿綿超鬆軟，內有真南瓜蓉，健康又美味！而蔓越莓乳酪包就系小朋友最愛，甜甜鹹鹹做早餐一流！ 另外自家制港式咖啡和奶茶還可以揀選少甜口味。一杯咖啡一件包，低成本自家制英式下午茶OK👌🏻👌🏻👌🏻!

逛開銅鑼灣就知道京都廣場美食雲集，每次同朋友聚會都好中意揀哩度做落腳地。咁岩瀛豐放題料理搬咗落三樓，全新裝修比以前坐得更舒服，食物方面更有超過180款港日泰美食任叫任食，岩晒大胃王！ ▶️晚市放題($249/兩小時) ✨追加生蠔任食($138/位) ✨追加海膽帶子任食($118/位，如選$138生蠔任食已包) QR code自助落單方便又衛生，未坐低頭盤已經送上，包括刺身拼盤、生蠔及海膽壽司各6隻。刺身拼盤類別超多元，上枱時仲仙氣縈繞，打卡一流。隔離枱多人食，仲以船形盛器送上，豪華得“哇”一聲！刺身素質都幾多元，口感新鮮，食完welcome platter仲可以根據自己喜好無限encore，滿足~ 而生蠔都夠肥美，用冰盤托底保持新鮮，海膽帶子就大大粒，中意食海膽生蠔嘅話，回本位就在哩度喇！ 此外仲有壽司、手卷等任君選擇。最特別系佢有好多泰式燒烤選擇，份量可以從一隻叫起，唔驚浪費。燒元貝、燒虎蝦、泰式炒蜆都令人回味無窮。 飲品選擇多到不得了，中意啤啤佢嘅就最合適不過。除咗比較常見嘅日式、台式飲料，啤酒都有好多款啊，仲唔洗額外付費，有罐裝之外，中意飲生啤嘅更可以自己斟，一班朋友聚會真系最合適不過！

朋友同我講嚟老鍋食lunch好抵食，今日終於嚟到試，午時時段人吾算太多，好快就有位，仲坐得舒適闊落。 ▶️午市二人餐($299) 二人套餐內容都豐富，保證夠飽，如果在附近返工，lunch嚟個火鍋其實都幾開心～一個二人餐有齊湯底、肉、丸、菜同主食，滿足又好味！ ✨湯底：膠原蛋白美人鍋 鍋底可以四選一，每樣都好吸引，最後揀選咗美人鍋，鍋底真係好足料！滋補湯底中有藥材、紅棗、還有一整隻烏雞，煮熟後雞肉變軟腍，吸滿湯汁。 ✨肉：雪花肥牛 肉類可以在豬梅肉、肥牛同農場雞肉中揀一樣。牛魔王嘅我哋毫不猶疑就揀咗牛肉，肉味非常濃郁，肥瘦適中，分量吾多吾少，作為午餐好適合！ ✨丸：墨魚丸、香菇貢丸、魚皮餃、台灣蛋餃 大滿貫之一次有有齊四樣吾洗揀，我就最中意墨魚丸，爽口彈牙。 ✨五彩鮮蔬盤/飯/米線 岩曬選擇困難症人士，另外米線配美人鍋原來好好味，大家不妨一試！

就算再飽，都有第二個胃吃甜品，這個講法真係一D都冇錯！同朋友打完邊爐繼續下一場，哩間位於百德新街嘅Pancake Senmon就岩曬。環境小清新之餘，坐得舒服，如果晴天來到，窗邊位置日光充沛，加上店家悉心佈置，系同朋友暢聊嘅好去處～ ▶️和栗pancake ($158) 店家個名都叫“Pancake專門”，顧名思義signature野系pancakes～果然冇失望，哩個反傳統嘅和栗pancake，外形完全吾似pancake，但係澎湃嘅栗子蓉下面系超軟綿嘅日式pancake。栗子蓉味道濃郁出眾又吾膩，吾怕肥嘅我哋將佢清曬碟！而裡面除了pancake，還有一球雪糕，味道可以自選，我哋就揀咗栗子味嘅雪糕，好match！ ▶️無花果pancake ($148) 好中意哩個pancake，口感輕盈，而且cream系伯爵茶味，令pancake甜而不膩，加上冰涼嘅雪糕，味道多元。 ▶️抹茶拿鐵 ($48) / 維也納咖啡 ($48) 維也納咖啡賣相精緻，由酒杯盛載，下面系house blend豆espresso，上面系厚厚一層忌廉。忌廉入口後，系微澀嘅咖啡，苦與甜交織，想嘗試特別咖啡嘅人可以一試！ 埋單時店家還會送上日本糖果，令你甜住走，哩個服務又幾貼心喎！

來到石亭總有一種“深夜食堂”的感覺，充滿和風的木門一關上，昏黃的燈光、滿牆的酒標貼紙、看似隨意掛上的本日推介招牌，就仿似穿越到日本街頭的居酒屋，將里外兩個世界隔開。 ▶️蟹子沙律($68) 開胃菜先來個蟹子沙律，青瓜切成細絲， 面頭是澎湃的蟹柳絲及蟹籽，混合沙律醬，味道開胃又清新。 ▶️日本深海池魚薄切($198) 池魚刺身配酸汁一向質感爽口、味道鮮甜，還附上蔥花和薑末，增加香口度，辟走腥味，令刺身更可口。 ▶️日本室津蠔($180/4隻) 超大隻嘅室津蠔，未食已經見到蠔肉肥美豐滿，入口肉質鮮嫩，口感Creamy，令人想一試再試。 ▶️壽司 ✨吞拿魚赤身($78/2件) ✨左口魚($68/2件) ✨三文魚腩($45/2件) 吞拿魚赤身近魚背部位，脂肪較少，質感結實。而三文魚腩就油脂豐富，肉質肥美。左口魚就肥大肉厚，充滿油脂，咬落去非常有質感。 ▶️串燒 ✨雞肝串($32) ✨雞心($28) ✨雞腎串($32) ✨雞軟骨串($20) ✨牛舌串($42) ✨番茄豚肉卷串($32) ✨蘆筍豚肉卷串($32) 來到居酒屋飲返杯清酒配串燒，同朋友暢談天地享受放工後的時光是常識吧！牛舌串非常出色，厚身又juicy，咬落吾韌。另外我都好中意雞肝，含鐵質及維他命。 ▶️雞扒飯($108) 最後來一個每次都要食嘅雞扒飯，雞扒煎至外皮焦脆，肉質嫩滑，照燒汁令味道更可口，亦可以送飯，整體出色。

嗜辣之人每月總有幾天特別想吃辣，住在鰂魚涌嘅朋友今次就帶我食哩間勁隱世可能街坊先識搵嘅川菜館紅館，睇到門面嘅大紅色已經feel到一陣麻辣氣息，好正！ ▶️四川椒麻雞($108/半隻) 椒麻雞吾系間間川菜館都有得食，見到即刻order！果然冇失望，主角雞肉嫩滑無比，睇落吾太覺有花椒但係入口啖啖都系花椒味，而且一開始吾覺太麻，但係後勁十足，越食越爽～ ▶️招牌酸菜魚($158) 以煲仔裝好新鮮滾熱辣送上，魚肉可選龍利柳或滑魚片，酸菜份量慷慨，魚肉嫩滑又大片，湯底又酸又辣，建議中意食辣嘅人選大辣先夠過癮~ ▶️成都冒菜($178) 可選原味或者麻辣湯底。一場來到冇理由唔食辣，所以諗都冇諗就叫咗麻辣，上枱時紅紅嘅一盤，非常足料，包括嫩滑牛肉、豆腐、蘿蔔、金針菇、青瓜粒、嫩豆芽，一次過滿足六個願望！而我就最中意食個豆腐，同辣湯十分之夾！ ▶️青島啤酒($25晚餐跟啤酒特價) / 汽水($10) 酒杯系戰鬥碗，有特色！

香港人最中意打邊爐🍲，秋冬就火鍋取暖、春夏就開冷氣邊爐，可見我哋究竟有幾鍾情火鍋。深水埗近南昌方向最近開發咗個新樓盤愛海頌，雖然位置在深水埗，但係附近配套都乾淨又高檔，而今日試嘅哩間邊敘邊醉就以玩味十足嘅裝修吸引咗我哋，門口系搶眼嘅橙紅色，入內裝修雅緻，仲少有地配有電梯，上樓可以慳埋腳骨力！座位之間間隔闊落，更設有雅座，坐得非常舒服，二樓除咗雅座仲有私人房，拉開屏風仲可以擺兩圍，好適合一班朋友gathering！ ▶️酸梅湯 剛坐下就送上每人一杯開胃飲品，酸梅湯酸酸甜甜，好清新又開胃～ ▶️醉牛𦟌 等待食物上枱嘅時候可以食住小食先，酒鬼記住要嗌，因為送酒絕對一流。我就超愛醉牛𦟌，酒味濃厚，而肉質易咬。 ▶️麻辣青瓜拌木耳 麻辣青瓜惹味，裡面嘅花生粒最受歡迎，一邊飲酒一邊慢慢食就岩～ ▶️母親節就嚟到喇💐，仲煩緊去邊食？就系哩間喇快D嚟睇下👀👀！香港人最中意打邊爐🍲，秋冬就火鍋取暖、春夏就開冷氣邊爐，可見我哋究竟有幾鍾情火鍋。深水埗近南昌方向最近開發咗個新樓盤愛海頌，雖然位置在深水埗，但係附近配套都乾淨又高檔，而今日試嘅哩間邊敘邊醉就以玩味十足嘅裝修吸引咗我哋，門口系搶眼嘅橙紅色，入內裝修雅緻，仲少有地配有電梯，上樓可以慳埋腳骨力！座位之間間隔闊落，更設有雅座，坐得非常舒服，二樓除咗雅座仲有私人房，拉開屏風仲可以擺兩圍，好適合一班朋友gathering！ ▶️酸梅湯 剛坐下就送上每人一杯開胃飲品，酸梅湯酸酸甜甜，好清新又開胃～ ▶️醉牛𦟌 等待食物上枱嘅時候可以食住小食先，酒鬼記住要嗌，因為送酒絕對一流。我就超愛醉牛𦟌，酒味濃厚，而肉質易咬。 ▶️麻辣青瓜拌木耳 麻辣青瓜惹味，裡面嘅花生粒最受歡迎，一邊飲酒一邊慢慢食就岩～ ▶️滋潤花膠螺片鮮雞鍋 絕對值得order嘅鍋底！超級超級足料，花膠好大舊，絕非一般餐廳濫竽充數嘅魚肚。入口膠質濃郁又彈牙，雞湯熬至出味而且雞件系新鮮雞，舊舊都系靚肉！吃之前記得要飲返碗先，絕對吾會差過阿媽煲嘅老火靚湯！ ▶️牛頸脊/封門柳 打邊爐點少得牛肉，推介哩個靚靚手切牛拼盤！職員推介一般會先食牛頸脊，因為封門柳肉味更濃郁，所以一般會較後才食用。牛牛頸脊味較濃，果然系本地手切牛，放入湯中大概十秒即可食用。封門柳脂肪量較少，肉質軟腍，同湯底好match！ ▶️餃子拼盤 一個拼盤有齊黑松露鮑魚餃、自創花雕醉雞餃、黑豚肉韭菜餃、鮮蝦雲吞，大滿足！欣賞店家每日自家新鮮包餃子，不是坊間一般嘅雪藏餃子。因為系自家製，餡料就多元又有創意，計時5分鐘就可以食，一場嚟到絕對值得一試！我最愛嘅系花雕醉雞餃，由薄薄一層麵皮包住濃厚嘅花雕湯，好襯邊敘邊醉嘅名！而黑松露鮑魚餃由真鮑魚製成，濃郁嘅黑松露味令人滿足！ ▶️自製脆炸響鈴 打邊爐一定要嗌響鈴，吸滿湯汁～ ▶️淮山麵 嗱嗱嗱，米話吾提你，哩個淮山麵真係出乎意料地好味，每條麵都掛滿雞湯，而且口感系好Q彈爽滑，連汁都吾洗點，我竟然食咗兩碗，連我自己都吾信。 ▶️新鮮蔬菜拼盤 選擇困難症表示有拼盤可以省卻好多麻煩，一次過滿足曬所有願望～ ▶️雪燕椰子奶凍 母親節特別版嚟架，千奇吾好錯過！現在只要order花膠螺片鮮雞鍋即送甜品，味道輕盈無香精，真材實料。 ▶️竹蔗茅根雪梨水 每日新鮮炮製，一邊食一邊飲，大家不妨一試～ 隨後一讚職員服務真係唔錯，食物有介紹之餘，仲同客人有傾有講，令人賓至如歸。就嚟到母親節喇，仲吾快D嚟試下！

海港城中的寶藏餐廳推介！門面仿似一個巨大的珠寶盒，私隱度極高，入內裝修別有洞天，每一個細節位都顯示出古典華麗嘅感覺，好適合同閨蜜或另一半慶祝特別節日，或者宴請賓客都令人賓至如歸～ 內部裝修分火鍋區及中菜區兩大區域，沿著吧台穿過火鍋區，即可進入中菜區，華麗氣派嘅裝修令人未用餐就wow一聲～ ▶️荔枝汁漬荷蘭串茄($158) 前菜有冷熱盤之分，冷盤我哋就選擇荷蘭串茄，去皮再用荔枝汁浸漬，最後用金箔點綴，賣相矜貴，入口輕盈！ ▶️脆炸韭菜鴨血($128) 第一次食咁有創意嘅菜色，鴨血通常系打邊爐先食到，諗吾到大廚以脆炸嘅形式呈現，感覺上食緊椒鹽炸豆腐，但係裡面嘅鴨血口感有彈性又軟嫩。 ▶️花圖爵士湯($228/位) 好味到要encore嘅湯，不愧系花圖嘅signature出品。盛器系石獅模樣，夠氣派。以龍蝦湯做湯底，湯料超足料，有響螺、花膠以及日本蜜瓜，精心熬製而成，入口清甜滋潤。 ▶️花圖和牛寶盒($168/位) 有創意嘅中式料理，以薄薄一層和牛做外皮，包住豆芽及切碎嘅豆卜後再釀煮。食用時有水煮牛的味道，醬汁是川式花椒嘅微辣，但又吾會喧賓奪主，豆芽經乾煸，而豆卜就吸收曬牛汁，令每一口都有多重滋味。 ▶️花蜜咕嚕肉($298) 將菠蘿釀入肉粒，咬落外皮非常酥脆，然後系飽滿嘅肉粒，最後由菠蘿酸酸甜甜嘅清新氣息結束。第一次食到如此口感嘅咕嚕肉，而擺盤亦有心思，咕嚕肉做到肉丸形狀，再以鮮花及菜苗做點綴，好似花園咁，有驚喜嘅！ ▶️豆漿杞子素千層浸時蔬($148) 素千層值得一讚，師傅每日手工製作，睇得出心機同細緻，入口散發出濃濃豆香。 ▶️花圖炒飯($358) 米睇少哩碗炒飯，用料真係不得了，黑松露、和牛粒、蝦仁，炒至粒粒分明，色水偏深色，卻吾會太鹹，一口米飯嚐到多種用料的味道。 ▶️紫醉金迷($58) 糖不甩的新派變奏版，將紫米煮熟再炸香，上面撒上煉奶、花生、芝麻、椰絲等等，香脆可口又懷舊！ ▶️Pink Shady($128) / Sexy Mama($78) Cocktail同Mocktail賣相相當精緻，Gin酒混和士多啤梨汁，再加入玫瑰梳打水，讓杯中酒泡慢慢升高卻不塌下，味道清爽香甜。